Éxodo 30:18 - Li Santil hu

¹⁸ —Te̱yi̱b ajcuiꞌ jun li pila xnaꞌaj li haꞌ riqꞌuin bronce re teꞌchꞌajok cuiꞌ laj tij. Ut te̱yi̱b ajcuiꞌ riqꞌuin bronce lix naꞌaj li te̱qꞌue cuiꞌ. Te̱qꞌue li pila chiru li artal nachꞌ riqꞌuin li tabernáculo. Ut te̱qꞌue li haꞌ chi saꞌ.

Q'eqchi Bible

¹⁸ “Taayiib' rik'in q'anch'iich' jun li pila, chiwanq li roq yiib'anb'ilaq ajwi' rik'in q'anch'iich': a'an taak'anjelaq re li ch'ajok. Taak'e xna'aj sa' xyanq li xMuheb'aal li ch'utam rik'in li artal, ut taak'e ha' chisa'

Éxodo 30:18 ပူးပေါင်းရင်းမြစ်များ

Éxodo 40:7

Te̱qꞌue ajcuiꞌ li pila saꞌ xyi li artal riqꞌuin li oqueba̱l re li tabernáculo. Ut te̱qꞌue haꞌ chi saꞌ.

Éxodo 38:8

Riqꞌuin li lem bronce li quicꞌanjelac chiruheb li ixk li queꞌcꞌanjelac chire li oqueba̱l re li tabernáculo, queꞌxyi̱b jun li pila xnaꞌaj li haꞌ joꞌ ajcuiꞌ lix naꞌaj li teꞌxqꞌue cuiꞌ.

2 Crónicas 4:2

Quixyi̱b ajcuiꞌ jun li nimla pila sursu riqꞌuin bronce. Aꞌan ta̱cꞌanjelak chokꞌ xnaꞌaj li haꞌ. Ca̱hib metro riqꞌuin media metro xnimal li re. Cuib metro riqꞌuin o̱b xcaꞌcꞌa̱l centímetro xteram. Ut oxlaju metro riqꞌuin media metro xnimal xsaꞌ.

1 Reyes 7:38

Ut quixyi̱b ajcuiꞌ riqꞌuin bronce laje̱b li pila. Li junju̱nk chi pila ju̱nk metro riqꞌuin ca̱cꞌa̱l centímetros xni̱nkal. Ut li haꞌ li na-oc chi saꞌ eb li pila aꞌan, cuan cuakxakib ciento riqꞌuin ca̱cꞌa̱l (880) litro chi haꞌ. Eb li laje̱b chi pila aꞌan quixqꞌueheb saꞌ xbe̱n li laje̱b chi cꞌochleba̱l.

1 Reyes 7:23

Ut laj Hiram quixyi̱b ajcuiꞌ jun li nimla pila sursu riqꞌuin bronce. Aꞌan ta̱cꞌanjelak re xnaꞌaj li haꞌ. Ca̱hib metro riqꞌuin media xnimal li re. Cuib metro riqꞌuin o̱b xcaꞌcꞌa̱l centímetro xteram. Oxlaju metro riqꞌuin media xnimal xsaꞌ.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Tito 3:5

Li Dios xoxcol ut xorisi saꞌ li kanajter naꞌleb. Ma̱cuaꞌ xban kayehom kaba̱nuhom chi moco xban lix ti̱quilal li kachꞌo̱l. Yal xban lix nimal ruxta̱n li Dios nak coxcol. Cuybil sachbil chic li kama̱c ut acꞌobresinbil chic li kayuꞌam xban li Santil Musikꞌej.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.

2 Crónicas 4:6

Quixyi̱b ajcuiꞌ laje̱b li cocꞌ pila. O̱b quixqꞌue saꞌ xnim li templo ut li o̱b chic quixqꞌue saꞌ xtzꞌe. Saꞌ eb li pila aꞌin queꞌxchꞌaj li tib li teꞌxcꞌat chokꞌ xmayejeb. Abanan li nimla pila quicꞌanjelac reheb laj tij re teꞌchꞌajok.

Levítico 8:11

Cuukub sut quixrachrachi li aceite chiru li artal. Ut quixrachrachi ajcuiꞌ chiru li secꞌ ut li cꞌaꞌru nacꞌanjelac saꞌ li tabernáculo, joꞌ ajcuiꞌ li pila ut lix cꞌochleba̱l re xsantobresinquileb chiru li Ka̱cuaꞌ.

Éxodo 31:9

Ut teꞌxyi̱b li artal li teꞌxcꞌat cuiꞌ li xul li teꞌxmayeja. Teꞌxyi̱b ajcuiꞌ chixjunil li ta̱cꞌanjelak saꞌ li artal. Ut teꞌxyi̱b ajcuiꞌ li pila joꞌ ajcuiꞌ li xnaꞌaj li teꞌxqꞌue cuiꞌ.

Éxodo 30:17

Li Ka̱cuaꞌ quia̱tinac cuiꞌchic riqꞌuin laj Moisés ut quixye re:

Eclesiastés 5:1

Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.