Éxodo 31:4 - Li Santil hu

⁴ Naxnau xcꞌanjelanquil chi cha̱bil li oro, plata ut bronce. Ut naxnau xcꞌoxlanquil chanru tixqꞌue xsahob ru li cꞌaꞌru tixyi̱b.

Q'eqchi Bible

⁴ re xk'oxlankil ut xb'aanunkil k'anjel rik'in oor, plaat ut q'anch'iich',

Éxodo 31:4 ပူးပေါင်းရင်းမြစ်များ

2 Crónicas 2:7

Joꞌcan nak yo̱quin chixyebal a̱cue nak tina̱tenkꞌa. Ta̱takla chak cue junak cui̱nk naxnau cꞌanjelac chi us riqꞌuin li chꞌi̱chꞌ oro, plata, bronce, ut hierro. Ut tixnau ajcuiꞌ cꞌanjelac riqꞌuin li cha̱bil tꞌicr púrpura, cak ut azul. Aꞌan ta̱trabajik rochbeneb laj Judá ut laj Jerusalén, li ac tzolbileb chi cꞌanjelac. Aꞌaneb li ac sicꞌbileb ru xban laj David inyucuaꞌ chi cꞌanjelac chiru.

1 Reyes 7:14

Laj Hiram aꞌan xyum jun li ixk xma̱lcaꞌan xcomoneb li ralal xcꞌajol laj Neftalí. Lix yucuaꞌ, aꞌan aj Tiro xtenamit ut naxnau chi us xcꞌanjelanquil li chꞌi̱chꞌ bronce. Joꞌcan ajcuiꞌ laj Hiram. Cuan xnaꞌleb chi us ut se̱b xchꞌo̱l chixcꞌanjelanquil li chꞌi̱chꞌ bronce. Joꞌcan nak laj Hiram quichal riqꞌuin li rey Salomón ut quixba̱nu chixjunil li cꞌanjel li quiqꞌueheꞌ chixba̱nu.

Éxodo 28:15

Ut te̱yi̱b ajcuiꞌ li pectoral li nequeꞌxqꞌue chire xchꞌo̱l retalil li ti̱quilal. Te̱yi̱b chi cha̱bil xyi̱banquil joꞌ nak te̱yi̱b li efod. Yi̱banbilak riqꞌuin oro, ut riqꞌuin li nokꞌ azul, li nokꞌ púrpura ut li nokꞌ cak ut li bakbil nokꞌ lino.

Éxodo 26:1

Ta̱yi̱b li laje̱b li ni̱nki tꞌicr re xtzꞌapbal ru li tabernáculo riqꞌuin li bakbil nokꞌ lino, li nokꞌ azul, joꞌ ajcuiꞌ púrpura ut cak. Ut te̱qꞌue querubines chiru li tꞌicr aꞌan chokꞌ xsahob ru chi cha̱bil xyi̱banquil.

Éxodo 31:3

La̱in xinqꞌue lin musikꞌ re ut xinqꞌue xnaꞌleb re xjolominquil li cꞌanjel aꞌin. Cuan xnaꞌleb ut naxnau xcꞌoxlanquil chanru tixyi̱b chixjunil chi cha̱bil.

Éxodo 31:5

Naxnau xyi̱banquil chi cha̱bil li terto̱quil pec ut naxnau ajcuiꞌ xyi̱banquil chi cha̱bil li cheꞌ. Naxnau xcꞌoxlanquil chanru tixba̱nu yalak cꞌaꞌru chi cꞌanjelil.