Éxodo 30:25 - Li Santil hu

²⁵ Riqꞌuin chixjunil aꞌin te̱yi̱b chi cha̱bil li sununquil ban re xqꞌuebal saꞌ xbe̱neb li teꞌkꞌaxtesi̱k chi cꞌanjelac chicuu.

Q'eqchi Bible

²⁵ Rik'ineb' a'an taayiib' li aseeyt re li loq'laj yuluk, sununkil b'an jo' tz'aqal naxb'aanu laj yiib'ahom re; ut a'anaq li aseeyt re li loq'laj yuluk.

Éxodo 30:25 ပူးပေါင်းရင်းမြစ်များ

Éxodo 37:29

Ut queꞌxyi̱b ajcuiꞌ chi cha̱bil li sununquil aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chiru li Ka̱cuaꞌ. Ut queꞌxyi̱b ajcuiꞌ li sununquil incienso. Queꞌxyi̱b chi cha̱bil joꞌ nequeꞌxnau xyi̱banquil li nequeꞌyi̱ban re li sununquil ban aꞌan.

1 Crónicas 9:30

Cuanqueb ajcuiꞌ li ralal eb laj tij li queꞌyi̱ban re li sununquil ban li quicꞌanjelac saꞌ li templo.

Éxodo 40:9

Ta̱cꞌam li aceite ut ta̱yul chiru li tabernáculo. Ut telaja̱yul chiru chixjunil li cuan chi saꞌ. Ut ta̱kꞌaxtesi saꞌ cuukꞌ chixjunil aꞌan re nak santobresinbilak chic.

Salmos 133:2

Chanchan li sununquil aceite li quiqꞌueheꞌ saꞌ xjolom laj Aarón. Nahoyeꞌ chiru lix mach, ut natꞌaneꞌ ajcuiꞌ chiru li rakꞌ.

Salmos 89:20

Xinsicꞌ ru laj David laj cꞌanjel chicuu ut xinqꞌue li aceite saꞌ xjolom retalil nak la̱in xinxakaban re chokꞌ rey.

Hebreos 1:9

Li ti̱quilal nacuulac cha̱cuu ut li ma̱usilal xicꞌ nacacuil. Joꞌcan nak sicꞌbil a̱cuu inban la̱in li nimajcual Dios. La̱in la̱ Dios. Kꞌaxal numtajenak li sahil chꞌo̱lej xinqꞌue a̱cue la̱at chiru li xinqꞌue reheb chixjunileb la̱ cuech aj cꞌanjelil. (Sal. 45:6-7)

Números 35:25

Tento nak eb li tenamit teꞌxcol rix li xcamsi ras ri̱tzꞌin chiru li rechꞌalal li camenak. Ut teꞌxsukꞌisi cuiꞌchic saꞌ li tenamit li quixcol cuiꞌ rib. Ut aran ta̱cana̱k toj nak ta̱ca̱mk lix yucuaꞌileb laj tij, li quiqꞌueheꞌ aceite saꞌ xjolom.

Éxodo 29:7

Ut ta̱chap li aceite ut ta̱qꞌue saꞌ xjolom laj Aarón retalil nak yo̱cat chixxakabanquil chokꞌ aj tij.

Éxodo 29:21

Ut li quicꞌ li cuan saꞌ li artal ta̱junaji riqꞌuin li aceite li nequeꞌxqꞌue saꞌ xbe̱neb li nequeꞌkꞌaxtesi̱c chi cꞌanjelac chiru li Ka̱cuaꞌ. Ut ta̱rachrachi li quicꞌ rochben li aceite saꞌ xbe̱n laj Aarón ut saꞌ xbe̱neb li ralal, joꞌ ajcuiꞌ chiru li rakꞌeb re nak kꞌaxtesinbilak laj Aarón joꞌqueb ajcuiꞌ li ralal chi cꞌanjelac chicuu, ut re ajcuiꞌ nak kꞌaxtesinbilak li rakꞌeb.

Éxodo 30:24

cablaju libra li casia aꞌ yal chanru li bisleb li cuan saꞌ li tabernáculo ut oxib litro riqꞌuin media li aceite oliva.

Éxodo 30:32

Li aceite aꞌin incꞌaꞌ naru xqꞌuebal saꞌ xbe̱n yalak ani xban nak li aceite aꞌin ac santobresinbil, chi moco ta̱ru̱k te̱yi̱b jalan chic aceite chiru aꞌin, xban nak li aceite aꞌin santo ut tento te̱qꞌue xlokꞌal.

Éxodo 30:35

Riqꞌuin aꞌan ta̱yi̱b jun li incienso kꞌaxal cha̱bil ut santo. Ta̱junaji ru chi us. Ta̱yi̱b chi cha̱bil joꞌ nequeꞌxyi̱b li cha̱bil sununquil ban.

Éxodo 35:15

Teꞌxyi̱b li artal li teꞌxcꞌat cuiꞌ li incienso joꞌ ajcuiꞌ li cheꞌ re xpakonquil. Teꞌxyi̱b li aceite li teꞌxqꞌue saꞌ xbe̱neb li teꞌkꞌaxtesi̱k chi cꞌanjelac chicuu ut teꞌxyi̱b ajcuiꞌ li sununquil incienso ut li tꞌicr li ta̱qꞌuehekꞌ chiru li oqueba̱l re li tabernáculo.

Levítico 8:2

—Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Levítico 8:10

Chirix aꞌan laj Moisés quixqꞌue li aceite chiru li tabernáculo ut chiru ajcuiꞌ chixjunil li cuan chi saꞌ. Joꞌcaꞌin nak quixsantobresi chiru li Ka̱cuaꞌ.

Eclesiastés 10:1

Li camenak raxya̱t naxpoꞌ li sununquil ban ut nachuhoꞌ. Joꞌcan ajcuiꞌ li to̱ntil naꞌleb naru tixpoꞌ ru li naꞌleb li kꞌaxal lokꞌ.

Éxodo 28:41

Ta̱qꞌue li rakꞌ chirix laj Aarón la̱ cuas joꞌqueb ajcuiꞌ li ralal. Ut ta̱qꞌue li aceite saꞌ xjolomeb re xxakabanquileb chokꞌ aj tij. Ta̱kꞌaxtesiheb chicuu re nak santobresinbilakeb re teꞌcꞌanjelak chicuu.

1 Reyes 1:39

Nak queꞌcuulac aran laj Sadoc laj tij quixchap li xucub li cuan aceite chi saꞌ li cuan saꞌ li tabernáculo. Quixqꞌue li aceite saꞌ xjolom laj Salomón, ut quixkꞌaxtesi saꞌ rukꞌ li Dios re ta̱oc chokꞌ rey. Chirix aꞌan queꞌxya̱basi lix xucub li carner. Ut chixjunileb li tenamit queꞌxjap reheb chixyebal: —Chicua̱nk taxak xyuꞌam li karey Salomón, chanqueb.