Éxodo 33:5 - Li Santil hu

⁵ Ac xyehom li Dios re laj Moisés nak tixye li a̱tin aꞌin reheb li tenamit. —Ye reheb laj Israel, chan, nak kꞌaxal cauheb xchꞌo̱l. Cui tincuochbeniheb junpa̱tak naru tinsacheb chi junaj cua. Incꞌaꞌ chic teꞌrocsi lix sahob ru li rakꞌeb re nak tinnau ma yo̱queb chinpa̱banquil, chan li Dios.

Q'eqchi Bible

⁵ xb'aan naq xyehom li Qaawa' re laj Moisés: “Ye reheb' laj Israel: «Laa'ex jun tenamit q'axal kaw leejolom. Wi ta laa'in texwochb'eeni, us ta yal junpaataq, texinsach raj chi junajwa. Jo'kan b'i', isihomaq cherix leechaab'il aq', ut moqon laa'in twil li k'aru tinb'aanu eere»”.

Éxodo 33:5 ပူးပေါင်းရင်းမြစ်များ

Números 16:21

—Elenkex saꞌ xya̱nkeb li tenamit aꞌin re nak tinsach ruheb chixjunileb saꞌ junpa̱t, chan.

Salmos 139:23

At inDios, chacuil taxak chanru lin cꞌaꞌux cha̱cuu. Chayal taxak cuix re nak ta̱nau chanru lin naꞌleb.

Lamentaciones 4:6

Kꞌaxal cuiꞌchic xnumta lix ma̱usilal lin tenamit chiru li ma̱usilal li queꞌxba̱nu eb laj Sodoma, li queꞌsacheꞌ ruheb saꞌ junpa̱t chi ma̱ ani quipletic riqꞌuineb.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Salmos 73:19

Saꞌ junpa̱t teꞌsachekꞌ ruheb. Cꞌajoꞌ nak teꞌxucuak.

Li xHu LAJ JOB 34:20

Cui li Dios naraj, eb li cristian saꞌ junpa̱t nequeꞌcam ut ma̱ aniheb chic saꞌ ruchichꞌochꞌ. Usta tuktu kꞌojyi̱n tixtakla chak li raylal saꞌ xbe̱neb. Ma̱cuaꞌ junak cui̱nk ta̱sachok re li nim xcuanquil. Aꞌ ban li Dios.

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Génesis 22:12

Lix ángel li Ka̱cuaꞌ Dios quixye re: —Ma̱camsi la̱ cualal. Ma̱cꞌaꞌ ta̱ba̱nu re. Ninnau nak nacapa̱b chi tzꞌakal li Dios. La̱ cualal jun ajcuiꞌ ut aꞌan xaqꞌue raj chokꞌ re la̱ mayej chiru li Dios, chan.

Génesis 18:21

Anakcuan xic cue aran ut tincuil ma ya̱l li cꞌaꞌru xcuabi chirixeb re nak tinnau, chan li Ka̱cuaꞌ Dios.

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Éxodo 32:9

Ut li Ka̱cuaꞌ Dios quixye ajcuiꞌ re laj Moisés: —La̱in xinqꞌue retal nak li cristian aꞌin kꞌaxal cauheb xchꞌo̱l. Incꞌaꞌ nequeꞌabin chicuu.

Éxodo 33:6

Xban aꞌan nak eb laj Israel queꞌrisi lix sahob ru li rakꞌeb nak cuanqueb saꞌ li tzu̱l Horeb xcꞌabaꞌ ut incꞌaꞌ chic queꞌrocsi.

Isaías 48:4

La̱in xinba̱nu chi joꞌcan xban nak ninnau nak la̱ex incꞌaꞌ nequetau xya̱lal. Cau e̱chꞌo̱l. Chanchan xcacuil li chꞌi̱chꞌ hierro ut bronce.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.