Éxodo 32:29 - Li Santil hu

²⁹ Laj Moisés quixye reheb laj Leví: —Saꞌ li cutan aꞌin xakabanbilex chi cꞌanjelac chiru li Ka̱cuaꞌ Dios chokꞌ aj tij. Li Dios texrosobtesi saꞌ li cutan aꞌin xban nak xeba̱nu li cꞌaꞌru quixye. Xecamsi li queꞌkꞌetoc re li ra̱tin li Dios usta e̱ras, usta e̱ri̱tzꞌin, usta le̱ ralal e̱cꞌajol, chan.

Q'eqchi Bible

²⁹ Kixye ut laj Moisés: “Sa' li kutan a'in laa'ex xexxaqab'aak chi k'anjelak cho'q aj tij chiru li Qaawa', xb'aan naq li junjunq xkamsi li ralal, li ras malaj li riitz'in. Jo'kan naq li Qaawa' tixk'e eere li rosob'tesihom sa' li kutan a'in”.

Éxodo 32:29 ပူးပေါင်းရင်းမြစ်များ

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

Zacarías 13:3

Ut cui toj cuan junak ta̱oc chokꞌ profeta aj balakꞌ, lix naꞌ xyucuaꞌ teꞌxye re, “La̱at tento tatca̱mk xban nak xatticꞌtiꞌic saꞌ xcꞌabaꞌ li Dios,” chaꞌkeb re. La̱in li Ka̱cuaꞌ li yo̱quin chi yehoc re aꞌin. Cui ani tixqꞌue rib chokꞌ junak profeta aj balakꞌ, camsinbil ta̱uxk re xban lix naꞌ xyucuaꞌ.

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

Éxodo 32:28

Eb laj Leví queꞌxba̱nu li cꞌaꞌru quixye laj Moisés. Ut oxib mil chi cristian queꞌxcamsi saꞌ li cutan aꞌan.

Éxodo 32:30

Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

2 Crónicas 35:3

Quia̱tinac riqꞌuineb laj levita li ac nequeꞌxqꞌue xchꞌo̱l chi cꞌanjelac chiru li Dios ut chixchꞌolobanquil xya̱lal chiruheb li tenamit. Quixye reheb: —Qꞌuehomak lix Lokꞌlaj Ca̱x li Ka̱cuaꞌ saꞌ li templo li quixyi̱b laj Salomón li ralal laj David. Incꞌaꞌ chic te̱pako saꞌ xbe̱n e̱tel. Chexcꞌanjelak chiru li Ka̱cuaꞌ le̱ Dios ut chiruheb ajcuiꞌ lix tenamit.