Éxodo 32:32 - Li Santil hu

³² Ut anakcuan tintzꞌa̱ma cha̱cuu, ba̱nu usilal, chacuy lix ma̱queb. Cui incꞌaꞌ naru ta̱cuy lix ma̱queb, ba̱nu usilal ta̱cuisi lin cꞌabaꞌ saꞌ la̱ hu li tzꞌi̱banbil cuiꞌ xcꞌabaꞌeb li ti̱queb xchꞌo̱l, chan.

Q'eqchi Bible

³² Ab'anan, us raj taakuyeb' xmaak. Wi ut ink'a', sach ink'ab'a' sa' li hu tz'iib'anb'il aab'aan”.

Éxodo 32:32 ပူးပေါင်းရင်းမြစ်များ

Salmos 69:28

Chacuisiheb ta lix cꞌabaꞌeb saꞌ li Hu re li Yuꞌam. Ut ma̱qꞌue taxak lix cꞌabaꞌeb saꞌ xya̱nkeb lix cꞌabaꞌeb li ti̱queb xchꞌo̱l.

Apocalipsis 21:27

Li ani cuanqueb xma̱c incꞌaꞌ ta̱ru̱k teꞌoc aran. Eb li nequeꞌxba̱nu ma̱usilal chi moco li nequeꞌticꞌtiꞌic, teꞌoc saꞌ li tenamit aꞌan. Li ani teꞌoc aran, caꞌaj cuiꞌ li tzꞌi̱banbileb xcꞌabaꞌ saꞌ lix hu li Jun li chanchan carner, li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic.

Filipenses 4:3

Joꞌcan nak nintzꞌa̱ma chiru nak tixtenkꞌaheb li ixk aꞌin. Cau xeꞌcꞌanjelac chintenkꞌanquil xyebal resil li colba-ib. Joꞌcan ajcuiꞌ xba̱nu laj Clemente ut chixjunileb li cuech aj cꞌanjelil. Eb aꞌan tzꞌi̱banbil xcꞌabaꞌeb xban li Dios saꞌ li hu tzꞌi̱banbil cuiꞌ xcꞌabaꞌeb chixjunileb li colbileb.

Romanos 9:3

Tinqꞌue raj cuib chi tzꞌekta̱na̱c ut chi isi̱c riqꞌuin li Cristo cui ta riqꞌuin aꞌan ta̱ru̱k tebintenkꞌa re teꞌcolekꞌ.

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

Apocalipsis 3:5

Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, aꞌan ta̱tikiba̱k riqꞌuin saki akꞌej. Ut la̱in incꞌaꞌ tinsach lix cꞌabaꞌ saꞌ li hu tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut chiru lin Yucuaꞌ ut chiruheb ajcuiꞌ lix ángel, la̱in tinye nak aꞌan cualal incꞌajol.

Salmos 139:16

Chalen nak toj ma̱jiꞌ ninyoꞌla, ac chꞌolchꞌo cha̱cuu chanru lin yuꞌam. Ac tzꞌi̱banbil retalil a̱ban jokꞌe tinyoꞌla̱k ut jokꞌe tinca̱mk.

Salmos 56:8

La̱at nacanau jarub sut xine̱lelic chiruheb. La̱at nacanau jarub sut xinya̱bac cha̱cuu xban li raylal xincꞌul. La̱in ninnau nak tzꞌi̱banbil retalil saꞌ la̱ hu.

Apocalipsis 17:8

Li joskꞌ aj xul li xacuil, aꞌan li quicuan, ut anakcuan ma̱ ani chic. Abanan ta̱e̱lk cuiꞌchic chak saꞌ li chamal jul ut ta̱sachekꞌ ru chi junaj cua. Ut li joꞌ qꞌuialeb li incꞌaꞌ tzꞌi̱banbileb xcꞌabaꞌeb chalen saꞌ xticlajic li ruchichꞌochꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, eb aꞌan ta̱sachk xchꞌo̱leb chirilbal li joskꞌ aj xul li quicuan chak junxil ut ma̱ ani chic anakcuan. Abanan ta̱cha̱lk cuiꞌchic.

Deuteronomio 29:20

Li Ka̱cuaꞌ incꞌaꞌ tixcuy xma̱c li ani tixba̱nu chi joꞌcan. Ta̱joskꞌokꞌ ban riqꞌuin ut tixtakla saꞌ xbe̱n chixjunil li raylal li tzꞌi̱banbil retalil saꞌ li hu aꞌin toj retal ta̱sachekꞌ ru ut incꞌaꞌ ta̱cua̱nk ralal xcꞌajol.

Deuteronomio 25:19

Nak li Ka̱cuaꞌ le̱ Dios texqꞌue chi hila̱nc ut incꞌaꞌ chic texpletik riqꞌuineb li xicꞌ nequeꞌiloc e̱re li cuanqueb chi xjun sutam li naꞌajej li tixqꞌue e̱re li Ka̱cuaꞌ, tento nak te̱camsi chixjunileb li ralal xcꞌajol laj Amalec re nak ta̱sachk xcꞌabaꞌeb chi junaj cua saꞌ ruchichꞌochꞌ. Misach saꞌ e̱chꞌo̱l xba̱nunquil aꞌan.

Deuteronomio 9:14

Canabin chixba̱nunquil li tincuaj. Tinsach ruheb chi junaj cua ut incꞌaꞌ chic ta̱patzꞌekꞌ lix cꞌabaꞌ jun sut rubel choxa. Ut la̱in tinqꞌueheb chi ta̱mc la̱ cualal a̱cꞌajol la̱at. Kꞌaxal nabalakeb chiruheb aꞌan. Ut riqꞌuineb aꞌan tinyi̱b jun tenamit kꞌaxal cauheb rib chiruheb aꞌan”, chan li Dios.

Números 14:19

Xban xnimal la̱ cuuxta̱n chacuy taxak xma̱queb li tenamit aꞌin joꞌ nak xacuy xma̱queb chalen nak xeꞌel chak Egipto toj chalen anakcuan, chan laj Moisés.

Éxodo 32:10

Canabin chixba̱nunquil li tincuaj. Xchal injoskꞌil xbaneb. Tinsach ruheb chi jun aj cua. Ut la̱at, at Moisés, eb chic la̱ cualal a̱cꞌajol teꞌqꞌuia̱nk ut teꞌta̱mk. Ut eb aꞌan chic li sicꞌbilakeb ru inban, chan li Dios.

San Lucas 23:34

Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re.

Amós 7:2

Ut quicuil ajcuiꞌ nak eb laj sa̱cꞌ queꞌxchoy xcuaꞌbal li acui̱mk ut quinye: —Ka̱cuaꞌ Dios, chacuy taxak kama̱c, la̱o aj Israel, ralal xcꞌajolo laj Jacob. ¿Chanru nak ta̱ru̱k takacol kib xban nak la̱o incꞌaꞌ qꞌuiho ut ma̱cꞌaꞌ kacuanquil?—

Ezequiel 13:9

La̱in tinsach ruheb li nequeꞌril li visión li moco ya̱l ta ut tinsach ruheb li nequeꞌticꞌtiꞌic nak nequeꞌkꞌehin. Incꞌaꞌ chic teꞌoque̱nk saꞌ xya̱nkeb li nequeꞌcꞌu̱ban re li cꞌaꞌru ta̱uxma̱nk saꞌ lin tenamit chi moco tzꞌi̱banbilak lix cꞌabaꞌeb saꞌ li hu li tzꞌi̱banbil cuiꞌ xcꞌabaꞌeb laj Israel. Ut incꞌaꞌ chic teꞌsukꞌi̱k saꞌ lix naꞌajeb laj Israel. Riqꞌuin aꞌin teꞌxqꞌue retal nak la̱in li Ka̱cuaꞌ li nimajcual Dios.

Apocalipsis 22:19

Ut cui ani ta̱risi junak reheb li a̱tin li tzꞌi̱banbil saꞌ li hu aꞌin, ta̱isi̱k lix cꞌabaꞌ xban li Dios saꞌ li hu li tzꞌi̱banbil cuiꞌ lix cꞌabaꞌeb li cuanqueb xyuꞌam chi junelic. Aꞌan incꞌaꞌ ta̱oc saꞌ li santil tenamit, chi moco ta̱cua̱nk lix yuꞌam chi junelic joꞌ tzꞌi̱banbil retalil saꞌ li hu aꞌin.

San Lucas 10:20

Misahoꞌ saꞌ e̱chꞌo̱l xban nak cuan e̱cuanquil saꞌ xbe̱neb li ma̱us aj musikꞌej. Chisahokꞌ ban e̱chꞌo̱l xban nak tzꞌi̱banbilak le̱ cꞌabaꞌ saꞌ choxa, chan.

Números 11:15

Cui la̱at yo̱cat chixba̱nunquil cue chi joꞌcaꞌin, kꞌaxal us cui ta̱cuisi lin yuꞌam cui ya̱l nak niquina̱ra, re nak incꞌaꞌ chic yo̱kin chi cꞌuluc nabal raylal, chan laj Moisés.

2 Samuel 18:33

Cꞌajoꞌ nak quirahoꞌ xchꞌo̱l laj David. Co̱ xjunes saꞌ li naꞌajej saꞌ xbe̱n li oqueba̱l ut cꞌajoꞌ nak quiya̱bac. Nak yo̱ chi xic, quixye: —¡At Absalón, at cualal! ¡At Absalón, at cualal! Us raj nak la̱in xincam ut la̱at toj yoꞌyo̱cat. ¡At Absalón, at cualal! chan.

Isaías 4:3

Ta̱cuulak xkꞌehil nak li joꞌ qꞌuialeb li tzꞌi̱banbileb xcꞌabaꞌ saꞌ li tenamit Jerusalén, li incꞌaꞌ queꞌsacheꞌ ruheb, teꞌyehekꞌ “Santil Tenamit” reheb. Sión nayeman ajcuiꞌ re li tenamit Jerusalén.

Malaquías 3:16

Abanan eb li nequeꞌxxucua ru li Ka̱cuaꞌ queꞌxjultica chi ribileb rib li rusilal li Dios. Ut li Ka̱cuaꞌ quirabi ut quixqꞌue retal li cꞌaꞌru queꞌxye. Ut chiru li Ka̱cuaꞌ quitzꞌi̱ba̱c saꞌ jun li hu lix cꞌabaꞌeb li nequeꞌxucuan ru ut nequeꞌqꞌuehoc xlokꞌal li Ka̱cuaꞌ.

Malaquías 3:17

Li nimajcual Dios quixye: —Saꞌ li cutan nak tinchꞌutub ruheb lin tenamit, kꞌaxal lokꞌakeb chicuu. Joꞌ jun yucuaꞌbej naril xtokꞌoba̱l ru li ralal li nacꞌanjelac chiru, joꞌcan ajcuiꞌ nak tincuil xtokꞌoba̱l ruheb lin tenamit la̱in.

Números 11:25

Ut li Ka̱cuaꞌ quicube chak saꞌ jun li chok ut quia̱tinac riqꞌuin laj Moisés. Ut quixqꞌue lix musikꞌ reheb li laje̱b xca̱cꞌa̱l li cui̱nk li nequeꞌcꞌamoc be joꞌ li cuan riqꞌuin laj Moisés. Nak li musikꞌ cuan riqꞌuineb, queꞌoc chi a̱tinac joꞌ profetas. Abanan incꞌaꞌ chic quicꞌulman chi joꞌcan mokon.