Éxodo 33:4 - Li Santil hu

⁴ Nak queꞌrabi nak li Dios quia̱tinac riqꞌuin cacuil a̱tin, queꞌrahoꞌ xchꞌo̱leb li tenamit. Ut incꞌaꞌ chic queꞌrocsi lix sahob ru li rakꞌeb.

Q'eqchi Bible

⁴ Naq eb' li tenamit ke'rab'i li kawil aatin a'in, ke'raho'k xch'ool ut maajun kixtiqib' rib' rik'in chaab'il aq'ej,

Éxodo 33:4 ပူးပေါင်းရင်းမြစ်များ

Números 14:39

Nak laj Moisés quixye resil reheb li cꞌaꞌru quixye li Ka̱cuaꞌ chixjunileb laj Israel queꞌrahoꞌ saꞌ xchꞌo̱leb.

Ezequiel 26:16

Ut chixjunileb li cuanqueb xcuanquil saꞌ eb li tenamit li cuanqueb chire li palau teꞌe̱lk saꞌ lix cꞌojariba̱leb xbaneb xxiu ut teꞌrisi chirixeb li rakꞌeb li cuan xsahob ru. Sicsotkeb xbaneb xxiu nak teꞌchunla̱k saꞌ chꞌochꞌ ut sachso̱keb xchꞌo̱l nak teꞌril li cꞌaꞌru te̱cꞌul la̱ex.

Ezequiel 24:23

Incꞌaꞌ te̱risi li tꞌicr li nequebacꞌ cuiꞌ le̱ jolom, chi moco te̱risi le̱ xa̱b, chi moco texya̱bak xban xrahil e̱chꞌo̱l. Te̱recꞌa ban xrahil li ma̱usilal li xeba̱nu ut te̱jikꞌ e̱chꞌo̱l chi ribil e̱rib.—

Ezequiel 24:17

Incꞌaꞌ ta̱cꞌut nak ra saꞌ a̱chꞌo̱l. Incꞌaꞌ ta̱cuisi li tꞌicr li nacabacꞌ saꞌ a̱jolom, chi moco ta̱cuisi la̱ xa̱b retalil xrahil a̱chꞌo̱l. Incꞌaꞌ ta̱tzꞌap a̱jolom chi moco ta̱tzaca li tzacae̱mk li nequeꞌxtzaca li raheb saꞌ xchꞌo̱l, chan.

Números 14:1

Chiru li kꞌojyi̱n aꞌan chixjunileb laj Israel japjo̱queb re chi ya̱bac.

Zacarías 7:5

—Ye reheb chixjunileb li tenamit ut reheb ajcuiꞌ laj tij chi joꞌcaꞌin: Ya̱l nak la̱ex xeba̱nu le̱ ayu̱n ut xexya̱bac saꞌ li roꞌ po ut saꞌ li xcuuk po. Xeba̱nu aꞌan rajlal chihab chiru laje̱b xca̱cꞌa̱l (70) chihab. ¿Ma re xqꞌuebal ta biꞌ inlokꞌal la̱in nak xeba̱nu aꞌan?

Zacarías 7:3

Ut queꞌxye reheb li profeta ut reheb ajcuiꞌ laj tij li nequeꞌcꞌanjelac saꞌ lix templo li nimajcual Dios: —¿Ma toj yo̱ko chi ya̱bac ut xba̱nunquil ka-ayu̱n joꞌ cꞌaynako xba̱nunquil saꞌ roꞌ li po rajlal chihab? chanqueb.

Jonás 3:6

Nak quicuulac resil riqꞌuin li rey li ta̱cꞌulma̱nk saꞌ li tenamit Nínive, li rey quicuacli saꞌ lix cꞌojariba̱l. Quirisi li cha̱bil akꞌ chirix ut quixqꞌue li tꞌicr kꞌes ru chirix ut quixchunub rib saꞌ cha.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Isaías 32:11

Chi-oc caꞌchꞌinak e̱xiu, ex ixk, li ma̱cꞌaꞌ nequecꞌoxla. Ut sicsotkex. Isihomak li cha̱bil tꞌicr che̱rix ut qꞌuehomak li kꞌes ru tꞌicr che̱rix retalil nak ra e̱chꞌo̱l.

Li xHu LAJ JOB 2:12

Cuanqueb chak chi najt nak queꞌril laj Job ut incꞌaꞌ queꞌxnau nak aꞌan. Nak queꞌxqꞌue retal nak aꞌan, queꞌoc chixjapbal re chi ya̱bac. Chi xju̱nkaleb queꞌxpej li rakꞌeb ut queꞌxcut li poks saꞌ ikꞌ ut queꞌxqꞌue ajcuiꞌ saꞌ xjolomeb xban xrahil xchꞌo̱leb.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

Esdras 9:3

Nak quicuabi li a̱tin aꞌan, quinpej li cuakꞌ ut quinmichꞌ li cuismal ut lin mach. Ut quincꞌojla chi kꞌaxal ra saꞌ inchꞌo̱l.

2 Reyes 19:1

Nak quirabi li cꞌaꞌru queꞌxye, li rey Ezequías quixpej li rakꞌ ut quixqꞌue li kꞌes ru tꞌicr chirix retalil lix rahil xchꞌo̱l ut co̱ saꞌ lix templo li Ka̱cuaꞌ.

1 Reyes 21:27

Nak laj Acab quirabi li quixye li Dios, quixpej li rakꞌ. Ut quixqꞌue chirix li kꞌes ru tꞌicr ut quixba̱nu lix ayu̱n. Quicuar chirix li kꞌes ru tꞌicr ut kꞌaxal ra saꞌ xchꞌo̱l.

2 Samuel 19:24

Laj Mefi-boset, li ri laj Saúl, co̱ ajcuiꞌ chixcꞌulbal li rey. Chalen nak co̱ li rey incꞌaꞌ quixchꞌaj li rok, chi moco quixjo lix mach, chi moco quixpuchꞌ li rakꞌ toj retal nak quisukꞌi chak chi sa saꞌ xchꞌo̱l.

Levítico 10:6

Laj Aarón cuan rochbeneb laj Eleazar ut laj Itamar li ralal cuib. Laj Moisés quixye reheb: —Me̱risi xbatbal le̱ jolom ut me̱kꞌich le̱ rakꞌ xban xrahil e̱chꞌo̱l re nak incꞌaꞌ texca̱mk ajcuiꞌ la̱ex ut re nak incꞌaꞌ ta̱cha̱lk xjoskꞌil li Ka̱cuaꞌ Dios saꞌ xbe̱neb chixjunileb li tenamit. Aban le̱ rech tenamitil aj Israel teꞌrahokꞌ saꞌ xchꞌo̱leb xban li xam li quixtakla chak li Ka̱cuaꞌ.

Éxodo 33:6

Xban aꞌan nak eb laj Israel queꞌrisi lix sahob ru li rakꞌeb nak cuanqueb saꞌ li tzu̱l Horeb xcꞌabaꞌ ut incꞌaꞌ chic queꞌrocsi.

1 Samuel 6:19

Ut li Ka̱cuaꞌ quixqꞌue chi ca̱mc laje̱b xca̱cꞌa̱l (70) li cui̱nk li cuanqueb Bet-semes xban nak queꞌiloc chi saꞌ li Lokꞌlaj Ca̱x. Ut eb li tenamit queꞌya̱bac xban nak li Ka̱cuaꞌ quixsach ruheb.