Éxodo 32:5 - Li Santil hu

⁵ Nak quirabi aꞌin, laj Aarón quixyi̱b jun li artal chiru li cuacax oro ut quixye: —Cuulaj toninkꞌei̱k saꞌ xcꞌabaꞌ li Ka̱cuaꞌ Dios, chan.

Q'eqchi Bible

⁵ Naq laj Aharón kiril a'in, kixxaqab' jun li artal chiru li ch'ina wakax ut kixye: “Wulaj taawanq ninq'e sa' xk'ab'a' li Qaawa'”.

Éxodo 32:5 ပူးပေါင်းရင်းမြစ်များ

2 Reyes 10:20

Laj Jehú quixtaklaheb xtakl xyebal resil nak ta̱cua̱nk jun xnimal ninkꞌe re xlokꞌoninquil laj Baal. Ut joꞌcan qui-uxman.

Levítico 23:37

Aꞌaneb aꞌin li ninkꞌe re lokꞌoni̱nc nak nequechꞌutub e̱rib ut nequeqꞌue le̱ cꞌatbil mayej chiru li Ka̱cuaꞌ, ut li mayejanbil tzacae̱mk, li mayej trigo, li mayej vino ut li cꞌaꞌak chic re ru chi mayej li tento te̱qꞌue saꞌ xkꞌehil joꞌ quiyeheꞌ e̱re.

Levítico 23:2

—Ta̱ye reheb laj Israel cꞌaꞌru naxye li chakꞌrab chirixeb li ninkꞌe li teꞌxba̱nu nak teꞌxchꞌutub ribeb chinlokꞌoninquil. La̱at ta̱ye resil reheb nak li ninkꞌe li teꞌxba̱nu, aꞌan kꞌaxal lokꞌ.

1 Corintios 5:8

Joꞌcan nak chikacanabak li najter naꞌleb li naqꞌuehoc ke chi ma̱cobc. Li najter naꞌleb aꞌan chanchan lix chꞌamal li caxlan cua. Ut la̱o chanchanako li xkꞌemal li caxlan cua ma̱cꞌaꞌ xchꞌamal. Naraj naxye nak ti̱cak chic li kachꞌo̱l ut tzꞌakal re ru li kayuꞌam.

Oseas 8:14

Xsach saꞌ xchꞌo̱leb laj Israel nak la̱in quiyoꞌobtesin reheb. Yo̱queb chixyi̱banquil lix ni̱nkal ru cab xnaꞌajeb lix dioseb. Ut eb laj Judá queꞌxyi̱b lix ni̱nkal ru tenamit ut queꞌxcauresi re nak cauhakeb rib. Abanan la̱in tintakla chak xam saꞌ xbe̱neb ut ta̱cꞌatekꞌ lix naꞌaj lix dioseb ut teꞌcꞌatekꞌ ajcuiꞌ lix ni̱nkal ru tenamit li xeꞌxyi̱b, chan li Dios.

Oseas 8:11

Eb li ralal xcꞌajol laj Efraín queꞌxyi̱b nabal li artal ut caꞌaj cuiꞌ re ma̱cobc quicꞌanjelac cuiꞌ reheb.

2 Crónicas 30:5

Joꞌcan nak queꞌxcꞌu̱b ru nak teꞌxtakla resil saꞌ chixjunil li naꞌajej Israel naticla chak saꞌ li naꞌajej Beerseba nacuulac toj saꞌ li naꞌajej Dan re nak teꞌcha̱lk Jerusalén chixninkꞌeinquil li Pascua re xlokꞌoninquil li Ka̱cuaꞌ lix Dioseb laj Israel. Queꞌxba̱nu chi joꞌcan xban nak ac junxil chic incꞌaꞌ queꞌxninkꞌei li Pascua joꞌ tzꞌi̱banbil retalil.

2 Reyes 16:11

Joꞌcan nak laj Urías laj tij quixyi̱b jun li artal juntakꞌe̱t riqꞌuin li cuan Damasco joꞌ li retalil li quitakla̱c xban li rey Acaz. Nak quisukꞌi chak li rey Acaz, ac xya̱loꞌ li artal.

1 Reyes 21:9

Saꞌ eb li hu aꞌan quixye: —Yehomak resil nak ta̱cua̱nk li ayu̱n. Te̱chunub laj Nabot chiruheb li tenamit.

1 Samuel 14:35

Ut laj Saúl quixyi̱b jun li artal re li Ka̱cuaꞌ. Aꞌan li xbe̱n artal li quixyi̱b chiru li Dios.

Levítico 23:21

Saꞌ li cutan aꞌan te̱chꞌutub e̱rib ut texninkꞌei̱k re xlokꞌoninquil li Ka̱cuaꞌ. Ut ma̱ jun li cꞌanjel te̱ba̱nu. Eb le̱ ralal e̱cꞌajol teꞌxba̱nu li chakꞌrab aꞌin chalen anakcuan ut chi junelic aꞌ yal bar cua̱nkex.

Levítico 23:4

Aꞌan eb aꞌin li cutan nak te̱chꞌutub e̱rib chinlokꞌoninquil. Li ninkꞌe te̱ba̱nu kꞌaxal lokꞌ. Ta̱ye resil reheb jokꞌe teꞌninkꞌei̱k re inlokꞌoninquil.

Éxodo 32:4

Laj Aarón quilajxcꞌul li oro li joꞌ qꞌuial queꞌxcꞌam riqꞌuin. Quixhaꞌobresi li oro ut quixyi̱b jun chꞌina cuacax chiru. Riqꞌuin chꞌi̱chꞌ quixti̱cobresi ru. Eb li cristian queꞌxye: —Aꞌin li kadios, la̱o aj Israel. Aꞌan li qui-isin chak ke saꞌ li tenamit Egipto, chanqueb.

Éxodo 12:14

Chalen anakcuan rajlal chihab texninkꞌei̱k saꞌ incꞌabaꞌ saꞌ li ca̱laju xbe li xbe̱n po. Li ninkꞌe aꞌin, aꞌan re xjulticanquil chanru nak xexincol.

Éxodo 10:9

Laj Moisés quichakꞌoc ut quixye: —Chikajunilo toxic xban nak toninkꞌei̱k chiru li kaDios. Teꞌxic li sa̱j cui̱nk ut teꞌxic li che̱quel cui̱nk ut teꞌxic ajcuiꞌ li ixk. Talajeꞌxic li kalal kacꞌajol. Ut takacꞌameb ajcuiꞌ li kaqueto̱mk, chan laj Moisés.

Éxodo 32:6

Joꞌ cuulajak chic queꞌcuulac ekꞌela ut queꞌmayejac ut queꞌxqꞌue ajcuiꞌ lix cꞌatbil mayej. Ut eb li tenamit queꞌcuaꞌac ut queꞌucꞌac ut quilajeꞌxba̱nu li moco uxc ta naraj.

Éxodo 17:15

Laj Moisés quixyi̱b jun li artal ut quixqꞌue chokꞌ xcꞌabaꞌ Jehová-nisi. Li cꞌabaꞌej aꞌan naraj naxye: “li Ka̱cuaꞌ Dios naxqꞌue kacuanquil”.