Éxodo 30:13 - Li Santil hu

¹³ Chixjunileb li ac xeꞌajla̱c teꞌxqꞌue caꞌchꞌin ma̱ media onza li plata chokꞌ xmayejeb. Aꞌan li xqꞌuial lix mayejeb teꞌxqꞌue cue la̱in li Ka̱cuaꞌ joꞌ nequeꞌbisoc saꞌ li tabernáculo.

Q'eqchi Bible

¹³ A'an a'in li tento tixk'e li junjunq li wank sa' ajl: waqib' oons chi plaat (jo' neke'b'isok sa' li Loq'laj Na'ajej, naraj naxye junmay chi ób'olo li junjunq chi tumin); waqib' oons chi plaat li tento taak'eemanq re li Qaawa'.

Éxodo 30:13 ပူးပေါင်းရင်းမြစ်များ

Levítico 27:25

Chixjunil lix tzꞌak li cꞌaꞌak re ru ta̱qꞌuehekꞌ aꞌ yal chanru li bisleb li nacꞌanjelac saꞌ li tabernáculo.

Números 3:47

Joꞌcan nak ta̱tojekꞌ o̱b chi tumin plata joꞌ li bisleb li cuan saꞌ li tabernáculo re̱kaj li junju̱nk xcomoneb li cuib ciento riqꞌuin oxlaju xca̱cꞌa̱l.

Ezequiel 45:12

Junmay geras, aꞌan jun siclo. Jun siclo, aꞌan junlaju gramos. Oxcꞌa̱l siclos, aꞌan jun mina.

San Mateo 17:24

Ut nak queꞌcuulac Capernaum li Jesús rochbeneb lix tzolom, queꞌchal riqꞌuin laj Pedro li nequeꞌtitzꞌoc toj re li rochoch li Dios ut queꞌxye re: —¿Ma natojoc laj tzolol e̱re?—

Éxodo 38:26

Chixjunileb li cuanqueb junmay chihab reheb, aꞌan cuanqueb cuakib ciento riqꞌuin oxib mil riqꞌuin o̱b ciento riqꞌuin laje̱b roxcꞌa̱l (603,550). Li junju̱nk chi cristian queꞌxqꞌue o̱b roxcꞌa̱l (45) libra li plata joꞌ nequeꞌbisoc saꞌ li tabernáculo.

San Mateo 27:24

Ut laj Pilato quiril nak incꞌaꞌ qui-el chi us li quiraj xba̱nunquil ut quixqꞌue retal nak kꞌaxal cuiꞌchic nak queꞌpoꞌ xchꞌo̱l li tenamit. Tojoꞌnak quixtakla xcꞌambal lix haꞌ re xchꞌajbal li rukꞌ chiruheb li tenamit ut quixye: —Ma̱cꞌaꞌ inma̱c la̱in riqꞌuin xcamic li cui̱nk aꞌin li ma̱cꞌaꞌ xma̱c. La̱ex chic yal e̱re saꞌ xbe̱n, chan.

San Mateo 21:12

Ut chirix chic aꞌan li Jesús qui-oc saꞌ li rochoch li Dios ut quixyolesiheb li yo̱queb chi cꞌayi̱nc ut li yo̱queb chi lokꞌoc. Quixbalkꞌusi lix me̱xeb laj jalol ru tumin ut quixbalkꞌusi ajcuiꞌ lix temeb li yo̱queb chi cꞌayi̱nc paloma.

Génesis 23:15

—Ka̱cuaꞌ Abraham, abi li cꞌaꞌru tinye a̱cue. Lix tzꞌak li chꞌochꞌ aꞌan ca̱hib ciento bisoc chi plata. ¿Cꞌaꞌ ta ru aj e nak tinpatzꞌ li tumin a̱cue? Muk chak la̱ camenak, chan.

Éxodo 30:14

Chixjunileb li ac queꞌxba̱nu junmay chihab teꞌxqꞌue li mayej aꞌin chicuu.

Éxodo 38:24

Chixjunil li oro li quicꞌanjelac re li tabernáculo, aꞌan mayejanbil xbaneb laj Israel. Lix qꞌuial li oro li queꞌxqꞌue, aꞌan cuib mil libra riqꞌuin jun ciento riqꞌuin oꞌlaju roꞌcꞌa̱l libra (2,195) joꞌ nequeꞌbisoc cuiꞌ saꞌ li tabernáculo.

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Levítico 27:3

Cui li quiyechiꞌi̱c, aꞌan cui̱nk li ac xba̱nu junmay chihab toj ta̱cuulak oxcꞌa̱l chihab (60) tento xtojbal laje̱b roxcꞌa̱l (50) chi tumin plata joꞌ xbisbal li tumin re lix tabernáculo li Ka̱cuaꞌ.

Números 7:67

Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk.

Números 7:86

Li cablaju chi cuchara oro nujenak riqꞌuin incienso numenak ca̱hib onzas ra̱lal li junju̱nk. Lix bisbaleb aꞌan joꞌ li bisleb cuan saꞌ li tabernáculo. Chixjunileb li cuchara yi̱banbil riqꞌuin oro numenak oxib libra ra̱laleb.

2 Reyes 12:4

Saꞌ jun li cutan laj Joás quixye reheb laj tij: —Te̱xoc ut te̱chꞌutub ru chixjunil li tumin li naqꞌueman saꞌ lix templo li Ka̱cuaꞌ, joꞌ ajcuiꞌ li joꞌ qꞌuial li tento teꞌxtoj li junju̱nk joꞌ ajcuiꞌ li na-ala saꞌ xchꞌo̱leb xqꞌuebal.

Números 18:16

Nak ac xba̱nu jun po tento teꞌxtoj rix. Lix tzꞌak, aꞌan o̱b chi tumin plata, joꞌ nequeꞌbisoc saꞌ li tabernáculo.

2 Reyes 12:5

Li junju̱nk chi aj tij ta̱cꞌuluk re li tumin li naqꞌueman. Ut li tumin aꞌan ta̱cꞌanjelak re xyi̱banquil chi us li templo bar yi̱ba̱c naraj.—