Éxodo 33:7 - Li Santil hu

⁷ Tabernáculo xcꞌabaꞌ li muheba̱l li nequeꞌxchꞌutub cuiꞌ ribeb chixlokꞌoninquil li Dios. Li bar nocoxeꞌhila̱nk cuiꞌ laj Israel, laj Moisés naxqꞌue li tabernáculo chire li naꞌajej cuanqueb cuiꞌ lix muheba̱leb li cristian. Nak junak naraj xlokꞌoninquil li Dios, naxic saꞌ li tabernáculo.

Q'eqchi Bible

⁷ Laj Moisés kixxok li Muheb'aal ut kixxaqab' najt kach'in chirix li na'ajej wankeb' wi' laj Israel: xMuheb'aal li ch'utam kixk'e cho'q xk'ab'a'. Jo'kan naq chixjunil li naraj patz'ok rik'in li Qaawa', naxik sa' xMuheb'aal li ch'utam, li wank toj chirix li xna'ajeb' laj Israel.

Éxodo 33:7 ပူးပေါင်းရင်းမြစ်များ

Isaías 59:2

Li Dios incꞌaꞌ chic narabi le̱ tij xban le̱ ma̱usilal. Xban le̱ ma̱c incꞌaꞌ chic nequexcuan chi sum a̱tin riqꞌuin li Dios nak nequeraj tijoc.

Proverbios 15:29

Li Ka̱cuaꞌ incꞌaꞌ narabi lix tijeb li incꞌaꞌ useb xnaꞌleb. Abanan eb li ti̱queb xchꞌo̱l, li Ka̱cuaꞌ narabi lix tijeb.

2 Samuel 21:1

Nak laj David cuan chokꞌ rey quicuan jun li cueꞌej. Chiru oxib chihab ma̱cꞌaꞌ xtzacae̱mkeb. Laj David quitijoc ut quixpatzꞌ re li Dios cꞌaꞌut nak yo̱ li cueꞌej. Li Ka̱cuaꞌ Dios quixye re: —Yo̱ li cueꞌej aꞌin xban li ma̱usilal li quixba̱nu laj Saúl ut eb li ralal xcꞌajol nak queꞌxcamsiheb li cuanqueb Gabaón, chan.

Deuteronomio 4:29

Abanan cui te̱sicꞌ li Ka̱cuaꞌ le̱ Dios nak cua̱nkex chak saꞌ jalan tenamit, te̱tau cui te̱sicꞌ chi anchal e̱chꞌo̱l ut chi anchal e̱ra̱m.

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Salmos 35:22

Abanan la̱at, at Ka̱cuaꞌ, nacanau nacacuil nak ma̱cꞌaꞌ inma̱c. Ma̱canabeb chi joꞌcan. China̱tenkꞌa ban.

Salmos 27:8

La̱in xcuecꞌa saꞌ li cua̱m nak tento tatinsicꞌ. Joꞌcan nak xatinsicꞌ, at Ka̱cuaꞌ.

Salmos 10:1

At Ka̱cuaꞌ, nacuecꞌa nak najt cuancat cuiqꞌuin. Chanchan nak nacamuk a̱cuib chicuu nak cuanquin saꞌ raylal.

Hebreos 8:2

Li Jesucristo nacꞌanjelac saꞌ li Santil Naꞌajej saꞌ choxa li yi̱banbil xban li Dios, ut ma̱cuaꞌ saꞌ li naꞌajej yi̱banbil xbaneb li cui̱nk.

Éxodo 18:7

Laj Moisés co̱ chixcꞌulbaleb. Quixcuikꞌib rib chiru lix yucuaꞌ li rixakil. Quixkꞌalu. Quirutzꞌ ru. Queꞌxpatzꞌ chi ribileb rib chanru cuanqueb ut queꞌoc saꞌ lix muheba̱l.

Éxodo 18:12

Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

Éxodo 33:6

Xban aꞌan nak eb laj Israel queꞌrisi lix sahob ru li rakꞌeb nak cuanqueb saꞌ li tzu̱l Horeb xcꞌabaꞌ ut incꞌaꞌ chic queꞌrocsi.

Éxodo 33:8

Yalak jokꞌe naxic laj Moisés saꞌ li tabernáculo, chixjunileb li cristian nequeꞌxakli saꞌ li oqueba̱l re lix muheba̱leb ut aran nequeꞌoybenin toj nequeꞌril nak laj Moisés na-oc saꞌ li tabernáculo.