Éxodo 32:26 - Li Santil hu

²⁶ Tojoꞌnak laj Moisés quixakli saꞌ li oqueba̱l bar cuan cuiꞌ lix muheba̱leb. Quixye reheb: —Li ani naxpa̱b li Ka̱cuaꞌ Dios, cha̱lkeb cuiqꞌuin, chan. Ut chixjunileb li ralal xcꞌajol laj Leví queꞌxchꞌutub rib chiru laj Moisés.

Q'eqchi Bible

²⁶ jo'kan naq kixxaqab' rib' sa' rokeb'aal li na'ajej b'arwi' wankeb' li xmuheb'aaleb', ut kixye: “Chalqex wik'in laa'ex li nekepaab' li Qaawa'!”, chan. Ut chixjunileb' li ralal xk'ajol laj Leví ke'xch'utub' rib' chi xsutam.

Éxodo 32:26 ပူးပေါင်းရင်းမြစ်များ

San Mateo 12:30

Li ani incꞌaꞌ na-oquen chicuix, aꞌan xicꞌ niquinril. Ut ani incꞌaꞌ naxococ cuochben, aꞌan paji̱nc naxba̱nu.

2 Reyes 9:32

Laj Jehú qui-iloc saꞌ li ventana ut quixjap re chixyebal: —¿Ani ta̱oque̱nk chicuix? chan. Cuib oxibeb li cui̱nk eunuco yo̱queb chi iloc saꞌ li ventana.

Josué 5:13

Nak laj Josué nachꞌ cuan riqꞌuin li tenamit Jericó, quiril jun li cui̱nk xakxo chiru. Li cui̱nk aꞌan cuan xchꞌi̱chꞌ saꞌ rukꞌ. Laj Josué quinachꞌoc riqꞌuin ut quixye re: —¿Ma la̱at xcomoneb li kasolda̱d malaj ut la̱at xcomoneb li xicꞌ nequeꞌiloc ke? chan.

2 Samuel 20:11

Jun lix soldado laj Joab quixakli chixcꞌatk li camenak ut quixjap re chixyebal: —Li ani ta̱raj oque̱nc chirixeb laj Joab ut laj David cheꞌxicak chirix laj Joab anakcuan, chan.

Éxodo 32:25

Laj Moisés quiril nak eb li cristian incꞌaꞌ chic nequeꞌxcꞌoxla li Dios. Quiril nak cꞌajoꞌ xyibal ru yo̱queb chixba̱nunquil xban nak laj Aarón incꞌaꞌ xqꞌue xnaꞌlebeb ut queꞌxcꞌut xxuta̱neb chiruheb li xicꞌ queꞌiloc reheb.

Éxodo 32:27

Ut laj Moisés quixye reheb: —Joꞌcaꞌin xye li Ka̱cuaꞌ Dios reheb laj Israel. “Chapomak le̱ chꞌi̱chꞌ ut te̱suti lix muheba̱leb. Chixjunileb li incꞌaꞌ niquineꞌxpa̱b te̱camsi. Usta e̱ras, usta e̱ri̱tzꞌin, usta e̱rechꞌalal, usta e̱rech cabal, ta̱camsi̱k,” chan.

Deuteronomio 33:9

Kꞌaxal cateꞌxra chiruheb lix naꞌ xyucuaꞌeb ut chiruheb ajcuiꞌ li rechꞌalaleb ut lix cocꞌaleb. Queꞌxba̱nu li cꞌaꞌru naxye saꞌ la̱ chakꞌrab ut incꞌaꞌ queꞌxkꞌet li contrato caba̱nu riqꞌuineb.

Salmos 94:16

¿Ani ta cuiꞌ ta̱ru̱k ta̱colok cue chiruheb li incꞌaꞌ useb xnaꞌleb? Ut, ¿ani ta̱oque̱nk chicuix chiruheb li nequeꞌba̱nun ma̱usilal?