Éxodo 32:13 - Li Santil hu

¹³ Julticak a̱cue laj Abraham ut laj Isaac ut laj Jacob. Eb aꞌan aj cꞌanjeleb cha̱cuu ut la̱at xayechiꞌi chi anchal a̱chꞌo̱l reheb. Xaye reheb nak ta̱qꞌue chi qꞌuia̱nc ut chi nabalocꞌ li ralal xcꞌajoleb joꞌ xqꞌuialeb li chahim saꞌ choxa. Ut xayechiꞌi jun cha̱bil naꞌajej reheb aꞌan chi junelic ut reheb ajcuiꞌ li ralal xcꞌajol, chan laj Moisés.

Q'eqchi Bible

¹³ Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Éxodo 32:13 ပူးပေါင်းရင်းမြစ်များ

Hebreos 6:13

Ma̱cꞌaꞌ junak mas nim xcuanquil chiru li Dios. Joꞌcan nak li Dios quixpatzꞌ xcꞌabaꞌ chi ribil rib nak quixyechiꞌi li rosobtesinquil laj Abraham.

Génesis 22:16

Ut quixye re: —Joꞌcaꞌin xye li Ka̱cuaꞌ Dios: xban nak la̱at xamayeja raj la̱ cualal chicuu, relic chi ya̱l tinye a̱cue nak tatincuosobtesi.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Génesis 15:5

Li Dios quixcꞌam laj Abram chirix cab ut quixye re: —Ilon takecꞌ. Il ma tatru̱k rajlanquileb li chahim. Joꞌcan ajcuiꞌ xqꞌuial la̱ cualal a̱cꞌajol li tinqꞌue. Incꞌaꞌ tatru̱k rajlanquileb, chan li Dios.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Deuteronomio 7:8

Quixsicꞌ ban e̱ru xban nak nequexra ut xban nak quiraj xba̱nunquil li quixyechiꞌi reheb le̱ xeꞌto̱nil yucuaꞌ nak texrisi Egipto. Joꞌcan nak quexrisi riqꞌuin xcuanquil saꞌ li naꞌajej li quexcuan cuiꞌ chokꞌ rahobtesinbil mo̱s rubel xcuanquil laj faraón.

Levítico 26:42

ta̱julticokꞌ cue li contrato li quinba̱nu riqꞌuineb laj Jacob, laj Isaac, ut laj Abraham. Ut ta̱julticokꞌ cue li chꞌochꞌ.

Génesis 48:16

Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

Génesis 15:7

Li Dios quixye re laj Abram; —La̱in li Ka̱cuaꞌ Dios. La̱in xin-isin chak a̱cue saꞌ li tenamit Ur ut xatincꞌam chak saꞌ li tenamit aꞌin. Ut li chꞌochꞌ aꞌin, la̱at tat-e̱chani̱nk re, chan.

Deuteronomio 9:27

Chijulticokꞌ taxak a̱cue eb laj cꞌanjel cha̱cuu, laj Abraham, laj Isaac ut laj Jacob. Ma̱qꞌue saꞌ a̱chꞌo̱l lix cacuilal xchꞌo̱leb li tenamit aꞌin ut chacuy taxak lix ma̱usilaleb ut lix ma̱queb.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Génesis 17:8

Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

Génesis 24:7

Li Ka̱cuaꞌ Dios li cuan saꞌ choxa, aꞌan qui-isin chak cue saꞌ rochoch lin yucuaꞌ. Aꞌan qui-isin chak cue saꞌ xya̱nkeb lin comon saꞌ li naꞌajej li quinyoꞌla cuiꞌ chak. Aꞌan quia̱tinac cuiqꞌuin ut quixye cue, “La̱in tinqꞌue li chꞌochꞌ aꞌin a̱cue ut reheb ajcuiꞌ la̱ cualal a̱cꞌajol,” chan. Li Ka̱cuaꞌ Dios tixtakla chak lix ángel ut aꞌan ta̱cꞌamok be cha̱cuu nak tatxic chixsicꞌbal rixakil li cualal. Matcꞌoxlac. Aran ta̱cꞌam chak li rixakil li cualal.

Éxodo 13:5

Texninkꞌei̱k rajlal chihab saꞌ li po aꞌin nak cua̱nkex saꞌ li naꞌajej li yo̱ cuiꞌ che̱cꞌambal li Ka̱cuaꞌ Dios. Aꞌan li cha̱bil naꞌajej li quiyechiꞌi̱c reheb le̱ xeꞌto̱nil yucuaꞌ junxil ut te̱re̱chani ajcuiꞌ la̱ex. Aꞌan li naꞌajej cuanqueb cuiꞌ laj cananeo, laj heteo, laj amorreo, laj heveo ut laj jebuseo.

Éxodo 13:11

Li Ka̱cuaꞌ Dios texcꞌam saꞌ li tenamit bar cuanqueb cuiꞌ laj cananeo. Ut la̱ex te̱re̱chani li naꞌajej li quixyechiꞌi li Dios reheb le̱ xeꞌto̱nil yucuaꞌ junxilaj ut quixyechiꞌi ajcuiꞌ e̱re la̱ex.

Éxodo 33:1

Li Dios quixye re laj Moisés: —Ayukex, cꞌameb li tenamit li xacuisiheb chak aran Egipto. Texxic saꞌ li naꞌajej li xinyechiꞌi reheb laj Abraham, laj Isaac, joꞌ ajcuiꞌ laj Jacob nak xinye reheb, “Tinsi li naꞌajej aꞌin reheb le̱ ralal e̱cꞌajol.”

Deuteronomio 1:10

Li Ka̱cuaꞌ li kaDios xoxqꞌue chi ta̱mc. Anakcuan chanchano chic xqꞌuial li chahim chiru li choxa.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.