Éxodo 30:7 - Li Santil hu

⁷ Rajlal ekꞌela nak ta̱oc laj Aarón chixyi̱banquil li candil, tixcꞌat li sununquil incienso saꞌ xbe̱n li artal aꞌan.

Q'eqchi Bible

⁷ Aran laj Aharón tixk'at li sununkil ensens; tixk'at a'an wulaj wulaj eq'la, naq tixyiib'eb' li saqenk,

Éxodo 30:7 ပူးပေါင်းရင်းမြစ်များ

1 Samuel 2:28

Saꞌ xya̱nkeb chixjunileb li xte̱paleb li ralal xcꞌajol laj Israel la̱in xinsicꞌ ru laj Aarón joꞌ eb ajcuiꞌ li ralal xcꞌajol, re nak teꞌcꞌanjelak chicuu chokꞌ aj tij. Teꞌmayejak chicuu chiru li artal. Teꞌxcꞌat li incienso ut teꞌrocsi li efod nak teꞌtijok chicuu. Ut xinye ajcuiꞌ reheb le̱ xeꞌto̱nil yucuaꞌ nak tento teꞌxcꞌul caꞌchꞌinak eb li mayej li nequeꞌxqꞌue eb laj Israel.

San Lucas 1:9

Quitꞌaneꞌ saꞌ xbe̱n laj Zacarías oc saꞌ li Santil Naꞌajej saꞌ li templo chixcꞌatbal li incienso.

1 Crónicas 23:13

Eb li ralal laj Amram, aꞌan laj Aarón ut laj Moisés. Laj Aarón, joꞌ eb ajcuiꞌ li ralal xcꞌajol, aꞌaneb li queꞌsiqꞌueꞌ ruheb chi cꞌanjelac chi junelic chiru li Dios chokꞌ aj tij re xba̱nunquil li santil cꞌanjel li kꞌaxal lokꞌ. Queꞌxakaba̱c chixcꞌatbal li incienso ut chi cꞌanjelac chiru li Ka̱cuaꞌ ut chixtzꞌa̱manquil chiru li Ka̱cuaꞌ nak ta̱rosobtesiheb li tenamit.

Hechos 6:4

Ut la̱o takayal kakꞌe chi tijoc ut chixjulticanquil li ra̱tin li Dios, chanqueb.

1 Samuel 3:3

Ut laj Samuel yo̱ chi cua̱rc saꞌ li tabernáculo bar cuan cuiꞌ li Lokꞌlaj Ca̱x. Lix lámpara li Ka̱cuaꞌ toj lochlo.

Éxodo 30:34

Ut li Ka̱cuaꞌ quixye re laj Moisés: Sicꞌ li cha̱bil ban li nacꞌanjelac re xyi̱banquil li incienso. Juntakꞌe̱t riqꞌuin li junju̱nk ta̱qꞌue. Sicꞌ lix kꞌol li cheꞌ li sunu̱nc: li estacte, li uña aromático, li incienso ut li gálbano aromático xcꞌabaꞌeb.

Éxodo 30:6

Saꞌ li xbe̱n tasal li tabernáculo saꞌ li Santil Naꞌajej te̱qꞌue li artal chiru li tas yi̱banbil riqꞌuin tꞌicr, li naramoc re li Lokꞌlaj Ca̱x li xocbil cuiꞌ li chakꞌrab. Saꞌ li naꞌajej aꞌan tincua̱nk e̱riqꞌuin.

Éxodo 30:8

Ut tixcꞌat ajcuiꞌ rajlal ecuu nak ta̱oc chixlochbal li candil. Joꞌcan nak chalen anakcuan le̱ ralal e̱cꞌajol li teꞌcua̱nk mokon teꞌxcꞌat li incienso chicuu.

Éxodo 40:27

Ut quixcꞌat li sununquil pom saꞌ xbe̱n joꞌ quixye li Dios.

Números 7:56

Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

2 Crónicas 2:4

La̱in oc cue chixyi̱banquil jun li templo re takalokꞌoni cuiꞌ li Ka̱cuaꞌ lin Dios. Aꞌanak jun santil naꞌajej bar tolokꞌoni̱nk cuiꞌ cuochbeneb lin tenamit. Aran tocꞌatok sununquil ban ut aran tomayejak caxlan cua junelic. Rajlal ekꞌela ut rajlal ecuu takacꞌat li xul li takamayeja chiru li Dios. Joꞌcan ajcuiꞌ takaba̱nu rajlal saꞌ eb li hiloba̱l cutan ut saꞌ xyoꞌlajic li po ut saꞌ eb li ninkꞌe re lokꞌoni̱nc joꞌ cꞌaynako chixba̱nunquil chalen chak junxil.

2 Crónicas 26:18

Queꞌxye re li rey nak incꞌaꞌ us li yo̱ chixba̱nunquil. Queꞌxye re: —At rey Uzías, ma̱cuaꞌ a̱cue la̱at xcꞌatbal li pom chiru li Ka̱cuaꞌ. Eb li ralal laj Aarón, aꞌaneb laj tij. Aꞌaneb li sicꞌbil ruheb chixcꞌatbal li pom chiru li Ka̱cuaꞌ. At rey, elen saꞌ li santil naꞌajej aꞌin. La̱at xakꞌet li ra̱tin li Dios. Ut incꞌaꞌ ta̱qꞌuehekꞌ a̱lokꞌal xban li Dios, chanqueb.

Levítico 6:5

Tixkꞌaxtesi chixjunil li joꞌ qꞌuial quixcꞌul riqꞌuin balakꞌi̱nc ut tixtoj ajcuiꞌ ral li tumin. Tixtoj ju̱nk may ral li ju̱nk ciento re chixjunil li quirelkꞌa. Tixkꞌaxtesi chixjunil li cꞌaꞌak re ru aꞌin saꞌ li cutan nak ta̱mayejak chiru li Dios re xtojbal rix li ma̱c li quixba̱nu.

Deuteronomio 33:10

Eb aꞌan nequeꞌxcꞌut li chakꞌrab chiruheb laj Israel, li ralal xcꞌajol laj Jacob. Nequeꞌxcꞌat li incienso cha̱cuu ut nequeꞌxcꞌat ajcuiꞌ li mayej saꞌ la̱ artal.

1 Crónicas 6:34

laj Samuel, aꞌan li ralal laj Elcana; laj Elcana, aꞌan li ralal laj Jeroham; laj Jeroham, aꞌan li ralal laj Eliel; laj Eliel, aꞌan li ralal laj Toa;

2 Crónicas 2:3

Li rey Salomón quitzꞌi̱bac riqꞌuin laj Hiram lix reyeb laj Tiro ut quixye re: —¿Ma incꞌaꞌ ta̱ru̱k ta̱takla caꞌchꞌinak incheꞌ chacalteꞌ joꞌ caba̱nu riqꞌuin laj David lin yucuaꞌ nak quixyi̱b li rochoch aꞌan?

2 Crónicas 29:7

Queꞌxtzꞌap li oqueba̱l re lix templo ut incꞌaꞌ chic queꞌxqꞌue xxamleleb li candil. Incꞌaꞌ chic queꞌxcꞌat li incienso chi moco queꞌxqꞌue lix cꞌatbil mayejeb saꞌ lix templo li Ka̱cuaꞌ lix Dioseb laj Israel.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.