Éxodo 30:17 - Li Santil hu

¹⁷ Li Ka̱cuaꞌ quia̱tinac cuiꞌchic riqꞌuin laj Moisés ut quixye re:

Q'eqchi Bible

¹⁷ Li Qaawa' kiraatina laj Moisés ut kixye re:

Éxodo 30:17 ပူးပေါင်းရင်းမြစ်များ

Éxodo 30:16

Ut la̱at ta̱xoc li plata li teꞌxqꞌue laj Israel re xcolbal rix lix yuꞌameb. Ut ta̱kꞌaxtesi re li cꞌanjel li ta̱uxma̱nk saꞌ li tabernáculo. Li mayej aꞌan ta̱jultica̱nk re chicuu nak eb li ralal xcꞌajol laj Israel queꞌxtoj rix lix yuꞌameb.

Éxodo 30:18

—Te̱yi̱b ajcuiꞌ jun li pila xnaꞌaj li haꞌ riqꞌuin bronce re teꞌchꞌajok cuiꞌ laj tij. Ut te̱yi̱b ajcuiꞌ riqꞌuin bronce lix naꞌaj li te̱qꞌue cuiꞌ. Te̱qꞌue li pila chiru li artal nachꞌ riqꞌuin li tabernáculo. Ut te̱qꞌue li haꞌ chi saꞌ.

2 Crónicas 4:6

Quixyi̱b ajcuiꞌ laje̱b li cocꞌ pila. O̱b quixqꞌue saꞌ xnim li templo ut li o̱b chic quixqꞌue saꞌ xtzꞌe. Saꞌ eb li pila aꞌin queꞌxchꞌaj li tib li teꞌxcꞌat chokꞌ xmayejeb. Abanan li nimla pila quicꞌanjelac reheb laj tij re teꞌchꞌajok.

Éxodo 38:1

Queꞌxyi̱b ajcuiꞌ li artal riqꞌuin li cheꞌ acacia li teꞌxcꞌat cuiꞌ li xul li teꞌxmayeja. Ca̱ xucu̱t nak queꞌxyi̱b. Cuib metro riqꞌuin o̱b xcaꞌcꞌa̱l (25) centímetro xnimal ru ut cuib metro riqꞌuin o̱b xcaꞌcꞌa̱l (25) centímetro li rok. Ut o̱b xcaꞌcꞌa̱l (25) centímetro li xteram.

Éxodo 38:8

Riqꞌuin li lem bronce li quicꞌanjelac chiruheb li ixk li queꞌcꞌanjelac chire li oqueba̱l re li tabernáculo, queꞌxyi̱b jun li pila xnaꞌaj li haꞌ joꞌ ajcuiꞌ lix naꞌaj li teꞌxqꞌue cuiꞌ.

1 Reyes 7:23

Ut laj Hiram quixyi̱b ajcuiꞌ jun li nimla pila sursu riqꞌuin bronce. Aꞌan ta̱cꞌanjelak re xnaꞌaj li haꞌ. Ca̱hib metro riqꞌuin media xnimal li re. Cuib metro riqꞌuin o̱b xcaꞌcꞌa̱l centímetro xteram. Oxlaju metro riqꞌuin media xnimal xsaꞌ.

1 Reyes 7:38

Ut quixyi̱b ajcuiꞌ riqꞌuin bronce laje̱b li pila. Li junju̱nk chi pila ju̱nk metro riqꞌuin ca̱cꞌa̱l centímetros xni̱nkal. Ut li haꞌ li na-oc chi saꞌ eb li pila aꞌan, cuan cuakxakib ciento riqꞌuin ca̱cꞌa̱l (880) litro chi haꞌ. Eb li laje̱b chi pila aꞌan quixqꞌueheb saꞌ xbe̱n li laje̱b chi cꞌochleba̱l.