Éxodo 34:13 - Li Santil hu

¹³ Te̱jucꞌ chi junaj cua lix artaleb ut te̱poꞌ ajcuiꞌ lix dioseb Asera xcꞌabaꞌ. Te̱yoqꞌui li cheꞌ li nequeꞌxxakaxi aran li nequeꞌxlokꞌoni ru.

Q'eqchi Bible

¹³ Taajuk'i li x'artaleb', taapuk'iheb' li xxaqab'anb'il pek ut taayok'i eb' li xloq'laj toon che'.

Éxodo 34:13 ပူးပေါင်းရင်းမြစ်များ

2 Reyes 18:4

Laj Ezequías quixjuqꞌui li naꞌajej najt xteram li nequeꞌxlokꞌoni cuiꞌ li yi̱banbil dios. Quixjori li ni̱nki jalam u̱ch Asera xcꞌabaꞌ. Ut quixpuqꞌui li yi̱banbil dios. Ut quixjori ajcuiꞌ li cꞌantiꞌ yi̱banbil riqꞌuin bronce li quixyi̱b laj Moisés xban nak eb laj Israel yo̱queb chixcꞌatbal lix incienso chiru. Nehustán quiqꞌueheꞌ chokꞌ xcꞌabaꞌ li cꞌantiꞌ aꞌan.

Éxodo 23:24

Ut me̱cuikꞌib e̱rib chiru lix yi̱banbil dios eb aꞌan, chi moco chexcꞌanjelak chiruheb. Me̱ba̱nu joꞌ nequeꞌxba̱nu eb aꞌan. Te̱jucꞌ ban lix yi̱banbil dios ut te̱sach ruheb chi junaj cua.

Deuteronomio 16:21

Me̱rau li cheꞌ re xlokꞌoninquil li jalanil dios lix Asera, chi moco te̱qꞌue chixcꞌatk lix artal li Ka̱cuaꞌ le̱ Dios.

Deuteronomio 7:5

Li cꞌaꞌru tento te̱ba̱nu, aꞌan aꞌin: te̱sach chi junaj cua lix artaleb. Te̱sach chixjunil li joꞌ qꞌuial cuan saꞌ li naꞌajej li nequeꞌxlokꞌoni cuiꞌ li jalanil dios. Te̱sach lix jalam u̱cheb lix Asera xcꞌabaꞌ ut te̱cꞌat chixjunileb lix yi̱banbil dios.

2 Crónicas 31:1

Nak queꞌrakeꞌ chi ninkꞌei̱c, eb laj Israel li cuanqueb Jerusalén queꞌco̱eb saꞌ eb li tenamit li cuanqueb saꞌ xcue̱nt Judá. Queꞌxjuqꞌui li ni̱nki pec li nequeꞌxlokꞌoni cuiꞌ li yi̱banbil dios ut queꞌxjori lix jalam u̱ch lix Asera. Queꞌxjuqꞌui li naꞌajej li najt xteram ut eb li artal li cuanqueb yalak bar saꞌ lix naꞌajeb li ralal xcꞌajol laj Judá, laj Benjamín, laj Efraín ut laj Manasés. Nak queꞌxchoy xsachbal chixjunil, eb laj Israel quilajeꞌco̱eb saꞌ lix naꞌajeb saꞌ lix tenamiteb.

2 Reyes 23:14

Quixtakla ajcuiꞌ xpoꞌbal li pec ut li cheꞌ li quicꞌanjelac re xlokꞌoninquil lix Asera. Ut quixcut xbakeleb li camenak saꞌ li naꞌajej li queꞌcuan cuiꞌ.

Jueces 6:25

Saꞌ ajcuiꞌ li kꞌojyi̱n aꞌan, li Ka̱cuaꞌ quixye re laj Gedeón: —Cꞌam lix toro la̱ yucuaꞌ, li xcab toro li cuan cuukub chihab re. Ta̱jucꞌ li artal li quixyi̱b la̱ yucuaꞌ re xlokꞌoninquil li yi̱banbil dios Baal. Ut ta̱yocꞌ ajcuiꞌ li cheꞌ li nequeꞌxlokꞌoni cuiꞌ lix Asera lix dioseb li cuan chixcꞌatk li yi̱banbil dios Baal.

Jueces 2:2

Abanan tento nak la̱ex incꞌaꞌ te̱ba̱nu junak contrato riqꞌuineb li cuanqueb saꞌ li naꞌajej aꞌin. Te̱juqꞌui ban lix artaleb.” Abanan la̱ex incꞌaꞌ xeba̱nu li quinye e̱re. Xekꞌet ban li cua̱tin.

Jueces 6:26

Ut ta̱yi̱b chi cha̱bil jun chic li artal saꞌ xbe̱n li bol aꞌin re inlokꞌoninquil la̱in li Ka̱cuaꞌ la̱ Dios. Ut saꞌ li artal li ta̱yi̱b, ta̱cꞌat li toro chokꞌ a̱mayej. Lix cheꞌel li dios Asera li xayocꞌ, aꞌan li ta̱cꞌanjelak chokꞌ a̱siꞌ re xcꞌatbal li toro, chan li Ka̱cuaꞌ.

1 Reyes 14:15

Li Ka̱cuaꞌ tixqꞌueheb chi rahobtesi̱c laj Israel. Chanchan nak na-ecꞌasi̱c li caxlan ajl xban li haꞌ nak teꞌisi̱k saꞌ li cha̱bil naꞌajej li quixqꞌue li Dios reheb lix xeꞌto̱nil xyucuaꞌeb. Tixchaꞌchaꞌi ruheb ut tixtaklaheb jun pacꞌal li nimaꞌ Éufrates xban nak queꞌxchikꞌ xjoskꞌil li Dios nak queꞌxyi̱b lix dios Asera ut queꞌxlokꞌoni.

2 Crónicas 14:3

Quirisiheb li artal li queꞌxlokꞌoni cuiꞌ li jalanil dios ut quixpoꞌ eb li naꞌajej li najt xteram. Quixjoreb lix jalam u̱ch lix dioseb ut quixjor ajcuiꞌ lix jalam u̱ch lix Asera.

2 Crónicas 15:16

Lix Maaca lix naꞌchin laj Asa quixyi̱b jun lix dios Asera. Joꞌcan nak laj Asa quirisi xcuanquil chokꞌ reina. Quixjor li yi̱banbil dios li quixyi̱b lix naꞌchin ut quixcꞌat chire li haꞌ Cedrón.

2 Crónicas 17:6

Kꞌaxal cuiꞌchic quixqꞌue xchꞌo̱l laj Josafat chixba̱nunquil li cꞌaꞌru naraj li Dios. Quilajxpoꞌi chixjunileb li naꞌajej li najt xteram li queꞌxlokꞌoni cuiꞌ li yi̱banbil dios xAsera ut quixpoꞌi lix jalam u̱ch lix Asera li cuanqueb aran Judá.

2 Crónicas 24:18

Queꞌxtzꞌekta̱na lix templo li Ka̱cuaꞌ lix Dioseb lix xeꞌto̱nil yucuaꞌ ut aꞌ chic li yi̱banbil dios xAsera ut eb li jalam u̱ch queꞌxlokꞌoni. Xban li ma̱c queꞌxba̱nu, cꞌajoꞌ nak quichal xjoskꞌil li Dios saꞌ xbe̱neb laj Judá ut eb laj Jerusalén.

2 Crónicas 33:19

Ut tzꞌi̱banbil retalil lix tij li rey Manasés ut chanru nak li Dios quixsume. Tzꞌi̱banbil ajcuiꞌ retalil li ma̱usilal li quixba̱nu nak toj ma̱jiꞌ nayotꞌeꞌ xchꞌo̱l ut najal xcꞌaꞌux. Tzꞌi̱banbil retalil li incꞌaꞌ us quixba̱nu ut tzꞌi̱banbil retalil li naꞌajej li najt xteram li quilajxyi̱b re xlokꞌoninquil li jalanil dios, joꞌ ajcuiꞌ lix jalam u̱ch li yi̱banbil dios xAsera. Chixjunil li cꞌaꞌak re ru aꞌin tzꞌi̱banbil retalil saꞌ li hu li queꞌxtzꞌi̱ba eb li profeta.

Isaías 17:8

Incꞌaꞌ chic teꞌxcꞌojob xchꞌo̱leb riqꞌuineb li artal li queꞌxyi̱b riqꞌuin rukꞌeb. Incꞌaꞌ chic teꞌxlokꞌoni lix jalam u̱ch lix Asera li queꞌxyi̱b, chi moco teꞌxlokꞌoni li sakꞌe.

Isaías 27:9

Li Dios tixcuy xma̱queb laj Israel nak telajeꞌxjuqꞌui chixjunil li artal li nequeꞌlokꞌoni̱c cuiꞌ li jalanil dios. Tixcuy xma̱queb nak ma̱cꞌaꞌak chic li yi̱banbil dios xAsera, chi moco li naꞌajej li nacꞌatman cuiꞌ li pom.

Jeremías 17:2

Jultic reheb le̱ ralal e̱cꞌajol eb li artal ut li yi̱banbil dios xAsera li quelokꞌoni rubeleb li cheꞌ li ni̱nk xmuheb ut saꞌ eb li naꞌajej li ni̱nkeb xteram.

Miqueas 5:14

Ut la̱in tinpuqꞌui chixjunileb li yi̱banbil dios lix Asera xcꞌabaꞌ li cuanqueb saꞌ e̱ya̱nk ut tinsacheb ajcuiꞌ li tenamit bar cuanqueb cuiꞌ.

Números 33:52

te̱risiheb chixjunileb li cuanqueb saꞌ li naꞌajej aꞌan. Te̱sach ruheb chixjunileb lix dioseb li queꞌxyi̱b riqꞌuin pec ut riqꞌuin chꞌi̱chꞌ. Te̱tꞌan chixjunileb li naꞌajej li najt xteram li nequeꞌlokꞌonin cuiꞌ.

Deuteronomio 16:22

Ut micuan e̱jalam u̱ch re te̱lokꞌoni, xban nak li Ka̱cuaꞌ le̱ Dios xicꞌ naril eb aꞌan.

2 Reyes 10:27

Queꞌxpoꞌ li artal ut queꞌxjucꞌ lix templo laj Baal ut queꞌxqꞌue chokꞌ xnaꞌaj li cumum ut chalen anakcuan, aꞌan chic lix cꞌanjel li naꞌajej aꞌan.