Éxodo 30:23 - Li Santil hu

²³ —Ta̱sicꞌ li cha̱bil ban li na-oc re xyi̱banquil li sununquil ban. Ta̱sicꞌ cablaju libra li cha̱bil mirra, cuakib libra li canela ut cuakib libra li cálamo, li sunu̱nc,

Q'eqchi Bible

²³ “Taasik' sununkil b'an: waqlaju liib'r chi tz'aqal miir, waqib' liib'r chi kaneel, waqib' liib'r chi sununkil utz'aal,

Éxodo 30:23 ပူးပေါင်းရင်းမြစ်များ

Ezequiel 27:19

Eb laj Dan ut eb laj Javán queꞌyacoc e̱riqꞌuin. Queꞌxjal li cꞌaꞌru e̱re riqꞌuin li cꞌaꞌru yi̱banbil riqꞌuin hierro, ut riqꞌuin li sununquil ban, ut li cha̱bil mirra.

Cantares 4:14

Ut na-el ajcuiꞌ li azafrán ut li sununquil claux ut li canela. Na-el nabal pa̱y ru li cheꞌ li naxqꞌue li incienso ut li mirra ut li áloes. Chixjunil li sununquil ban na-el saꞌ li naꞌajej aꞌan.

Ezequiel 27:22

Eb laj Sabá ut eb laj Raama queꞌyacoc ajcuiꞌ e̱riqꞌuin. Queꞌxjal li cꞌaꞌru e̱re riqꞌuin li sununquil ban, li cha̱bil pec terto xtzꞌak, ut li oro.

Jeremías 6:20

¿Cꞌaꞌru aj e nak teꞌxcꞌam chak li pom toj saꞌ li tenamit Sabá? ¿Cꞌaꞌru rajbal nak teꞌxic chi najt chixsicꞌbal li sununquil ban? La̱in incꞌaꞌ nacuulac chicuu lix mayej chi moco tincꞌuleb ta lix cꞌatbil mayej.

Cantares 1:13

Li cui̱nk li ninra, aꞌan chanchan li xsununquil li mirra li ninqꞌue saꞌ xya̱nk lin tuꞌ.

Cantares 1:3

Kꞌaxal sa rutzꞌbal li sununquil ban nacacuocsi. Ut la̱ cꞌabaꞌ chanchan li sununquil ban. Joꞌcan nak eb li tukꞌ ixk nacateꞌxra.

Proverbios 7:17

Ut xinqꞌue ajcuiꞌ li sununquil ban chiru yi̱banbil riqꞌuin mirra, áloes, ut canela.

Salmos 45:8

La̱ cuakꞌ cꞌajoꞌ xsununquil ru, joꞌ xsununcal li cheꞌ áloe ut joꞌ li cheꞌ canela ut joꞌ ajcuiꞌ xsununcal lix kꞌol li cheꞌ mirra xcꞌabaꞌ. Ut teꞌxqꞌue a̱lokꞌal riqꞌuin li arpa saꞌ la̱ palacio li yi̱banbil riqꞌuin marfil.

Éxodo 37:29

Ut queꞌxyi̱b ajcuiꞌ chi cha̱bil li sununquil aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chiru li Ka̱cuaꞌ. Ut queꞌxyi̱b ajcuiꞌ li sununquil incienso. Queꞌxyi̱b chi cha̱bil joꞌ nequeꞌxnau xyi̱banquil li nequeꞌyi̱ban re li sununquil ban aꞌan.

Éxodo 25:6

ut li aceite re li candil joꞌ ajcuiꞌ li cꞌaꞌak re ru li nacꞌanjelac re xyi̱banquil li aceite li naqꞌueheꞌ saꞌ xbe̱neb li nequeꞌxakaba̱c chi cꞌanjelac chiru li Ka̱cuaꞌ, ut nacꞌanjelac ajcuiꞌ re xyi̱banquil li incienso li sunu̱nc,

Éxodo 30:22

Li Ka̱cuaꞌ quia̱tinac cuiꞌchic riqꞌuin laj Moisés ut quixye re:

Éxodo 30:24

cablaju libra li casia aꞌ yal chanru li bisleb li cuan saꞌ li tabernáculo ut oxib litro riqꞌuin media li aceite oliva.

Éxodo 31:11

Teꞌxyi̱b li aceite li ta̱qꞌuehekꞌ saꞌ xbe̱n li teꞌkꞌaxtesi̱k chi cꞌanjelac chicuu. Ut teꞌxyi̱b li sununquil incienso li teꞌxmayeja saꞌ li tabernáculo. Tento teꞌxba̱nu chixjunil chi tzꞌakal joꞌ xinye a̱cue, chan li Ka̱cuaꞌ.

Éxodo 35:28

Ut queꞌxqꞌue ajcuiꞌ li aceite re li xam ut queꞌxqꞌue ajcuiꞌ li ban re xyi̱banquil li aceite li nequeꞌxqꞌue saꞌ xbe̱neb li teꞌkꞌaxtesi̱k chi cꞌanjelac chiru li Ka̱cuaꞌ, ut joꞌ ajcuiꞌ re xyi̱banquil li sununquil incienso.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

1 Reyes 1:39

Nak queꞌcuulac aran laj Sadoc laj tij quixchap li xucub li cuan aceite chi saꞌ li cuan saꞌ li tabernáculo. Quixqꞌue li aceite saꞌ xjolom laj Salomón, ut quixkꞌaxtesi saꞌ rukꞌ li Dios re ta̱oc chokꞌ rey. Chirix aꞌan queꞌxya̱basi lix xucub li carner. Ut chixjunileb li tenamit queꞌxjap reheb chixyebal: —Chicua̱nk taxak xyuꞌam li karey Salomón, chanqueb.

1 Crónicas 9:30

Cuanqueb ajcuiꞌ li ralal eb laj tij li queꞌyi̱ban re li sununquil ban li quicꞌanjelac saꞌ li templo.

Isaías 43:24

Ut la̱ex incꞌaꞌ xelokꞌ li incienso re te̱cꞌat chicuu, chi moco xecꞌat lix xe̱bul le̱ xul. Xexma̱cob ban chicuu toj retal xintitzꞌ xban le̱ ma̱usilal.

Números 4:16

Laj Eleazar li ralal laj Aarón laj tij, aꞌan li ta̱ilok re li aceite re li candil, li sununquil incienso, ut li ru li acui̱mk li namayeja̱c rajlal cutan, joꞌ ajcuiꞌ li aceite li naqꞌueman saꞌ xjolomeb. Laj Eleazar, aꞌan li ta̱takla̱nk saꞌ li tabernáculo ut saꞌ xbe̱n chixjunil li cuan chi saꞌ, chan li Dios.

1 Crónicas 9:29

Cuanqueb chic li queꞌiloc reheb li cꞌaꞌak re ru li quicꞌanjelac saꞌ li Lokꞌlaj Naꞌajej, ut li cꞌaj, li vino, li aceite, li incienso ut li sununquil ban.