Éxodo 32:34 - Li Santil hu

³⁴ Ayu. Cuben ut tatcꞌamok be chiruheb li tenamit. Texxic saꞌ li naꞌajej xinye a̱cue. Ut lin ángel ta̱cꞌamok be cha̱cuu. Aban nak ta̱cuulak xkꞌehil tinrakok a̱tin saꞌ xbe̱neb, aran teꞌxtoj lix ma̱queb, chan li Dios.

Q'eqchi Bible

³⁴ Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Éxodo 32:34 ပူးပေါင်းရင်းမြစ်များ

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Éxodo 23:20

Li Dios quixye: —La̱in tintakla lin ángel chi cꞌamoc be che̱ru. Aꞌan ta̱ilok e̱re toj retal texcuulak saꞌ li naꞌajej li ac xincꞌu̱b chokꞌ e̱re.

San Mateo 23:35

Xban le̱ ma̱usilal aꞌan, ta̱tꞌanekꞌ saꞌ e̱be̱n lix camiqueb li cha̱bileb xnaꞌleb riqꞌuin xcamic laj Abel li ti̱c xchꞌo̱l ut toj riqꞌuin xcamic li ralal laj Berequías, laj Zacarías xcꞌabaꞌ, li quecamsi chiru neba̱l chixcꞌatk li rochoch li Dios ut li artal.

Amós 3:14

Nak ta̱cuulak xkꞌehil la̱in tebinqꞌue laj Israel chixtojbal rix lix ma̱queb. Ut tinsacheb ajcuiꞌ lix artal aran Bet-el. Tinjor lix xucub li cuanqueb saꞌ li artal ut teꞌtꞌanekꞌ chi chꞌochꞌ.

Jeremías 5:29

¿Ma tincanab ta biꞌ ya̱l chi joꞌcan li ma̱usilal nequeꞌxba̱nu? ¿Ma incꞌaꞌ ta biꞌ tinqꞌueheb chixtojbal xma̱queb?

Jeremías 5:9

¿Ma incꞌaꞌ ta biꞌ tinqꞌueheb chixtojbal lix ma̱queb li tenamit aꞌin xban li ma̱usilal li nequeꞌxba̱nu?

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Salmos 99:8

At Ka̱cuaꞌ, at kaDios, la̱at caqꞌue reheb li cꞌaꞌru queꞌxtzꞌa̱ma cha̱cuu. La̱at xacanabeb chixcꞌulbal li raylal xban li ma̱c queꞌxba̱nu. Abanan cacuyeb xma̱queb.

Números 20:16

Nak kaya̱ba xcꞌabaꞌ li Ka̱cuaꞌ, quirabi li katij ut quixtakla jun lix ángel chikisinquil aran Egipto. Anakcuan cuanco Cades, li tenamit li cuan nachꞌ riqꞌuin lix nuba̱l la̱ naꞌaj.

Éxodo 33:2

Ut la̱in tintakla li ángel cha̱cuu. Ut saꞌ li naꞌajej aꞌan tincuisiheb laj cananeo, laj amorreo, laj heteo, laj ferezeo, laj heveo joꞌ eb ajcuiꞌ laj jebuseo.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Éxodo 3:17

La̱in tinyechiꞌi e̱re nak texcuisi saꞌ li raylal li yo̱quex chixcꞌulbal arin Egipto. Texincꞌam saꞌ li chꞌochꞌ li cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo ut eb laj jebuseo. Aꞌan jun nimla naꞌajej numtajenak xcha̱bilal bar cuan cuiꞌ li sahil echej”, chaꞌkat reheb.

Éxodo 15:17

Toa̱cꞌam saꞌ li tzu̱l li sicꞌbil ru a̱ban li cuan saꞌ li naꞌajej li xayechiꞌi chak ke junxilaj. Toa̱qꞌue chi cua̱nc saꞌ li naꞌajej li xakabanbil a̱ban re nak tatkalokꞌoni.

Éxodo 33:12

Laj Moisés quixye re li Dios: —La̱at xaye cue nak tincꞌamok be chiruheb li cristian, aban incꞌaꞌ xaye cue ani ta̱ochbeni̱nk cue. Ut xaye cue nak sicꞌbil cuu a̱ban. Xaye ajcuiꞌ cue nak xincꞌam cuib saꞌ usilal cha̱cuu.

Jeremías 23:2

Aꞌan aꞌin li naxye li Ka̱cuaꞌ lix Dioseb laj Israel reheb laj cꞌamol be li sicꞌbileb ru chirilbal lix tenamit: —La̱ex incꞌaꞌ xerileb chi us lin tenamit. Xejeqꞌui ban ruheb ut xecanabeb chi e̱lelic. Joꞌcan nak la̱in texinqꞌue chixtojbal e̱ma̱c xban li ma̱usilal xeba̱nu.

Jeremías 14:10

Aꞌan aꞌin li naxye li Ka̱cuaꞌ chirixeb li tenamit Israel: —Eb li tenamit aꞌin incꞌaꞌ tuktu xchꞌo̱leb cuiqꞌuin. Cocꞌ aj xsaꞌ nequeꞌxjal xcꞌaꞌuxeb. Incꞌaꞌ nacuulac chicuu li cꞌaꞌru nequeꞌxba̱nu. Cuan saꞌ inchꞌo̱l li ma̱usilal li nequeꞌxba̱nu. Joꞌcan nak la̱in tinqꞌueheb chixtojbal lix ma̱queb, chan li Dios.

Oseas 8:13

Nequeꞌxmayeja li xul chicuu ut eb aꞌan ajcuiꞌ li nequeꞌtzacan re. La̱in incꞌaꞌ nacuulac chicuu lix mayejeb xban nak najulticoꞌ cue li ma̱usilal nequeꞌxba̱nu. Joꞌcan nak re xtojbal rixeb lix ma̱c, ta̱cha̱lk li raylal saꞌ xbe̱neb. Chanchan li raylal li queꞌxcꞌul nak cuanqueb chak Egipto.

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.