Éxodo 32:27 - Li Santil hu

²⁷ Ut laj Moisés quixye reheb: —Joꞌcaꞌin xye li Ka̱cuaꞌ Dios reheb laj Israel. “Chapomak le̱ chꞌi̱chꞌ ut te̱suti lix muheba̱leb. Chixjunileb li incꞌaꞌ niquineꞌxpa̱b te̱camsi. Usta e̱ras, usta e̱ri̱tzꞌin, usta e̱rechꞌalal, usta e̱rech cabal, ta̱camsi̱k,” chan.

Q'eqchi Bible

²⁷ Toja' naq kixye reheb': “Jo'ka'in naxye li Qaawa', xYos laj Israel: «B'ak'omaq leech'iich' cheesa' chejunilex, chesuti li na'ajej a'in sa' junqre kab'l, ut li junjunq chixkamsi li ras, li riitz'in, li ramiiw ut li rech'alal»”.

Éxodo 32:27 ပူးပေါင်းရင်းမြစ်များ

Números 25:5

Joꞌcan nak laj Moisés quixye reheb li nequeꞌrakoc a̱tin: —La̱ex te̱chꞌutubeb chixjunileb saꞌ le̱ te̱pal li queꞌxlokꞌoni li yi̱banbil dios Baal-peor ut te̱camsiheb, chan.

San Lucas 14:26

—Li ani ta̱raj ta̱ke̱nc cue, tento nak tinixra chi tzꞌakal la̱in chiruheb lix naꞌ xyucuaꞌ, li rixakil ut eb lix cocꞌal, ut eb li rechꞌalal joꞌ ajcuiꞌ lix yuꞌam. Cui incꞌaꞌ tinixra chi tzꞌakal, li jun aꞌan moco us ta chokꞌ intzolom.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

Éxodo 32:29

Laj Moisés quixye reheb laj Leví: —Saꞌ li cutan aꞌin xakabanbilex chi cꞌanjelac chiru li Ka̱cuaꞌ Dios chokꞌ aj tij. Li Dios texrosobtesi saꞌ li cutan aꞌin xban nak xeba̱nu li cꞌaꞌru quixye. Xecamsi li queꞌkꞌetoc re li ra̱tin li Dios usta e̱ras, usta e̱ri̱tzꞌin, usta le̱ ralal e̱cꞌajol, chan.

Éxodo 32:26

Tojoꞌnak laj Moisés quixakli saꞌ li oqueba̱l bar cuan cuiꞌ lix muheba̱leb. Quixye reheb: —Li ani naxpa̱b li Ka̱cuaꞌ Dios, cha̱lkeb cuiqꞌuin, chan. Ut chixjunileb li ralal xcꞌajol laj Leví queꞌxchꞌutub rib chiru laj Moisés.

Éxodo 32:28

Eb laj Leví queꞌxba̱nu li cꞌaꞌru quixye laj Moisés. Ut oxib mil chi cristian queꞌxcamsi saꞌ li cutan aꞌan.

Deuteronomio 13:6

Cui ani tixye e̱re saꞌ mukmu nak te̱lokꞌoni li jalanil dios, me̱ba̱nu chi joꞌcan. Me̱ba̱nu aꞌan usta le̱ ras, usta le̱ ralal malaj ut le̱ rabin, usta le̱ rixakil li nequera, usta li tzꞌakal e̱rami̱g li ta̱yehok e̱re nak te̱lokꞌoniheb li jalanil dios li incꞌaꞌ xelokꞌoni ruheb, chi moco xeꞌxlokꞌoni le̱ naꞌ e̱yucuaꞌ.

Deuteronomio 13:10

Ta̱cutekꞌ chi pec toj retal ta̱ca̱mk xban nak quixye e̱re nak te̱tzꞌekta̱na li Ka̱cuaꞌ le̱ Dios li qui-isin chak e̱re Egipto li quexcuan cuiꞌ chak chokꞌ rahobtesinbil mo̱s.

2 Reyes 10:25

Nak queꞌrakeꞌ chixqꞌuebal lix cꞌatbil mayej, laj Jehú quixye reheb li ca̱cꞌa̱l chi cui̱nk: —Ocankex chi saꞌ ut camsihomakeb chixjunileb. Ma̱ jun reheb te̱canab chi yoꞌyo, chan. Ut eb li cui̱nk queꞌxba̱nu joꞌ quixye laj Jehú. Queꞌoc ut queꞌxcamsi riqꞌuin chꞌi̱chꞌ chixjunileb ut queꞌxqueloheb chirix cab. Chirix aꞌan queꞌoc toj chi saꞌ lix templo laj Baal.

Ezequiel 9:5

Ut quicuabi nak li Dios quixye reheb li cuakib chi cui̱nk: —Ayukex chirix li cui̱nk aꞌin nak ta̱numekꞌ saꞌ li tenamit ut camsihomakeb li cristian. Incꞌaꞌ te̱cuyeb xma̱c chi moco te̱ril xtokꞌoba̱leb ru.