Éxodo 30:6 - Li Santil hu

⁶ Saꞌ li xbe̱n tasal li tabernáculo saꞌ li Santil Naꞌajej te̱qꞌue li artal chiru li tas yi̱banbil riqꞌuin tꞌicr, li naramoc re li Lokꞌlaj Ca̱x li xocbil cuiꞌ li chakꞌrab. Saꞌ li naꞌajej aꞌan tincua̱nk e̱riqꞌuin.

Q'eqchi Bible

⁶ Taak'e li artal chiru li t'ikr li naxmuq li xLoq'laj Kaaxil li Sumwank, chiru li xtz'apb'al xb'een li reetalil li Sumwank b'arwi' tinwanq aawik'in.

Éxodo 30:6 ပူးပေါင်းရင်းမြစ်များ

Hebreos 4:16

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

San Mateo 27:51

Ut li tꞌicr li cuan chokꞌ tas saꞌ li Santil Naꞌajej saꞌ li rochoch li Dios quikꞌicheꞌ saꞌ xyi. Quiticla chak takecꞌ ut toj takꞌa coxrakeꞌ lix kꞌichilal. Caꞌ jachal qui-el. Qui-ecꞌan li chꞌochꞌ ut eb li sako̱nac quilajeꞌitzꞌeꞌ.

1 Crónicas 28:11

Laj David quixqꞌue re laj Salomón li ralal li retalil li templo li teꞌxyi̱b, ut li retalileb li ochoch, joꞌ eb ajcuiꞌ li naꞌajej li cuan takecꞌ, joꞌ eb ajcuiꞌ li naꞌajej re xxocbal li cꞌaꞌak re ru, joꞌ ajcuiꞌ li Lokꞌlaj Santil Naꞌajej li nacuyeꞌ cuiꞌ li ma̱c.

Números 17:4

Ta̱qꞌueheb li xukꞌ saꞌ li tabernáculo chiru li Lokꞌlaj Ca̱x li cuan cuiꞌ li contrato li ninhilan cuiꞌ la̱in.

Levítico 16:13

Tixqꞌue li incienso saꞌ li ru xam ut tixcꞌat chiru li Ka̱cuaꞌ. Lix sibel li incienso ta̱ramok re lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c, li cuan cuiꞌ li chakꞌrab, re nak laj Aarón incꞌaꞌ ta̱ca̱mk.

Éxodo 40:26

Quixqꞌue li artal oro chiru li tꞌicr li naramoc re li Lokꞌlaj Ca̱x.

Éxodo 40:5

Li artal oro, li re cꞌatoc pom, te̱qꞌue chiru li tꞌicr li naramoc re li Lokꞌlaj Ca̱x. Ut te̱tzꞌap li oqueba̱l re li tabernáculo riqꞌuin junak nimla tꞌicr.

Éxodo 40:3

Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

Éxodo 30:36

Ta̱queꞌ chi kꞌun yijachak ut ta̱qꞌue chiru li Lokꞌlaj Ca̱x, li cuan saꞌ li tabernáculo li tincua̱nk cuiꞌ e̱riqꞌuin. Li incienso aꞌin, aꞌan kꞌaxal lokꞌak che̱ru.

Éxodo 30:5

Te̱yi̱b ajcuiꞌ cuib li cheꞌ acacia ti̱c rix re xpakonquil li artal. Ut te̱letz li oro chirix.

Éxodo 30:7

Rajlal ekꞌela nak ta̱oc laj Aarón chixyi̱banquil li candil, tixcꞌat li sununquil incienso saꞌ xbe̱n li artal aꞌan.

1 Crónicas 23:13

Eb li ralal laj Amram, aꞌan laj Aarón ut laj Moisés. Laj Aarón, joꞌ eb ajcuiꞌ li ralal xcꞌajol, aꞌaneb li queꞌsiqꞌueꞌ ruheb chi cꞌanjelac chi junelic chiru li Dios chokꞌ aj tij re xba̱nunquil li santil cꞌanjel li kꞌaxal lokꞌ. Queꞌxakaba̱c chixcꞌatbal li incienso ut chi cꞌanjelac chiru li Ka̱cuaꞌ ut chixtzꞌa̱manquil chiru li Ka̱cuaꞌ nak ta̱rosobtesiheb li tenamit.