Éxodo 32:30 - Li Santil hu

³⁰ Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

Q'eqchi Bible

³⁰ Sa' li kutan jun chik kixye laj Moisés reheb' li tenamit: “Makach'in xnimal li maak xeb'aanu. Anaqwan tintaqe'q wi' chik rik'in li Qaawa': mare chan naq tixkuy eemaak”.

Éxodo 32:30 ပူးပေါင်းရင်းမြစ်များ

1 Samuel 12:20

Laj Samuel quixye reheb: —Mexxucuac. Ya̱l nak xexma̱cob. Abanan me̱tzꞌekta̱na chic li Ka̱cuaꞌ. Chexcꞌanjelak ban chiru chi anchal le̱ chꞌo̱l, chan.

Números 25:13

Xakabanbileb chi cꞌanjelac chokꞌ aj tij laj Finees joꞌ eb ajcuiꞌ li ralal xcꞌajol chalen anakcuan ut chi junelic xban nak laj Finees incꞌaꞌ quiraj nak teꞌxqꞌue xlokꞌal li yi̱banbil dios. Quiraj ban nak caꞌaj cuiꞌ la̱in tineꞌxlokꞌoni. Riqꞌuin li cꞌaꞌru quixba̱nu quixtoj rix lix ma̱queb li tenamit, chan li Dios.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

2 Reyes 17:21

Nak li Ka̱cuaꞌ quirisiheb li ralal xcꞌajol laj Israel saꞌ xya̱nkeb li ralal xcꞌajol laj David, eb laj Israel queꞌxxakab laj Jeroboam li ralal laj Nabat chokꞌ xreyeb. Ut laj Jeroboam, aꞌan li quiqꞌuehoc reheb laj Israel chixtzꞌekta̱nanquil li Ka̱cuaꞌ ut kꞌaxal nimla ma̱c queꞌxba̱nu.

2 Samuel 16:12

Ma̱re li Ka̱cuaꞌ Dios ta̱ril li raylal li yo̱quin chixcꞌulbal ut ma̱re ta̱ril xtokꞌoba̱l cuu ut tinrosobtesi chokꞌ re̱kaj li raylal li yo̱quin chixcꞌulbal anakcuan, chan.

1 Samuel 12:23

La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

Números 16:47

Ut laj Aarón quixba̱nu joꞌ quixye laj Moisés. Co̱ saꞌ a̱nil saꞌ xya̱nkeb li tenamit. Ac xticla li caki yajel saꞌ xya̱nkeb. Abanan laj Aarón quixcꞌat li pom re xtojbal rix lix ma̱queb li tenamit.

2 Timoteo 2:25

Ut saꞌ tu̱lanil chixchꞌolobak xya̱lal reheb li nequeꞌcuechꞌin rix lix ya̱lal. Ma̱re chan nak li Dios ta̱tenkꞌa̱nk reheb chixyotꞌbal xchꞌo̱leb, chixjalbal xcꞌaꞌuxeb re teꞌxnau ru li ya̱l.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

Romanos 9:3

Tinqꞌue raj cuib chi tzꞌekta̱na̱c ut chi isi̱c riqꞌuin li Cristo cui ta riqꞌuin aꞌan ta̱ru̱k tebintenkꞌa re teꞌcolekꞌ.

San Lucas 15:18

Tinxic cuiꞌchic saꞌ rochoch lin yucuaꞌ ut tinye re, “At inyucuaꞌ, xinma̱cob chiru li Dios joꞌ ajcuiꞌ cha̱cuu la̱at.

San Lucas 7:47

Joꞌcan nak tinye a̱cue nak li ixk aꞌin kꞌaxal nabal lix ma̱c. Abanan cuybil sachbil chic. Joꞌcan nak kꞌaxal cuiꞌchic xinixra. Ut li ani caꞌchꞌin ajcuiꞌ lix ma̱c nacuyeꞌ, caꞌchꞌin ajcuiꞌ narahoc, chan.

1 Samuel 2:17

Kꞌaxal cuiꞌchic nimla ma̱c chiru li Ka̱cuaꞌ li queꞌxba̱nu li ralal laj Elí nak queꞌxmux ru li mayej li queꞌxmayeja li tenamit chiru li Ka̱cuaꞌ.

Santiago 5:16

Chechꞌolobak biꞌ le̱ ma̱c che̱ribil e̱rib ut chextijok che̱ribil e̱rib re nak texqꞌuirtesi̱k. Li ani ti̱c xchꞌo̱l natijoc chi anchal xchꞌo̱l ut lix tij na-abi̱c xban li Dios.

2 Samuel 12:9

¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?

Éxodo 32:29

Laj Moisés quixye reheb laj Leví: —Saꞌ li cutan aꞌin xakabanbilex chi cꞌanjelac chiru li Ka̱cuaꞌ Dios chokꞌ aj tij. Li Dios texrosobtesi saꞌ li cutan aꞌin xban nak xeba̱nu li cꞌaꞌru quixye. Xecamsi li queꞌkꞌetoc re li ra̱tin li Dios usta e̱ras, usta e̱ri̱tzꞌin, usta le̱ ralal e̱cꞌajol, chan.

Salmos 99:6

Laj Moisés ut laj Aarón queꞌcꞌanjelac chiru li Ka̱cuaꞌ chokꞌ aj tij. Ut laj Samuel quitijoc chiru. Eb aꞌan queꞌxtzꞌa̱ma xtenkꞌanquil chiru li Ka̱cuaꞌ ut aꞌan quixsume lix tijeb.

1 Samuel 12:17

Qꞌuehomak retal. ¿Ma ma̱cuaꞌ ta biꞌ anakcuan xkꞌehil li sicꞌoc trigo? Anakcuan ma̱cuaꞌ xkꞌehil li hab. Abanan la̱in tintzꞌa̱ma chiru li Dios nak tixqꞌue chak li ca̱k ut li hab re nak te̱qꞌue retal nak ma̱c xeba̱nu chiru li Dios nak xetzꞌa̱ma le̱ rey, chan laj Samuel.

1 Samuel 12:19

Ut queꞌxye re laj Samuel: —Chattijok chikix la̱o aj cꞌanjel cha̱cuu. Tzꞌa̱ma chiru li Dios nak incꞌaꞌ toxcanab chi ca̱mc xban nak ma̱c xkaba̱nu nak xkapatzꞌ karey, chanqueb.