Éxodo 32:16 - Li Santil hu

¹⁶ Eb li perpo̱quil pec aꞌin xba̱nuhom li Dios. Li a̱tin tzꞌi̱banbil chiru li perpo̱quil pec, aꞌ li Dios quitzꞌi̱ban re.

Q'eqchi Bible

¹⁶ Eb' li perpookil pek a'aneb' xb'aanuhom li Yos, ut eb' li aatin tz'iib'anb'ileb' chiru xtz'iib'ahom li Yos.

Éxodo 32:16 ပူးပေါင်းရင်းမြစ်များ

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

Hebreos 8:10

Aꞌin li contrato tinba̱nu riqꞌuineb reheb laj Israel. Ta̱cuulak xkꞌehil nak tinqꞌue lin chakꞌrab saꞌ lix cꞌaꞌuxeb ut tinqꞌue ajcuiꞌ saꞌ li ra̱meb. La̱inak lix Dios ut aꞌanakeb lin tenamit.

2 Corintios 3:3

Le̱ yuꞌam la̱ex chanchan jun li hu tzꞌi̱banbil xban li Cristo. Ut la̱o xkachꞌolob lix ya̱lal che̱ru. Li hu aꞌin moco tzꞌi̱banbil ta chiru pec chi moco tzꞌi̱banbil ta riqꞌuin tinta. Tzꞌi̱banbil ban saꞌ le̱ ra̱m xban lix Musikꞌ li yoꞌyo̱quil Dios.

2 Corintios 3:7

Li chakꞌrab li quiqꞌueheꞌ re laj Moisés tzꞌi̱banbil chiru pec ut quicꞌutun xlokꞌal li Dios nak quixqꞌue li chakꞌrab aꞌin. Quilemtzꞌun li riloba̱l laj Moisés ut eb laj Israel incꞌaꞌ queꞌxcuy rilbal usta junpa̱t ajcuiꞌ quicuan saꞌ li riloba̱l laj Moisés lix lokꞌal li Dios. Li najter chakꞌrab aꞌin li quicꞌamoc chak re li ca̱mc saꞌ kabe̱n quicꞌulun riqꞌuin xlokꞌal li Dios.

Deuteronomio 10:1

Tojoꞌnak li Ka̱cuaꞌ quixye cue, “Ta̱yi̱b cuib chic li perpo̱quil pec joꞌ li cuib li queꞌjoreꞌ ut ta̱cꞌam cuiqꞌuin saꞌ li tzu̱l. Ut ta̱yi̱b ajcuiꞌ jun li ca̱x riqꞌuin cheꞌ.

Deuteronomio 9:15

Ut la̱in quincube chak saꞌ li tzu̱l nak toj lochlo li xam. Ut cuanqueb saꞌ cuukꞌ li cuib chi perpo̱quil pec li tzꞌi̱banbil cuiꞌ li contrato.

Éxodo 34:4

Tojoꞌnak laj Moisés quixti̱cobresi li cuib chi pec chanchan ajcuiꞌ li quixjor junxil. Quicuacli ekꞌela ut quitakeꞌ chiru li tzu̱l. Quixcꞌam saꞌ rukꞌ li cuib chi pec. Joꞌ quiyeheꞌ re xban li Dios, joꞌcan quixba̱nu.

Éxodo 34:1

Li Dios quixye re laj Moisés: —Ta̱ti̱cobresi ru cuibak li pec joꞌ li cuib li xajor junxil. Ut chiruheb aꞌan la̱in tintzꞌi̱ba lin chakꞌrab li xcuan chiruheb li xajor.

Éxodo 32:15

Laj Moisés quicube chak saꞌ li tzu̱l. Quixcꞌam saꞌ rukꞌ li cuib chi perpo̱quil pec li tzꞌi̱banbil cuiꞌ li laje̱b chi chakꞌrab. Tzꞌi̱banbil li chakꞌrab chiru li perpo̱quil pec saꞌ xcaꞌ pacꞌalil.

Éxodo 32:17

Laj Josué quirabi li choki̱nc nak eb li tenamit yo̱queb chixjapbaleb re. Quixye re laj Moisés: —¿Cꞌaꞌru yo̱queb li tenamit? Cꞌajoꞌ nak yo̱queb chi choki̱nc. Chanchan pletic yo̱queb, chan.

Li xHu LAJ JOB 19:24

Us raj nak cuan ta junak tixjuch riqꞌuin chꞌi̱chꞌ chiru junak pec li cua̱tin re nak ta̱cana̱k chi tzꞌi̱banbil chiru li pec chi junelic.