Éxodo 30:15 - Li Santil hu

¹⁵ Nak teꞌmayejak li junju̱nk re xcolbal rix lix yuꞌameb, juntakꞌe̱t xqꞌuial li teꞌxqꞌue. Li biom tixqꞌue media onza li plata ut joꞌcan ajcuiꞌ xqꞌuial tixqꞌue li nebaꞌ.

Q'eqchi Bible

¹⁵ Eb' li b'ihom ink'a' te'xk'e numenaq waqib' oons chi plaat, ut eb' li neb'a' tento ajwi' te'xk'e tz'aqal li ak xaqab'anb'il, naq te'xtoj re li Qaawa' li xkolb'aleb' rix li xyu'am.

Éxodo 30:15 ပူးပေါင်းရင်းမြစ်များ

Números 31:50

Joꞌcan nak xkacꞌam chak li cꞌaꞌak re ru aꞌin re nak takaqꞌue li kamayej re li Ka̱cuaꞌ. Xkacꞌam li cꞌaꞌru yi̱banbil riqꞌuin oro, joꞌ li nequeꞌxqꞌue saꞌ xcux rukꞌ, li matkꞌab, ut li caꞌxic, joꞌ eb ajcuiꞌ li kꞌol. Takakꞌaxtesi re li Ka̱cuaꞌ re xtojbal rix li kayuꞌam, chanqueb.

Efesios 6:9

Joꞌcan ajcuiꞌ la̱ex patrón, joꞌ nak laj cꞌanjel nacꞌanjelac chi anchal xchꞌo̱l che̱ru, joꞌcan ajcuiꞌ nak la̱ex te̱taklaheb saꞌ xya̱lal. Canabomak xtaklanquileb saꞌ joskꞌil. Nequenau nak la̱ex cuan e̱patrón saꞌ choxa joꞌ ajcuiꞌ eb aꞌan. Li patrón, aꞌan li Ka̱cuaꞌ Dios ut aꞌan moco jun ta sa ta̱ril ut jun ta xicꞌ ta̱ril.

Li xHu LAJ JOB 34:19

Li Dios incꞌaꞌ naxsicꞌ ruheb li ani tixra. Juntakꞌe̱t ban narileb li rey ut eb li biom joꞌ ajcuiꞌ eb li nebaꞌ. ¿Ma ma̱cuaꞌ ta biꞌ aꞌan li quiyoꞌobtesin reheb chixjunileb?

Levítico 17:11

Li quicꞌ, aꞌan xyuꞌam ut xmetzꞌe̱u li tibelej. La̱in xinye nak te̱mayeja li quicꞌ chiru li artal re xtojbal rix le̱ ma̱c. Riqꞌuin quicꞌ te̱toj rix le̱ ma̱c xban nak li quicꞌ, aꞌan li natojoc rix le̱ yuꞌam.

Éxodo 30:12

—Nak ta̱cuajlaheb laj Israel chi xjunju̱nkaleb teꞌmayejak chicuu re xcolbal rix lix yuꞌameb re nak incꞌaꞌ teꞌca̱mk.

Colosenses 3:25

Li ani tixba̱nu li incꞌaꞌ us tixcꞌul xtojbal xma̱c aꞌ yal cꞌaꞌru lix ma̱c xban nak li Dios incꞌaꞌ naxsicꞌ ru ani tixqꞌue chixtojbal xma̱c.

Proverbios 22:2

Li biom ut li nebaꞌ juntakꞌe̱teb xban nak li Dios quiyi̱ban reheb.

2 Samuel 21:3

Laj David quixye reheb: —¿Chanru naru tinba̱nu usilal e̱re re xtojbal rix li incꞌaꞌ us quixba̱nu laj Saúl? La̱in nacuaj nak te̱tzꞌa̱ma chiru li Dios nak torosobtesi cuiꞌchic, la̱o lix tenamit li Dios, chan.

Éxodo 30:14

Chixjunileb li ac queꞌxba̱nu junmay chihab teꞌxqꞌue li mayej aꞌin chicuu.

Éxodo 30:16

Ut la̱at ta̱xoc li plata li teꞌxqꞌue laj Israel re xcolbal rix lix yuꞌameb. Ut ta̱kꞌaxtesi re li cꞌanjel li ta̱uxma̱nk saꞌ li tabernáculo. Li mayej aꞌan ta̱jultica̱nk re chicuu nak eb li ralal xcꞌajol laj Israel queꞌxtoj rix lix yuꞌameb.

Éxodo 38:26

Chixjunileb li cuanqueb junmay chihab reheb, aꞌan cuanqueb cuakib ciento riqꞌuin oxib mil riqꞌuin o̱b ciento riqꞌuin laje̱b roxcꞌa̱l (603,550). Li junju̱nk chi cristian queꞌxqꞌue o̱b roxcꞌa̱l (45) libra li plata joꞌ nequeꞌbisoc saꞌ li tabernáculo.

Ezequiel 45:16

Tento nak chixjunileb laj Israel teꞌxcꞌam lix mayej ut teꞌxkꞌaxtesi re li rey li nataklan saꞌ xbe̱neb.