Éxodo 33:11 - Li Santil hu

¹¹ Ut naa̱tinac li Dios riqꞌuin laj Moisés joꞌ nak nequeꞌa̱tinac cuib li rami̱gueb rib. Nak nasukꞌi laj Moisés saꞌ xmuheba̱l, laj Josué laj cꞌanjel chiru, nacana saꞌ li tabernáculo. Li sa̱j cui̱nk aꞌin, aꞌan li ralal laj Nun.

Q'eqchi Bible

¹¹ Li Qaawa' na'aatinak tz'aqal chiru laj Moisés jo' na'aatinak junaq winq rik'in li ramiiw. Chirix chik a'an laj Moisés nasutq'iik sa' rochocheb' laj Israel; ab'an laj tenq' re, a' li xsaaj alal laj Nun, aj Josué xk'ab'a', toj nakanaak sa' li Muheb'aal.

Éxodo 33:11 ပူးပေါင်းရင်းမြစ်များ

Números 12:8

La̱in nina̱tinac chi tzꞌakal riqꞌuin. Incꞌaꞌ nina̱tinac riqꞌuin saꞌ jaljo̱quil ru a̱tin. Ut nincꞌutbesi cuib chiru chi tzꞌakal. Cui la̱in nina̱tinac chi tzꞌakal riqꞌuin, ¿cꞌaꞌut nak incꞌaꞌ xexxucuac chixcuechꞌinquil rix laj Moisés laj cꞌanjel chicuu? chan.

Deuteronomio 34:10

Chalen saꞌ li cutan aꞌan, ma̱ jun chic profeta quicuan saꞌ xya̱nkeb laj Israel joꞌ laj Moisés queꞌril ta ru li Dios chi tzꞌakal joꞌ quixba̱nu aꞌan.

Éxodo 33:9

Nak laj Moisés na-oc saꞌ li tabernáculo, li chok nacube ut nacana saꞌ li oqueba̱l. Ut li Dios naa̱tinac riqꞌuin laj Moisés.

Éxodo 24:13

Laj Moisés co̱ toj takecꞌ chiru li tzu̱l li sicꞌbil ru xban li Dios, rochben laj Josué laj cꞌanjel chiru.

Deuteronomio 5:4

Li Ka̱cuaꞌ quia̱tinac e̱riqꞌuin chi tzꞌakal saꞌ li xam aran saꞌ li tzu̱l.

Génesis 32:30

Laj Jacob quixqꞌue chokꞌ xcꞌabaꞌ li naꞌajej aꞌan Peniel. Quixqꞌue lix cꞌabaꞌ aꞌin xban nak quixye: —Saꞌ li naꞌajej aꞌin xcuil ru li Ka̱cuaꞌ Dios ut toj yoꞌyo̱quin, chan.

Santiago 2:23

Ut quicꞌulman joꞌ naxye saꞌ li Santil Hu: Laj Abraham quixpa̱b li Dios ut riqꞌuin aꞌan li Dios quixye nak ti̱c xchꞌo̱l. Ut xban aꞌan nayeman nak laj Abraham raro xban li Dios.

San Juan 11:11

Nak ac xye aꞌin, li Jesús quixye reheb lix tzolom: —Laj Lázaro li nakara, yo̱ chi cua̱rc. Abanan la̱in xic cue chirajsinquil, chan.

San Juan 3:29

Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

Isaías 42:8

La̱in li Ka̱cuaꞌ. “Nimajcual Dios” incꞌabaꞌ. La̱in incꞌaꞌ nacuaj te̱qꞌue lin lokꞌal re jalan chic, chi moco naru te̱lokꞌoni li yi̱banbil dios xban nak caꞌaj cuiꞌ la̱in li tzꞌakal Dios.

Li xHu LAJ JOB 16:21

Us raj nak cuan ta junak ta̱a̱tinak chicuix chiru li Dios joꞌ nak naa̱tinac junak li cui̱nk chirix li rami̱g.

2 Crónicas 20:7

At kaDios, ¿ma ma̱cuaꞌ ta biꞌ la̱at cat-isin reheb li cuanqueb saꞌ li naꞌajej aꞌin nak yo̱queb chi oc arin eb laj Israel la̱ tenamit? Ut caqꞌue li naꞌajej aꞌin reheb re teꞌcua̱nk chi junelic xban nak eb aꞌan ralal xcꞌajol laj Abraham li raro a̱ban.

Éxodo 32:17

Laj Josué quirabi li choki̱nc nak eb li tenamit yo̱queb chixjapbaleb re. Quixye re laj Moisés: —¿Cꞌaꞌru yo̱queb li tenamit? Cꞌajoꞌ nak yo̱queb chi choki̱nc. Chanchan pletic yo̱queb, chan.

Éxodo 17:9

Laj Moisés quixye re laj Josué: —Ta̱siqꞌueb ru li cui̱nk li teꞌxic chi pletic riqꞌuineb laj Amalec. Ut cuulaj tinxakli̱k saꞌ xbe̱n li tzu̱l ut cua̱nk lin xukꞌ saꞌ cuukꞌ li nacꞌutuc xcuanquil li Dios.

Éxodo 33:10

Nak eb li cristian nequeꞌril li chok saꞌ li oqueba̱l re li tabernáculo, nequeꞌxlokꞌoni li Dios chire li oqueba̱l re lix muheba̱leb.

Números 11:28

Laj Josué li ralal laj Nun cuan aran. Aꞌan li natenkꞌan re laj Moisés chalen saꞌ xsa̱jilal. Quixye re laj Moisés: —At ka̱cuaꞌ Moisés, ta̱ye reheb nak teꞌxcanab a̱tinac, chan.

Números 12:7

Aban moco joꞌcan ta ninba̱nu riqꞌuin laj Moisés laj cꞌanjel chicuu. Aꞌan ti̱c xchꞌo̱l ut aꞌan li kꞌaxal naxqꞌue xchꞌo̱l chi cꞌanjelac saꞌ xya̱nkeb lin tenamit Israel.

Deuteronomio 31:14

Li Ka̱cuaꞌ quixye re laj Moisés: —Cuulac re xkꞌehil nak tatca̱mk. Ta̱bok chak laj Josué ut saꞌ cuibal texxic saꞌ li tabernáculo re nak tinxakab laj Josué saꞌ xcꞌanjel, chan. Ut laj Moisés ut laj Josué queꞌco̱eb saꞌ li tabernáculo ut queꞌxakli chiru li Ka̱cuaꞌ.