Éxodo 32:12 - Li Santil hu

¹² ¿Cꞌaꞌut nak ta̱qꞌue a̱cuib chi hobecꞌ xbaneb laj Egipto? Eb aꞌan teꞌxye, “¿Cꞌaꞌut nak li Dios xrisiheb arin ut xcꞌameb saꞌ li chaki chꞌochꞌ yal re tixcamsiheb saꞌ li tzu̱l? Quixsacheb chi junaj cua”, chaꞌkeb. Ma̱qꞌue a̱joskꞌil. Jal la̱ cꞌaꞌux. Ma̱sach ruheb la̱ tenamit.

Q'eqchi Bible

¹² Ma taawaj tab'i' te'xye eb' laj Ejiipt: «Xlab'al xch'ool kirisiheb' wi', re xkamsinkileb' sa'eb' li tzuul ut re xsachb'aleb' chi junajwa sa' xb'een li ruuchich'och'»? Kanab' laajosq'il ut maataqla chaq li rahilal sa' xb'eeneb' laatenamit.

Éxodo 32:12 ပူးပေါင်းရင်းမြစ်များ

Deuteronomio 9:28

Cui ta̱sach ruheb, eb laj Egipto li coa̱cuisi cuiꞌ chak, teꞌxye, “Li Ka̱cuaꞌ lix Dioseb incꞌaꞌ quixcuy xcꞌambaleb saꞌ li naꞌajej li quixyechiꞌi reheb. Xicꞌ quirileb. Joꞌcan nak quixcꞌameb saꞌ li chaki chꞌochꞌ re nak tixcamsiheb,” chaꞌakeb.

Josué 7:9

Nak teꞌrabi eb laj cananeo ut chixjunileb li cuanqueb saꞌ li naꞌajej aꞌin li cꞌaꞌru xkacꞌul, ma̱re teꞌxchꞌutub chak rib ut teꞌcha̱lk chi pletic kiqꞌuin ut ma̱re ma̱ ani chic ke ta̱colekꞌ. Cui joꞌcan takacꞌul, ¿cꞌaꞌru ta̱ba̱nu la̱at re xcolbal rix la̱ lokꞌal? chan.

Éxodo 32:14

Ut li Ka̱cuaꞌ Dios quixjal xcꞌaꞌux ut incꞌaꞌ quixsacheb lix tenamit.

Zacarías 8:14

Quixye ajcuiꞌ li Ka̱cuaꞌ li nimajcual Dios: —La̱in quincꞌoxla xqꞌuebaleb chixtojbal lix ma̱queb le̱ xeꞌto̱nil yucuaꞌ nak queꞌxchikꞌ injoskꞌil ut incꞌaꞌ quinjal incꞌaꞌux riqꞌuin li quincꞌoxla xba̱nunquil.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Amós 7:6

Ut quixjal cuiꞌchic xcꞌaꞌux li Ka̱cuaꞌ ut quixye chi joꞌcaꞌin: —Chi moco aꞌin tinba̱nu. Incꞌaꞌ tinsacheb, chan li Ka̱cuaꞌ Dios.

Amós 7:3

Ut li Ka̱cuaꞌ quixjal xcꞌaꞌux. —Incꞌaꞌ texinsach, chan.

Ezequiel 20:22

Abanan incꞌaꞌ quinsach ruheb nak incꞌaꞌ quicuaj nak ta̱isi̱k xlokꞌal lin cꞌabaꞌ chiruheb li xni̱nkal ru tenamit li queꞌiloc re nak quicuisiheb chak laj Israel Egipto.

Ezequiel 20:14

Abanan incꞌaꞌ quinsach ruheb xban nak incꞌaꞌ quicuaj nak ta̱isi̱k lin lokꞌal xbaneb li xni̱nkal ru tenamit li queꞌiloc re nak quicuisiheb laj Israel aran Egipto.

Ezequiel 20:9

Abanan incꞌaꞌ quinba̱nu xban nak chiruheb laj Egipto la̱in quinye reheb laj Israel nak tincuisiheb Egipto. Incꞌaꞌ quicuaj nak ta̱isi̱k lin lokꞌal.

Salmos 106:45

Quijulticoꞌ re li contrato li quixba̱nu riqꞌuineb ut xban nak kꞌaxal nim li ruxta̱n, quixjal xcꞌaꞌux ut quixtenkꞌaheb cuiꞌchic.

Salmos 90:13

At Ka̱cuaꞌ, ¿joꞌ najtil chic yo̱k a̱joskꞌil saꞌ kabe̱n? ¿Ma incꞌaꞌ ta̱cuil xtokꞌoba̱l ku la̱o aj cꞌanjel cha̱cuu?

Salmos 85:3

Incꞌaꞌ chic yo̱ a̱joskꞌil saꞌ kabe̱n. Xnumeꞌ ban a̱joskꞌil.

Salmos 78:38

Abanan junelic quixtokꞌoba ruheb. Quixcuy xma̱queb. Nabal sut quijoskꞌoꞌ saꞌ xbe̱neb; abanan quixcuy rib. Joꞌcan nak incꞌaꞌ quixsach ruheb xban xjoskꞌil.

Salmos 74:18

At Ka̱cuaꞌ, misach taxak saꞌ a̱chꞌo̱l nak li incꞌaꞌ useb xnaꞌleb yo̱queb cha̱majecuanquil. Eb aꞌan incꞌaꞌ nacateꞌxqꞌue saꞌ ruheb. Junes a̱hobbal nequeꞌxba̱nu.

Esdras 10:14

Naru teꞌcana̱k li nequeꞌtaklan saꞌ kabe̱n chi a̱tinac chikix la̱o li joꞌ qꞌuialo cuanco arin. Ut li ani queꞌxcꞌam chokꞌ rixakileb li ixk li jalan xtenamiteb naru nequeꞌchal jokꞌe teꞌyehekꞌ reheb nak teꞌcha̱lk. Teꞌcha̱lk li cuanqueb saꞌ li junju̱nk chi tenamit rochbeneb laj rakol a̱tin ut eb li nequeꞌtaklan saꞌ xbe̱neb. Takaba̱nu chi joꞌcaꞌin re nak ta̱e̱lk xjoskꞌil li Dios saꞌ kabe̱n, chanqueb.

Josué 7:26

Ut queꞌxtu̱b nabal li pec saꞌ xbe̱n ut eb li pec aꞌan toj cuanqueb anakcuan. Riqꞌuin aꞌin qui-el xjoskꞌil li Ka̱cuaꞌ saꞌ xbe̱neb laj Israel. Toj chalen anakcuan nequeꞌxye re li naꞌajej aꞌan “Li ru takꞌa re Acor”.

Deuteronomio 32:36

Li Ka̱cuaꞌ ta̱rakok a̱tin saꞌ xbe̱neb lix tenamit. Abanan, xban nak naxraheb ta̱ril xtokꞌoba̱l ruheb nak tixqꞌue retal nak ma̱cꞌaꞌ chic xmetzꞌe̱uheb. Ta̱ruxta̱na ruheb nak ta̱ril nak ma̱cꞌaꞌeb xmetzꞌe̱uheb li nequeꞌcꞌanjelac chiru.

Deuteronomio 13:17

Ut me̱xoc chokꞌ e̱re li cꞌaꞌru ac kꞌaxtesinbil re sachecꞌ re nak ta̱numekꞌ xjoskꞌil li Ka̱cuaꞌ. Ut li Ka̱cuaꞌ ta̱ril xtokꞌoba̱l e̱ru ut aꞌan ta̱uxta̱na̱nk e̱ru. Texqꞌue chi nabalocꞌ joꞌ quixye reheb le̱ xeꞌto̱nil yucuaꞌ riqꞌuin juramento.

Génesis 6:6

Ut quiyotꞌeꞌ xchꞌo̱l li Dios nak quixyi̱beb li cristian saꞌ ruchichꞌochꞌ ut cꞌajoꞌ nak quirahoꞌ saꞌ xchꞌo̱l.

Éxodo 33:13

Cui la̱in xincꞌam cuib saꞌ usilal cha̱cuu, ba̱nu usilal ye cue chi tzꞌakal li cꞌaꞌru ta̱cuaj la̱at re nak tinnau chi tzꞌakal cꞌaꞌru ta̱cuaj ut tincꞌam cuib saꞌ usilal cha̱cuu. Ba̱nu usilal julticak ajcuiꞌ a̱cue nak a̱cue li tenamit aꞌin, chan.

Números 16:21

—Elenkex saꞌ xya̱nkeb li tenamit aꞌin re nak tinsach ruheb chixjunileb saꞌ junpa̱t, chan.

1 Samuel 12:22

Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

1 Reyes 8:51

Chatenkꞌaheb xban nak aꞌan eb la̱ tenamit. Ut aꞌaneb ajcuiꞌ la̱ cualal a̱cꞌajol. La̱at cat-isin chak reheb li kaxeꞌto̱nil yucuaꞌ saꞌ li tenamit Egipto li queꞌxcꞌul cuiꞌ chak li nimla raylal.

Jeremías 28:16

Joꞌcan nak li Ka̱cuaꞌ xye nak tatrisi saꞌ ruchichꞌochꞌ. Chiru ajcuiꞌ li chihab aꞌin tatca̱mk xban nak xacꞌam xbeheb li tenamit chixkꞌetkꞌetinquil ribeb chiru li Ka̱cuaꞌ, chan.

Joel 2:17

Eb laj tij li nequeꞌcꞌanjelac chiru li nimajcual Dios, cheꞌxakli̱k saꞌ xyi li oqueba̱l re li templo ut li artal ut cheꞌya̱bak. Nak teꞌtijok laj tij, teꞌxye chi joꞌcaꞌin: Ma̱qꞌue taxak li raylal saꞌ xbe̱neb la̱ tenamit, at Ka̱cuaꞌ. Chacuyeb taxak xma̱queb. Ma̱qꞌueheb taxak chi numta̱c saꞌ xbe̱neb la̱ tenamit li incꞌaꞌ nequeꞌpa̱ban. Incꞌaꞌ taxak ta̱qꞌueheb chi seꞌe̱c la̱ tenamit re nak incꞌaꞌ teꞌyehekꞌ re: ¿Bar cuan lix Dioseb?

Números 14:19

Xban xnimal la̱ cuuxta̱n chacuy taxak xma̱queb li tenamit aꞌin joꞌ nak xacuy xma̱queb chalen nak xeꞌel chak Egipto toj chalen anakcuan, chan laj Moisés.

Isaías 64:7

Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Isaías 64:8

Anakcuan ut, at Ka̱cuaꞌ, la̱at li kayucuaꞌ. La̱at aj e̱chal ke. La̱o chanchano li seb ut la̱at laj pacꞌonel. La̱at catyi̱ban ke riqꞌuin la̱ cuukꞌ. La̱at catyi̱ban chak ke chikajunilo.