Éxodo 30:20 - Li Santil hu

²⁰ Nak teꞌoc saꞌ li tabernáculo tento nak teꞌchꞌajok re nak incꞌaꞌ teꞌca̱mk. Joꞌcan ajcuiꞌ nak teꞌoc chiru li artal chixcꞌatbal li mayej chicuu la̱in li Ka̱cuaꞌ.

Q'eqchi Bible

²⁰ Naq okaqeb' re sa' xMuheb'aal li ch'utam, tento te'ch'ajoq rik'in ha', re naq ink'a' te'kamq. Jo'kanaq ajwi' naq te'jiloq chi xk'atq li artal chi k'anjelak, re k'atok mayej chiru li Qaawa'.

Éxodo 30:20 ပူးပေါင်းရင်းမြစ်များ

Hechos 5:5

Nak quirabi li a̱tin li quixye laj Pedro, quitꞌaneꞌ laj Ananías ut camenak quicana. Ut cꞌajoꞌ nak qui-oc xxiuheb chixjunileb li queꞌiloc re joꞌqueb ajcuiꞌ li queꞌabin resil.

Salmos 89:7

Chixjunileb li santil ángel nequeꞌxqꞌue a̱lokꞌal xban nak kꞌaxal nim la̱ cuanquil. La̱at xucuanbil a̱cuu xbaneb chixjunileb li cuanqueb saꞌ choxa.

1 Crónicas 13:10

Cꞌajoꞌ nak quijoskꞌoꞌ li Dios riqꞌuin laj Uza, ut quixcamsi xban nak quixchꞌeꞌ li Lokꞌlaj Ca̱x riqꞌuin rukꞌ. Ut aran chiru li Ka̱cuaꞌ quicana chi camenak laj Uza.

1 Samuel 6:19

Ut li Ka̱cuaꞌ quixqꞌue chi ca̱mc laje̱b xca̱cꞌa̱l (70) li cui̱nk li cuanqueb Bet-semes xban nak queꞌiloc chi saꞌ li Lokꞌlaj Ca̱x. Ut eb li tenamit queꞌya̱bac xban nak li Ka̱cuaꞌ quixsach ruheb.

Éxodo 12:15

Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Hechos 5:10

Ut saꞌ ajcuiꞌ li ho̱nal aꞌan lix Safira quitꞌaneꞌ chi rok laj Pedro ut camenak quicana. Eb li cui̱nk queꞌoc saꞌ cab ut queꞌril nak camenak chic. Queꞌrisi ut coxeꞌxmuk chak chixcꞌatk lix be̱lom.

Éxodo 30:19

Ut riqꞌuin li haꞌ li cuan saꞌ li pila teꞌxchꞌaj li rukꞌeb ut teꞌxchꞌaj li rokeb laj Aarón joꞌqueb ajcuiꞌ li ralal.

Éxodo 30:21

Tento teꞌxchꞌaj li rukꞌeb ut li rokeb re nak incꞌaꞌ teꞌca̱mk. Chalen anakcuan ut chi junelic li chakꞌrab aꞌan tenebanbil saꞌ xbe̱neb laj tij joꞌ ajcuiꞌ saꞌ xbe̱neb li ralal xcꞌajol li teꞌcua̱nk mokon.

Éxodo 40:31

Ut aran naxchꞌaj li rok ut li rukꞌ laj Moisés. Ut nachꞌajoc ajcuiꞌ laj Aarón joꞌ eb ajcuiꞌ li ralal.

Levítico 8:6

Tojoꞌnak laj Moisés quixcꞌameb chi ubej laj Aarón ut eb li ralal ut quixchꞌajeb re xsantobresinquileb.

Levítico 16:4

Tento nak tixqꞌue chirix li rakꞌ lino li kꞌaxtesinbil re li Dios, li narocsi laj tij. Tixqꞌue li rakꞌ li nim rok. Tixqꞌue ajcuiꞌ lix ta lix cue̱x. Tixqꞌue lix cꞌa̱mal xsaꞌ ut tixqꞌue ajcuiꞌ lix tꞌicr xbacꞌbal xjolom. Li tꞌicr aꞌin ac kꞌaxtesinbil re li Dios. Joꞌcan nak ta̱ati̱nk xbe̱n cua, tojoꞌnak tixqꞌue li rakꞌ chirix.