Éxodo 33:16 - Li Santil hu

¹⁶ Cui incꞌaꞌ tatcua̱nk kiqꞌuin, ¿chanru nak ta̱cꞌutu̱nk chiruheb li jalan xtenamiteb nak la̱o xkacꞌam kib saꞌ usilal a̱cuiqꞌuin? Cui la̱at tatcua̱nk kiqꞌuin, chixjunileb li tenamit saꞌ ruchichꞌochꞌ teꞌxnau nak la̱o sicꞌbil ku a̱ban, chan laj Moisés.

Q'eqchi Bible

¹⁶ Xb'aan naq k'aru taanawmanq wi' naq usilal xintaw chawu wochb'een lintenamit? Ma ink'a' tab'i' rik'in naq laa'at nakoohaawochb'eeni? A'an reetalil naq sik'b'il qu aab'aan, chiruheb' chixjunil li tenamit junsut junrub'el choxa”.

Éxodo 33:16 ပူးပေါင်းရင်းမြစ်များ

Deuteronomio 4:7

¿Ma cuan ta biꞌ junak tenamit ta̱qꞌuehekꞌ xcuanquil xban lix dioseb joꞌ nak naxqꞌue kacuanquil la̱o li Ka̱cuaꞌ li kaDios? Li kaDios la̱o naxqꞌue ke li cꞌaꞌru nakatzꞌa̱ma chiru nak nakaya̱ba lix cꞌabaꞌ.

Números 14:14

Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

1 Reyes 8:53

At Ka̱cuaꞌ, at nimajcual Dios, la̱at catsicꞌoc ruheb saꞌ xya̱nkeb chixjunileb li tenamit li cuanqueb saꞌ ruchichꞌochꞌ. Ut caqꞌueheb chokꞌ a̱cualal a̱cꞌajol joꞌ caye re laj Moisés laj cꞌanjel cha̱cuu nak cacuisiheb chak li kaxeꞌto̱nil yucuaꞌ aran Egipto, chan laj Salomón.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

Éxodo 34:10

Ut li Dios quixye: —La̱in tinba̱nu lin contrato e̱riqꞌuin. Chiruheb chixjunileb li cristian tincꞌut lin cuanquilal. Ma̱ jun cua e̱rilom saꞌ ruchichꞌochꞌ li tinba̱nu la̱in. Ut chixjunileb laj Israel teꞌril li tinba̱nu ut teꞌxnau nak aꞌan xba̱nuhom li Dios xban nak nimla sachba chꞌo̱lej li tinba̱nu e̱riqꞌuin.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

2 Samuel 7:23

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

Éxodo 8:22

Aban incꞌaꞌ tintakla li raxya̱t saꞌ li naꞌajej Gosén bar cuanqueb cuiꞌ lin tenamit. Aran incꞌaꞌ teꞌchꞌiꞌchꞌiꞌi̱nk li raxya̱t. Riqꞌuin aꞌan te̱nau nak la̱in li Ka̱cuaꞌ Dios ut cuan incuanquil saꞌ xbe̱n li ruchichꞌochꞌ.

Salmos 147:20

Li Ka̱cuaꞌ incꞌaꞌ quixqꞌue li ra̱tin reheb li jalaneb xtenamit. Eb aꞌan incꞌaꞌ nequeꞌxnau cꞌaꞌru naxye lix chakꞌrab. ¡Chikalokꞌoni taxak li Ka̱cuaꞌ!

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

Números 23:9

Toj saꞌ li tzu̱l aꞌin li cuan cuiꞌ li ni̱nki pec nequeꞌcuil. Saꞌ xbe̱n li tzu̱l aꞌin li najt xteram nequeꞌcuil. Nacuil li tenamit li nequeꞌcuan xjuneseb. Incꞌaꞌ nequeꞌxjunaji rib riqꞌuineb li xni̱nkal ru tenamit.

Levítico 20:24

La̱in quinyechiꞌi e̱re li cha̱bil naꞌajej aꞌin li na-el cuiꞌ chi us li acui̱mk. La̱ex tex-e̱chani̱nk re li naꞌajej xban nak la̱in tinqꞌue e̱re re texcua̱nk. La̱in li Ka̱cuaꞌ le̱ Dios. La̱in quinsicꞌoc e̱ru saꞌ xya̱nkeb chixjunileb li xni̱nkal ru tenamit.

Levítico 20:26

Santakex xban nak santin la̱in li Ka̱cuaꞌ li nimajcual Dios. La̱in xinsicꞌoc e̱ru saꞌ xya̱nkeb chixjunileb li xni̱nkal ru tenamit re nak la̱exak li cualal incꞌajol.

Éxodo 34:9

Ut quixye: —At Ka̱cuaꞌ, cui tincꞌam cuib saꞌ usilal a̱cuiqꞌuin, ba̱nu usilal tatcua̱nk saꞌ kaya̱nk. Usta cau kachꞌo̱l, chacuy kama̱c. Ut choa̱cꞌul cuiꞌchic chokꞌ a̱cualal a̱cꞌajol, chan laj Moisés.