Éxodo 32:25 - Li Santil hu

²⁵ Laj Moisés quiril nak eb li cristian incꞌaꞌ chic nequeꞌxcꞌoxla li Dios. Quiril nak cꞌajoꞌ xyibal ru yo̱queb chixba̱nunquil xban nak laj Aarón incꞌaꞌ xqꞌue xnaꞌlebeb ut queꞌxcꞌut xxuta̱neb chiruheb li xicꞌ queꞌiloc reheb.

Q'eqchi Bible

²⁵ Kiril laj Moisés naq ink'a' chik ch'olch'o xna'leb'eb' li tenamit (xb'aan naq laj Aharón kixkanab'eb' chi xloq'oninkil li yiib'anb'il yos, sa' xyanqeb' li xik' neke'ilok reheb');

Éxodo 32:25 ပူးပေါင်းရင်းမြစ်များ

Isaías 47:3

Anakcuan ta̱cꞌutu̱nk chiruheb chixjunileb li cꞌaꞌak re ru xuta̱nal xlaje̱ba̱nu. Chicꞌutu̱nk nak muxbil chic e̱ru. La̱in tinqꞌue re̱kaj e̱re li rahobtesi̱nc xeba̱nu ut ma̱ ani ta̱ru̱k ta̱colekꞌ chicuu, chan li Dios.

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.

Miqueas 1:11

La̱ex li cuanquex aran Safir, ta̱cꞌutekꞌ e̱xuta̱n nak texchapekꞌ ut texcꞌamekꞌ chi tꞌustꞌu̱quex. La̱ex li cuanquex Zaanán incꞌaꞌ chic tex-e̱lk saꞌ le̱ tenamit xban e̱xiu. Ut la̱ex li cuanquex Bet-esel, texya̱bak xban nak ma̱ ani chic ta̱tenkꞌa̱nk e̱re.

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

Oseas 2:3

Cui incꞌaꞌ tixcanab, la̱in tinmakꞌ chiru chixjunil li cꞌaꞌru cuan re. Chanchan tꞌustꞌu tincanab joꞌ nak quiyoꞌla. Chanchanak chic jun li chaki chꞌochꞌ ma̱cꞌaꞌ na-el chiru ut ta̱ca̱mk xban chaki el.

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Ezequiel 16:63

La̱in tincuy a̱ma̱c. Abanan cua̱nk saꞌ a̱chꞌo̱l li ma̱usilal xaba̱nu ut tatxuta̱na̱k xban. Incꞌaꞌ chic te̱nimobresi e̱rib xban nak texxuta̱na̱k. La̱in li nimajcual Dios quinyehoc re aꞌin.—

2 Crónicas 28:19

Xban nak laj Acaz lix reyeb laj Judá quixtzꞌekta̱na li Ka̱cuaꞌ ut quicꞌamoc be chiruheb laj Judá chi ma̱cobc, joꞌcan nak li Dios quixcubsi xcuanquileb laj Judá.

Deuteronomio 9:20

Ut quijoskꞌoꞌ ajcuiꞌ li Ka̱cuaꞌ riqꞌuin laj Aarón ut quiraj xsachbal. Abanan la̱in quintijoc chirix laj Aarón re nak ta̱colekꞌ.

Génesis 3:10

Ut laj Adán quichakꞌoc ut quixye: —Xcuabi nak yo̱cat chi be̱c saꞌ xnaꞌaj li acui̱mk. Ut xinxucuac xban nak tꞌustꞌu̱quin. Xinmuk cuib cha̱cuu, chan.

Éxodo 32:26

Tojoꞌnak laj Moisés quixakli saꞌ li oqueba̱l bar cuan cuiꞌ lix muheba̱leb. Quixye reheb: —Li ani naxpa̱b li Ka̱cuaꞌ Dios, cha̱lkeb cuiqꞌuin, chan. Ut chixjunileb li ralal xcꞌajol laj Leví queꞌxchꞌutub rib chiru laj Moisés.

1 Reyes 12:28

Joꞌcan nak laj Jeroboam quixpatzꞌ xnaꞌleb riqꞌuin laj qꞌuehol naꞌleb ut quixba̱nu joꞌ queꞌxye. Quixqꞌue chi yi̱ba̱c cuib li cuacax oro ut quixye reheb li tenamit: —La̱ex aj Israel, nabal sut ac xexcuulac chak Jerusalén chi lokꞌoni̱nc. Joꞌcan nak anakcuan arin chic texlokꞌoni̱nk. Arin cuan le̱ dios. Aꞌaneb aꞌin li xeꞌisin chak e̱re saꞌ li naꞌajej Egipto, chan laj Jeroboam reheb.

1 Reyes 14:16

Li Ka̱cuaꞌ tixkꞌaxtesiheb laj Israel saꞌ rukꞌeb li jalaneb xtenamiteb xban nak quima̱cob laj Jeroboam ut xban ajcuiꞌ nak laj Jeroboam, aꞌan li quicꞌamoc be chiruheb laj Israel re nak teꞌma̱cobk ajcuiꞌ eb aꞌan, chan li profeta Ahías.

Proverbios 29:18

Cui incꞌaꞌ nayeheꞌ re li tenamit cꞌaꞌru naraj li Dios, incꞌaꞌ nequeꞌcuan saꞌ tuktu̱quilal. Us xak reheb li tenamit li nequeꞌxba̱nu li cꞌaꞌru naxye saꞌ lix chakꞌrab li Dios.

Jeremías 5:5

Joꞌcan nak la̱in tinxic riqꞌuineb li cuanqueb xcuanquil ut tina̱tinak riqꞌuineb. Eb aꞌan nequeꞌxnau cꞌaꞌru naraj li Dios. Eb aꞌan nequeꞌxnau cꞌaꞌru quixye li Dios nak tento teꞌxba̱nu, chanquin. Abanan chixjunileb aꞌan queꞌxtzꞌekta̱na li Ka̱cuaꞌ ut incꞌaꞌ queꞌxba̱nu li cꞌaꞌru quixye.