Éxodo 34:10 - Li Santil hu

¹⁰ Ut li Dios quixye: —La̱in tinba̱nu lin contrato e̱riqꞌuin. Chiruheb chixjunileb li cristian tincꞌut lin cuanquilal. Ma̱ jun cua e̱rilom saꞌ ruchichꞌochꞌ li tinba̱nu la̱in. Ut chixjunileb laj Israel teꞌril li tinba̱nu ut teꞌxnau nak aꞌan xba̱nuhom li Dios xban nak nimla sachba chꞌo̱lej li tinba̱nu e̱riqꞌuin.

Q'eqchi Bible

¹⁰ Kichaq'ok li Qaawa' ut kixye: “K'e reetal, ok we chi xk'ojob'ankil jun Sumwank eerik'in. Tinb'aanu xninqal sachb'ach'oolej chiru chixjunil li tenamit: maajun sut ki'uxk a'in sa' chixjunil li ruuchich'och' chi moko sa' junaq tenamit. Chixjunileb' li poyanam li wankat wi' te'ril xnimal xb'aanuhom li Qaawa', xb'aan naq q'axal xiwajel li k'aru tqab'aanu wochb'eenat.

Éxodo 34:10 ပူးပေါင်းရင်းမြစ်များ

Deuteronomio 10:21

Li Ka̱cuaꞌ aꞌan li te̱lokꞌoni xban nak aꞌan le̱ Dios. La̱ex queril li sachba chꞌo̱lej li quixba̱nu riqꞌuin lix nimal xcuanquilal.

Salmos 77:14

La̱at nacaba̱nu li sachba chꞌo̱lej, at Dios, ut cacꞌutbesi la̱ cuanquil chiruheb li tenamit.

Isaías 64:3

Nak ma̱cꞌaꞌ saꞌ kachꞌo̱l la̱at caba̱nu li sachba chꞌo̱lej. Catcube chak saꞌ choxa ut eb li tzu̱l queꞌecꞌan saꞌ xnaꞌajeb cha̱cuu.

Salmos 66:5

Cherabihak ut cheqꞌuehak retal li cꞌaꞌru quixba̱nu li Dios. Cheqꞌuehak retal li sachba chꞌo̱lej li quixba̱nu riqꞌuineb lix tenamit.

Jeremías 32:21

Riqꞌuin sachba chꞌo̱lej ut milagro cacuisiheb chak la̱ tenamit Israel aran Egipto. Riqꞌuin la̱ cuanquil cacꞌut la̱ joskꞌil chiruheb li xicꞌ nequeꞌiloc a̱cue ut caqꞌue xxiuheb.

2 Samuel 7:23

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

Salmos 78:12

Eb li kaxeꞌto̱nil yucuaꞌ queꞌril li sachba chꞌo̱lej li quixba̱nu li Dios chiruheb saꞌ li naꞌajej Zoán li cuan Egipto.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Deuteronomio 32:30

¿Chanru nak jun chi cui̱nk ta̱ra̱lina jun mil chi cristian? Ut, ¿chanru nak cuib chi cui̱nk teꞌra̱lina laje̱b mil? Teꞌxcꞌul chi joꞌcan xban nak li Ka̱cuaꞌ lix Dioseb ac quixcanabeb xjuneseb ut quixtzꞌekta̱naheb.

Josué 6:20

Eb laj tij queꞌxya̱basi li xucub ut eb li soldado queꞌxjap re. Ut nak queꞌrabi xya̱b li xucub eb li soldados queꞌxjap re chi cau ut quilajeꞌtꞌaneꞌ li tzꞌac li sutsu cuiꞌ li tenamit. Ut eb li soldado saꞌ junpa̱t queꞌoc saꞌ li tenamit ut queꞌre̱chani li naꞌajej.

Éxodo 34:27

Ut li Ka̱cuaꞌ Dios quixye re laj Moisés: —Ta̱tzꞌi̱baheb li a̱tin aꞌin. Riqꞌuin li a̱tin aꞌin xinba̱nu lin contrato a̱cuiqꞌuin ut joꞌ ajcuiꞌ riqꞌuineb laj Israel.—

Salmos 145:6

Eb li tenamit teꞌxye resil li cꞌaꞌru caba̱nu riqꞌuin la̱ cuanquil. Ut la̱in tinye resil nak kꞌaxal nim la̱ cuanquilal.

Salmos 106:22

Nabal li milagros quilajxba̱nu aran Egipto saꞌ lix tenamit laj Cam. Sachba chꞌo̱lej quixba̱nu saꞌ li Caki Palau.

Salmos 76:12

Qꞌuehomak xlokꞌal xban nak aꞌan li na-isin re xyuꞌameb li cuanqueb saꞌ xcuanquil. Eb li rey li cuanqueb saꞌ ruchichꞌochꞌ nequeꞌxucuac chiru xban nak kꞌaxal nim xcuanquil.

Salmos 65:5

At kaDios, at aj Colol ke, riqꞌuin xni̱nkal ru usilal nacasume li cꞌaꞌru nakatzꞌa̱ma a̱cue, ut nacaqꞌue ke saꞌ ti̱quilal. Li cuanqueb saꞌ chixjunil li ruchichꞌochꞌ, junes a̱cuiqꞌuin nequeꞌyoꞌonin joꞌqueb ajcuiꞌ li cuanqueb toj jun pacꞌal li ni̱nki palau.

Salmos 147:20

Li Ka̱cuaꞌ incꞌaꞌ quixqꞌue li ra̱tin reheb li jalaneb xtenamit. Eb aꞌan incꞌaꞌ nequeꞌxnau cꞌaꞌru naxye lix chakꞌrab. ¡Chikalokꞌoni taxak li Ka̱cuaꞌ!

Deuteronomio 4:13

Ut li Dios quixba̱nu li contrato e̱riqꞌuin ut quixqꞌue e̱re li laje̱b chi chakꞌrab li quixtzꞌi̱ba chiru li cuib pere̱l li pec ti̱c ru. Quixye e̱re nak tento te̱ba̱nu li cꞌaꞌru naxye li chakꞌrab.

Salmos 68:35

Cꞌajoꞌ xlokꞌal li Ka̱cuaꞌ. Sachba chꞌo̱lej li naxba̱nu. Lix Dioseb laj Israel naxtenkꞌaheb lix tenamit ut naxqꞌue xcacuilaleb. Lokꞌoninbil taxak li Ka̱cuaꞌ.

Éxodo 34:28

Caꞌcꞌa̱l cutan (40) ut caꞌcꞌa̱l kꞌojyi̱n quicana aran laj Moisés riqꞌuin li Dios. Incꞌaꞌ quicuaꞌac ut incꞌaꞌ qui-ucꞌac. Ut quixtzꞌi̱ba li contrato chiru li cuib chi pec. Aꞌaneb li laje̱b chi chakꞌrab.

Deuteronomio 9:19

Cꞌajoꞌ nak quinxucuac xban nak quinumta xjoskꞌil li Ka̱cuaꞌ ut naru texcamsi. Abanan jun sut chic li Ka̱cuaꞌ quirabi li cꞌaꞌru quintzꞌa̱ma chiru.

Salmos 72:18

Lokꞌoninbil taxak li Ka̱cuaꞌ, lix Dioseb laj Israel xban nak caꞌaj cuiꞌ aꞌan li kꞌaxal nim xcuanquil chixba̱nunquil li sachba chꞌo̱lej.

Salmos 136:4

Aꞌan li Ka̱cuaꞌ li naxba̱nu li sachba chꞌo̱lej xban nak kꞌaxal nim li ruxta̱n saꞌ kabe̱n junelic.

Miqueas 7:15

Ut chacꞌut ta ajcuiꞌ chiku li sachba chꞌo̱lej joꞌ caba̱nu chak junxil nak coa̱cuisi chak saꞌ li naꞌajej Egipto.