Éxodo 30:8 - Li Santil hu

⁸ Ut tixcꞌat ajcuiꞌ rajlal ecuu nak ta̱oc chixlochbal li candil. Joꞌcan nak chalen anakcuan le̱ ralal e̱cꞌajol li teꞌcua̱nk mokon teꞌxcꞌat li incienso chicuu.

Q'eqchi Bible

⁸ ut tixk'at ajwi' naq tixk'e xya'al eb' li saqenk ewu.

Éxodo 30:8 ပူးပေါင်းရင်းမြစ်များ

Hebreos 9:24

Li Cristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk. Nacꞌanjelac ban saꞌ choxa. Li tabernáculo quicuan, aꞌan yal retalil li choxa. Li Jesucristo co̱ saꞌ choxa ut anakcuan aran yo̱ chi jaloc a̱tin chikix chiru li Dios.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

1 Ts 5:17

Junelic chextijok.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

Éxodo 12:6

Nak ac xesicꞌ aꞌan, te̱xoc. Saꞌ li ca̱laju xbe li po nak ac namoynac, che̱junilex la̱ex aj Israel te̱camsi li chꞌina carner li sicꞌbil ru e̱ban.

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

Éxodo 30:7

Rajlal ekꞌela nak ta̱oc laj Aarón chixyi̱banquil li candil, tixcꞌat li sununquil incienso saꞌ xbe̱n li artal aꞌan.

Éxodo 30:9

Incꞌaꞌ ta̱cꞌatma̱nk jalan chic incienso saꞌ xbe̱n li artal aꞌin, chi moco ta̱cꞌatma̱nk jalan mayej, chi moco li ru li trigo, chi moco li vino ta̱mayeja̱k aran.

1 Samuel 2:28

Saꞌ xya̱nkeb chixjunileb li xte̱paleb li ralal xcꞌajol laj Israel la̱in xinsicꞌ ru laj Aarón joꞌ eb ajcuiꞌ li ralal xcꞌajol, re nak teꞌcꞌanjelak chicuu chokꞌ aj tij. Teꞌmayejak chicuu chiru li artal. Teꞌxcꞌat li incienso ut teꞌrocsi li efod nak teꞌtijok chicuu. Ut xinye ajcuiꞌ reheb le̱ xeꞌto̱nil yucuaꞌ nak tento teꞌxcꞌul caꞌchꞌinak eb li mayej li nequeꞌxqꞌue eb laj Israel.

2 Crónicas 26:18

Queꞌxye re li rey nak incꞌaꞌ us li yo̱ chixba̱nunquil. Queꞌxye re: —At rey Uzías, ma̱cuaꞌ a̱cue la̱at xcꞌatbal li pom chiru li Ka̱cuaꞌ. Eb li ralal laj Aarón, aꞌaneb laj tij. Aꞌaneb li sicꞌbil ruheb chixcꞌatbal li pom chiru li Ka̱cuaꞌ. At rey, elen saꞌ li santil naꞌajej aꞌin. La̱at xakꞌet li ra̱tin li Dios. Ut incꞌaꞌ ta̱qꞌuehekꞌ a̱lokꞌal xban li Dios, chanqueb.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Éxodo 25:37

Ut nak acak xya̱loꞌ li candelero, te̱yi̱b ajcuiꞌ cuukub li candil ut te̱qꞌue saꞌ xnaꞌaj saꞌ li candelero re nak lix xamlel tixcutanobresi li naꞌajej cua̱nk cuiꞌ.