Éxodo 30:12 - Li Santil hu

¹² —Nak ta̱cuajlaheb laj Israel chi xjunju̱nkaleb teꞌmayejak chicuu re xcolbal rix lix yuꞌameb re nak incꞌaꞌ teꞌca̱mk.

Q'eqchi Bible

¹² “Naq taawajlaheb' laj Israel re xnawb'al jo'k'ihaleb', tento naq li junjunq tixtoj re li Qaawa' li xkolb'al rix li xyu'am, naq taak'ehe'q sa' ajl, re naq maak'a'aq rahilal sa' xb'eeneb' sa' li rajlankileb'.

Éxodo 30:12 ပူးပေါင်းရင်းမြစ်များ

Números 31:50

Joꞌcan nak xkacꞌam chak li cꞌaꞌak re ru aꞌin re nak takaqꞌue li kamayej re li Ka̱cuaꞌ. Xkacꞌam li cꞌaꞌru yi̱banbil riqꞌuin oro, joꞌ li nequeꞌxqꞌue saꞌ xcux rukꞌ, li matkꞌab, ut li caꞌxic, joꞌ eb ajcuiꞌ li kꞌol. Takakꞌaxtesi re li Ka̱cuaꞌ re xtojbal rix li kayuꞌam, chanqueb.

1 Crónicas 27:24

Laj Joab lix yum lix Sarvia quixtiquib rajlanquileb, abanan incꞌaꞌ quixchoy. Quichal xjoskꞌil li Dios xban nak queꞌrajlaheb laj Israel. Joꞌcan nak incꞌaꞌ quitzꞌi̱ba̱c retalil lix qꞌuialeb laj Israel saꞌ li hu li quitzꞌi̱ba̱c cuiꞌ retalil li quilajxba̱nu li rey David.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

Salmos 49:7

Usta nabal cꞌaꞌru reheb, abanan ma̱ ani naru nacoleꞌ riqꞌuin li cꞌaꞌru cuan re xban nak ma̱ ani naru naxlokꞌ lix yuꞌam riqꞌuin li Dios.

1 Timoteo 2:6

Ut aꞌan ajcuiꞌ li quixqꞌue rib chi ca̱mc saꞌ kacꞌabaꞌ la̱o re nak ta̱ru̱k tocolekꞌ chikajunilo. Ut nak quicuulac xkꞌehil, li Cristo quixcꞌutbesi chiku lix ya̱lal aꞌin nak quicam chiru li cruz.

San Marcos 10:45

La̱in li Cꞌajolbej. Abanan incꞌaꞌ xinchal re nak teꞌcꞌanjelak chicuu. Xinchal ban re nak tincꞌanjelak chiruheb chixjunileb ut chixqꞌuebal lin yuꞌam re xtojbal rix lix ma̱queb, chan li Jesús reheb.

Li xHu LAJ JOB 36:18

Ba̱nu cue̱nt. Ma̱qꞌue a̱cuib chixbalakꞌi li biomal ut ma̱qꞌue a̱cuib re nak teꞌxtumina a̱cuu.

Li xHu LAJ JOB 33:24

Tixye raj re li cui̱nk, “Li Dios xril xtokꞌoba̱l a̱cuu. Aꞌan xcoloc a̱cue chiru li ca̱mc. Ac xtau ani ta̱tojok rix la̱ ma̱c.”

2 Crónicas 24:6

Joꞌcan nak li rey Joás quixbok laj Joiada li xbe̱nil aj tij ut quixye re: —¿Cꞌaꞌut nak incꞌaꞌ xataklaheb laj levita chixxocbal chak li tumin riqꞌuineb laj Judá ut laj Jerusalén re xyi̱banquil li tabernáculo li xocxo cuiꞌ li contrato joꞌ quixye laj Moisés reheb li tenamit?—

1 Crónicas 21:14

Joꞌcan nak li Ka̱cuaꞌ quixtakla li caki yajel saꞌ xbe̱neb laj Israel ut queꞌcam laje̱b xca̱cꞌa̱l mil (70,000) chi cui̱nk.

1 Crónicas 21:12

Ta̱sicꞌ ru li raylal li ta̱cuaj la̱at. ¿Ma ta̱cuaj oxib chihab li cueꞌej saꞌ la̱ tenamit? ¿Malaj ut ta̱cuaj nak teꞌnumta̱k saꞌ a̱be̱n li xicꞌ nequeꞌiloc a̱cue chiru oxib po? ¿Malaj ut ta̱cuaj nak tixqꞌue chak li caki yajel li Ka̱cuaꞌ chiru oxib cutan nak lix ángel li Ka̱cuaꞌ tolxcamsiheb li tenamit saꞌ chixjunil li naꞌajej Israel? Cꞌoxla chi us cꞌaꞌru ta̱cuaj ut ye cue cꞌaꞌru tinye re li ani xtaklan chak cue, chan laj Gad.

Éxodo 30:11

Ut li Ka̱cuaꞌ quixye ajcuiꞌ re laj Moisés:

Números 31:49

Ut queꞌxye re: —Eb li nequeꞌcꞌanjelac cha̱cuu queꞌrajlaheb li kasolda̱d. Ut tzꞌakaleb nak queꞌsukꞌi. Ma̱ jun quisach chak.

1 Crónicas 21:1

Laj tza quiraj xtaklanquil li raylal saꞌ xbe̱neb laj Israel. Joꞌcan nak quixqꞌue saꞌ xchꞌo̱l laj David rajlanquileb chixjunileb laj Israel.

1 Crónicas 21:3

Ut laj Joab quixye re: —At rey, aꞌ taxak li Dios chiqꞌuehok reheb chi ta̱mc chi nabal eb laj Israel. ¿Ma ma̱cuaꞌ ta biꞌ rubel a̱cuanquil cuanqueb chixjunileb? ¿Cꞌaꞌut nak nasahoꞌ saꞌ a̱chꞌo̱l chirajlanquileb? ¿Cꞌaꞌut nak ta̱qꞌueheb chi ma̱cobc eb laj Israel? chan.

2 Crónicas 24:9

Ut queꞌxtakla resil reheb chixjunileb li cuanqueb Judá ut Jerusalén nak teꞌxcꞌam chak lix mayej ut teꞌxqꞌue re li Ka̱cuaꞌ joꞌ quixye laj Moisés laj cꞌanjel chiru li Dios reheb laj Israel nak cuanqueb saꞌ li chaki chꞌochꞌ.