Éxodo 33:2 - Li Santil hu

² Ut la̱in tintakla li ángel cha̱cuu. Ut saꞌ li naꞌajej aꞌan tincuisiheb laj cananeo, laj amorreo, laj heteo, laj ferezeo, laj heveo joꞌ eb ajcuiꞌ laj jebuseo.

Q'eqchi Bible

² Laa'in tintaqla cheru jun li ánjel; twisiheb' laj Kanahán, laj Amor, laj Hit, laj Perés, laj Jib ut laj Jebús,

Éxodo 33:2 ပူးပေါင်းရင်းမြစ်များ

Josué 24:11

Joꞌcan nak quexnumeꞌ jun pacꞌal li nimaꞌ Jordán ut quexcuulac saꞌ li tenamit Jericó. Ut eb li cuanqueb aran queꞌpletic e̱riqꞌuin. Ut queꞌpletic ajcuiꞌ e̱riqꞌuin eb laj amorreo, eb laj ferezeo, eb laj cananeo, eb laj heteo, eb laj gergeseo, eb laj heveo, ut eb laj jebuseo. Ut la̱in xexintenkꞌa chi numta̱c saꞌ xbe̱neb.

Éxodo 32:34

Ayu. Cuben ut tatcꞌamok be chiruheb li tenamit. Texxic saꞌ li naꞌajej xinye a̱cue. Ut lin ángel ta̱cꞌamok be cha̱cuu. Aban nak ta̱cuulak xkꞌehil tinrakok a̱tin saꞌ xbe̱neb, aran teꞌxtoj lix ma̱queb, chan li Dios.

Éxodo 23:20

Li Dios quixye: —La̱in tintakla lin ángel chi cꞌamoc be che̱ru. Aꞌan ta̱ilok e̱re toj retal texcuulak saꞌ li naꞌajej li ac xincꞌu̱b chokꞌ e̱re.

Deuteronomio 7:22

Chi caꞌchꞌinkil li Ka̱cuaꞌ le̱ Dios ta̱risiheb li tenamit aꞌan che̱ru nak yo̱kex chi xic. Incꞌaꞌ naru te̱sacheb ru chi junaj cua re nak incꞌaꞌ teꞌta̱mk li joskꞌ aj xul saꞌ le̱ naꞌaj re nak incꞌaꞌ texchꞌiꞌchꞌiꞌi̱k xbaneb.

Éxodo 34:11

Qꞌue retal li cꞌaꞌru tinye a̱cue anakcuan. Oc cue chirisinquileb che̱ru eb laj amorreo, eb laj cananeo, eb laj heteo, eb laj ferezeo, eb laj heveo, joꞌ eb ajcuiꞌ laj jebuseo.

Éxodo 3:17

La̱in tinyechiꞌi e̱re nak texcuisi saꞌ li raylal li yo̱quex chixcꞌulbal arin Egipto. Texincꞌam saꞌ li chꞌochꞌ li cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo ut eb laj jebuseo. Aꞌan jun nimla naꞌajej numtajenak xcha̱bilal bar cuan cuiꞌ li sahil echej”, chaꞌkat reheb.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Éxodo 33:12

Laj Moisés quixye re li Dios: —La̱at xaye cue nak tincꞌamok be chiruheb li cristian, aban incꞌaꞌ xaye cue ani ta̱ochbeni̱nk cue. Ut xaye cue nak sicꞌbil cuu a̱ban. Xaye ajcuiꞌ cue nak xincꞌam cuib saꞌ usilal cha̱cuu.

Éxodo 34:24

La̱in tincuisiheb li cuanqueb saꞌ li naꞌajej li xinyechiꞌi e̱re ut tinqꞌue xtzꞌakob le̱ naꞌaj. Ma̱cꞌaꞌak chic e̱cꞌaꞌux chirix le̱ chꞌochꞌ nak texxic chinlokꞌoninquil oxib sut chiru li jun chihab. Ma̱ ani chic ta̱makꞌok che̱ru.

Josué 3:10

Ut quixye ajcuiꞌ reheb: —Nak li Lokꞌlaj Ca̱x ta̱numekꞌ jun pacꞌal li nimaꞌ Jordán, te̱nau nak li yoꞌyo̱quil Dios cuan saꞌ kaya̱nk ut aꞌan ajcuiꞌ ta̱isi̱nk reheb laj cananeo, eb laj heteo, eb laj heveo, eb laj ferezeo, eb laj gergeseo, eb laj amorreo ut eb laj jebuseo saꞌ li kabe li bar tonumekꞌ cuiꞌ.

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

Génesis 15:21

Ut aran ajcuiꞌ cuanqueb laj amorreo, ut eb laj cananeo, ut eb laj gergeseo, ut eb laj jebuseo, chan li Dios re laj Abram.

Génesis 24:7

Li Ka̱cuaꞌ Dios li cuan saꞌ choxa, aꞌan qui-isin chak cue saꞌ rochoch lin yucuaꞌ. Aꞌan qui-isin chak cue saꞌ xya̱nkeb lin comon saꞌ li naꞌajej li quinyoꞌla cuiꞌ chak. Aꞌan quia̱tinac cuiqꞌuin ut quixye cue, “La̱in tinqꞌue li chꞌochꞌ aꞌin a̱cue ut reheb ajcuiꞌ la̱ cualal a̱cꞌajol,” chan. Li Ka̱cuaꞌ Dios tixtakla chak lix ángel ut aꞌan ta̱cꞌamok be cha̱cuu nak tatxic chixsicꞌbal rixakil li cualal. Matcꞌoxlac. Aran ta̱cꞌam chak li rixakil li cualal.

Jueces 6:9

La̱in quexincol chiruheb laj Egipto ut quexincol ajcuiꞌ chiruheb li queꞌrahobtesin e̱re. La̱in quin-isin reheb saꞌ li naꞌajej li cuanquex cuiꞌ ut quinqꞌue e̱re lix naꞌajeb.

1 Crónicas 1:14

Laj Canaán, aꞌan lix xeꞌto̱nil yucuaꞌeb laj jebuseo, eb laj amorreo, eb laj gergeseo,