Éxodo 30:29 - Li Santil hu

²⁹ Joꞌcaꞌin nak te̱kꞌaxtesi cue chixjunil li cꞌaꞌak re ru aꞌin ut santobresinbilakeb chic. Ut chixjunil li ta̱chꞌeꞌekꞌ riqꞌuin li cꞌaꞌak re ru aꞌin, santobresinbilak chic ta̱cana̱k.

Q'eqchi Bible

²⁹ Chi jo'kan taaq'axtesi we re naq santob'resinb'ilaqeb'; ut chixjunileb' li te'ch'e'oq re, santob'resinb'ilaqeb' ajwi' a'an.

Éxodo 30:29 ပူးပေါင်းရင်းမြစ်များ

San Mateo 23:19

Ma̱cꞌaꞌ e̱naꞌleb ut mutzꞌex xban nak incꞌaꞌ nequetau xya̱lal. ¿Bar cuan li kꞌaxal nim xcuanquil? ¿Ma li mayej malaj aꞌ li artal li nasantobresin re li mayej?

Levítico 6:18

Chixjunileb li ralal laj Aarón naru teꞌxtzaca li tzacae̱mk aꞌin. Aꞌin jun li chakꞌrab cua̱nk chi junelic chokꞌ reheb. Eb aꞌan li naru teꞌtzaca̱nk re xcomoneb li mayej aꞌin li nequeꞌcꞌateꞌ chiru li Ka̱cuaꞌ. Cui li mayej aꞌin ta̱nak saꞌ xbe̱n cꞌaꞌak re ru, santobresinbil teꞌcana̱k.

Éxodo 29:37

Cuukub cutan texmayejak saꞌ xbe̱n li artal. Joꞌcaꞌin nak te̱santobresi li artal chicuu. Ut aꞌanak jun santil artal ut chixjunil li te̱qꞌue saꞌ xbe̱n li artal, aꞌan santobresinbilak chic.

San Mateo 23:17

Ma̱cꞌaꞌ e̱naꞌleb ut mutzꞌex xban nak incꞌaꞌ nequetau xya̱lal. ¿Bar cuan li kꞌaxal nim xcuanquil? ¿Ma li oro, malaj aꞌ lix templo li Dios li nasantobresin re li oro?

Éxodo 30:28

Te̱qꞌue li aceite chiru li artal bar ta̱cꞌatma̱nk cuiꞌ li mayej ut te̱qꞌue chiru chixjunil li chꞌi̱chꞌ li ta̱cꞌanjelak saꞌ li artal. Te̱qꞌue ajcuiꞌ chiru li pila li teꞌchꞌajok cuiꞌ ut te̱qꞌue ajcuiꞌ chiru lix cꞌochleba̱l.

Éxodo 30:30

Te̱qꞌue li aceite saꞌ xjolom laj Aarón joꞌqueb ajcuiꞌ li ralal ut ta̱kꞌaxtesiheb chi cꞌanjelac chokꞌ aj tij chicuu.

Levítico 8:11

Cuukub sut quixrachrachi li aceite chiru li artal. Ut quixrachrachi ajcuiꞌ chiru li secꞌ ut li cꞌaꞌru nacꞌanjelac saꞌ li tabernáculo, joꞌ ajcuiꞌ li pila ut lix cꞌochleba̱l re xsantobresinquileb chiru li Ka̱cuaꞌ.

Éxodo 40:10

Ta̱yul li aceite chiru li artal re li cꞌatbil mayej. Ut ta̱yul ajcuiꞌ chiru chixjunil li nacꞌanjelac re li artal. Ta̱kꞌaxtesiheb saꞌ cuukꞌ re nak santobresinbilak chic.

Levítico 8:10

Chirix aꞌan laj Moisés quixqꞌue li aceite chiru li tabernáculo ut chiru ajcuiꞌ chixjunil li cuan chi saꞌ. Joꞌcaꞌin nak quixsantobresi chiru li Ka̱cuaꞌ.

Números 7:1

Nak ac xchoy xyi̱banquil li tabernáculo, laj Moisés quixqꞌue li aceite chiru re xsantobresinquil. Quixqꞌue ajcuiꞌ chiru chixjunil li nacꞌanjelac chi saꞌ. Quixsantobresi ajcuiꞌ li artal ut li secꞌ li nacꞌanjelac saꞌ li artal.