Éxodo 34:1 - Li Santil hu

¹ Li Dios quixye re laj Moisés: —Ta̱ti̱cobresi ru cuibak li pec joꞌ li cuib li xajor junxil. Ut chiruheb aꞌan la̱in tintzꞌi̱ba lin chakꞌrab li xcuan chiruheb li xajor.

Q'eqchi Bible

¹ Kixye li Qaawa' re laj Moisés: “Tuqub' ru wiib' perpookil pek kama'eb' li xe'wank xb'enwa, ut chiruheb' a'an laa'in tintz'iib'a eb' li aatin tz'iib'anb'ileb' xb'enwa chiruheb' li xajor.

Éxodo 34:1 ပူးပေါင်းရင်းမြစ်များ

Éxodo 32:19

Laj Moisés quijiloc chixcꞌatk lix muheba̱leb. Quiril li cuacax oro ut quiril nak yo̱queb chi xajoc chiru. Cꞌajoꞌ nak quichal xjoskꞌil. Ut xban xjoskꞌil quixcut chi chꞌochꞌ li cuib chi perpo̱quil pec li cuan saꞌ rukꞌ ut aran queꞌjoreꞌ saꞌ xto̱n li tzu̱l.

Salmos 119:89

At nimajcual Dios, la̱ cua̱tin cuan chi junelic ut xakxo xcuanquil joꞌ nak cuan li choxa saꞌ xnaꞌaj.

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

Éxodo 34:28

Caꞌcꞌa̱l cutan (40) ut caꞌcꞌa̱l kꞌojyi̱n quicana aran laj Moisés riqꞌuin li Dios. Incꞌaꞌ quicuaꞌac ut incꞌaꞌ qui-ucꞌac. Ut quixtzꞌi̱ba li contrato chiru li cuib chi pec. Aꞌaneb li laje̱b chi chakꞌrab.

Éxodo 32:16

Eb li perpo̱quil pec aꞌin xba̱nuhom li Dios. Li a̱tin tzꞌi̱banbil chiru li perpo̱quil pec, aꞌ li Dios quitzꞌi̱ban re.

Éxodo 24:12

Li Dios quixye re laj Moisés: —Taken chak saꞌ xbe̱n li tzu̱l li cuanquin cuiꞌ. Ut aran tat-oybeni̱nk. La̱in tinqꞌue a̱cue li perpo̱quil pec li xintzꞌi̱ba cuiꞌ lin chakꞌrab re xchꞌolobanquil xya̱lal chiruheb li tenamit, chan li Dios.

Éxodo 34:4

Tojoꞌnak laj Moisés quixti̱cobresi li cuib chi pec chanchan ajcuiꞌ li quixjor junxil. Quicuacli ekꞌela ut quitakeꞌ chiru li tzu̱l. Quixcꞌam saꞌ rukꞌ li cuib chi pec. Joꞌ quiyeheꞌ re xban li Dios, joꞌcan quixba̱nu.

Deuteronomio 4:13

Ut li Dios quixba̱nu li contrato e̱riqꞌuin ut quixqꞌue e̱re li laje̱b chi chakꞌrab li quixtzꞌi̱ba chiru li cuib pere̱l li pec ti̱c ru. Quixye e̱re nak tento te̱ba̱nu li cꞌaꞌru naxye li chakꞌrab.

Jeremías 36:32

Ut laj Jeremías quixchap jun chic li botbil hu ut quixqꞌue re laj Baruc laj tzꞌi̱b, li ralal laj Nerías. Laj Baruc quixtzꞌi̱ba saꞌ li hu chixjunil li a̱tin li quiyeheꞌ re xban laj Jeremías. Quixtzꞌi̱ba chixjunil li quicuan saꞌ li hu li quixcꞌat laj Joacim lix reyeb laj Judá. Ut toj cuan chic nabal xcomon li a̱tin li quixtzꞌi̱ba saꞌ li hu.