Éxodo 32:31 - Li Santil hu

³¹ Tojoꞌnak laj Moisés quisukꞌi cuiꞌchic riqꞌuin li Dios ut quixye re: —Eb li tenamit aꞌin nimla ma̱c queꞌxba̱nu. Queꞌxyi̱b lix dioseb oro.

Q'eqchi Bible

³¹ Naq laj Moisés kisutq'iik wan wi' li Qaawa', kixye re: “Eb' li tenamit a'in k'ajo' xnimal li maak xe'xb'aanu: xe'xyiib' jun xyoseb' rik'in oor.

Éxodo 32:31 ပူးပေါင်းရင်းမြစ်များ

Éxodo 20:23

Me̱yi̱b e̱dios riqꞌuin plata chi moco riqꞌuin oro. Caꞌaj cuiꞌ la̱in li tine̱lokꞌoni.

Daniel 9:11

Chikajunilo la̱o aj Israel, xkakꞌet li chakꞌrab li caqꞌue ke ut incꞌaꞌ xkaba̱nu li cꞌaꞌru caye. Joꞌcan nak xtꞌaneꞌ saꞌ kabe̱n chixjunil li raylal li tzꞌi̱banbil saꞌ li chakꞌrab li caqꞌue re laj Moisés, laj cꞌanjel cha̱cuu. Xoma̱cob cha̱cuu, at Ka̱cuaꞌ.

Daniel 9:8

At Ka̱cuaꞌ, kꞌaxal xuta̱nal nakacꞌul la̱o joꞌqueb ajcuiꞌ li karey ut eb li nequeꞌtaklan saꞌ kabe̱n, joꞌqueb ajcuiꞌ li kanaꞌ kayucuaꞌ xban nak xoma̱cob cha̱cuu.

Éxodo 32:30

Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

Daniel 9:5

La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

Nehemías 9:33

Riqꞌuin chixjunil li raylal li yo̱co chixcꞌulbal nacꞌutun la̱ ti̱quilal xban nak xaba̱nu joꞌ caye. La̱at saꞌ ti̱quilal nacaba̱nu chixjunil. Abanan la̱o junes ma̱usilal nakaba̱nu.

Esdras 9:15

At Ka̱cuaꞌ, at kaDios, la̱at li kaDios la̱o aj Israel. La̱at ti̱c la̱ chꞌo̱l. Joꞌcan nak toj yoꞌyo̱co la̱o anakcuan, li joꞌ qꞌuial chic xocoleꞌ. Ya̱l nak cuan li kama̱c cha̱cuu. Joꞌcan nak incꞌaꞌ naru nococuan chi sum a̱tin a̱cuiqꞌuin, chan laj Esdras nak quitijoc.

Éxodo 34:28

Caꞌcꞌa̱l cutan (40) ut caꞌcꞌa̱l kꞌojyi̱n quicana aran laj Moisés riqꞌuin li Dios. Incꞌaꞌ quicuaꞌac ut incꞌaꞌ qui-ucꞌac. Ut quixtzꞌi̱ba li contrato chiru li cuib chi pec. Aꞌaneb li laje̱b chi chakꞌrab.

Éxodo 20:4

Me̱yi̱b e̱pechꞌbil dios chi moco xjalam u̱ch ta li cuan saꞌ choxa, chi moco li cuan saꞌ ruchichꞌochꞌ, chi moco li cuan saꞌ haꞌ.

Nehemías 9:18

Ut queꞌxyi̱b jun li cuacax oro ut queꞌxqꞌue chokꞌ xdioseb. Queꞌxye nak aꞌan lix dioseb li qui-isin chak reheb Egipto ut cꞌajoꞌ li ma̱usilal queꞌxba̱nu. Chi moco riqꞌuin aꞌan catzꞌekta̱naheb.