Éxodo 30:3 - Li Santil hu

³ Te̱letz li tzꞌakal oro saꞌ xbe̱n. Ut te̱letz ajcuiꞌ saꞌ xca̱ pacꞌalil ut chiru ajcuiꞌ li xucub. Ut chire te̱qꞌue lix sahob ru yi̱banbil riqꞌuin oro.

Q'eqchi Bible

³ Taaletzi rix rik'in tz'aqal oor, jo' li xb'een jo' ajwi' li xk'atq ut eb' li xxukub'. Taak'e chi xsutam jun xsahob' ru yiib'anb'il rik'in oor

Éxodo 30:3 ပူးပေါင်းရင်းမြစ်များ

Éxodo 25:24

Ut te̱letz li tzꞌakal oro chiru li me̱x ut te̱yi̱b ajcuiꞌ lix sahob ru chire yi̱banbil riqꞌuin oro.

Éxodo 25:11

Ut te̱letz li tzꞌakal oro chirix ut chi saꞌ ut te̱qꞌue ajcuiꞌ lix sahob ru yi̱banbil riqꞌuin oro chire li ca̱x bar ta̱hila̱nk cuiꞌ lix tzꞌapbal re.

Apocalipsis 8:3

Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.

Éxodo 30:2

Te̱yi̱b chi ca̱ xucu̱t. O̱b roxcꞌa̱l (45) centímetro li ru ut o̱b roxcꞌa̱l (45) centímetro li rok ut laje̱b roꞌcꞌa̱l (90) centímetro li xteram. Junaj ru li artal rochben li xucub nak te̱yi̱b.

Éxodo 30:4

Rubel lix sahob ru te̱letz li argollas yi̱banbil riqꞌuin oro. Te̱letz saꞌ xuc xcaꞌ pacꞌalil li artal re nak aran te̱numsi li cheꞌ li te̱pako cuiꞌ.

1 Reyes 6:22

Laj Salomón quixtakla xletzbal li tzꞌakal oro saꞌ chixjunil li templo. Naticla takꞌa ut nacuulac toj takecꞌ. Joꞌcan ajcuiꞌ li artal li cuan chi saꞌ li Lokꞌlaj Santil Naꞌajej. Queꞌxletz li tzꞌakal oro chiru.

1 Reyes 6:20

Li Lokꞌlaj Santil Naꞌajej queꞌxyi̱b chak toj chi saꞌ li templo. Bele̱b metro xnajtil xteram, bele̱b metro xnajtil rok ut bele̱b metro xnajtil ru. Ut chi saꞌ queꞌxletz li tzꞌakal oro ut queꞌxletz ajcuiꞌ li tzꞌakal oro chiru li artal li yi̱banbil riqꞌuin li cheꞌ chacalteꞌ.

1 Reyes 7:48

Li rey Salomón quixtakla xyi̱banquileb riqꞌuin oro chixjunil li quicꞌanjelac saꞌ lix templo li Ka̱cuaꞌ. Quixyi̱b jun li artal riqꞌuin oro, ut jun li me̱x yi̱banbil riqꞌuin oro li nequeꞌxqꞌue cuiꞌ li mayejanbil caxlan cua.