Éxodo 30:1 - Li Santil hu

¹ Ut te̱yi̱b ajcuiꞌ jun li artal riqꞌuin li cheꞌ acacia re te̱cꞌat cuiꞌ li incienso.

Q'eqchi Bible

¹ “Taayiib' ajwi' jun li artal taak'atmanq wi' li ensens. Taayiib' rik'in akasya:

Éxodo 30:1 ပူးပေါင်းရင်းမြစ်များ

Apocalipsis 8:3

Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.

Levítico 4:7

Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li nacꞌateꞌ cuiꞌ li sununquil pom chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal re li cꞌatbil mayej li cuan saꞌ li oqueba̱l re li tabernáculo.

Éxodo 40:5

Li artal oro, li re cꞌatoc pom, te̱qꞌue chiru li tꞌicr li naramoc re li Lokꞌlaj Ca̱x. Ut te̱tzꞌap li oqueba̱l re li tabernáculo riqꞌuin junak nimla tꞌicr.

2 Crónicas 26:16

Abanan nak quiniman chi us lix cuanquil laj Uzías, quixnimobresi rib xjunes rib. Ut xban aꞌan quixqꞌue rib saꞌ raylal. Quixkꞌet li ra̱tin li Ka̱cuaꞌ lix Dios ut qui-oc saꞌ lix templo li Ka̱cuaꞌ re nak tixcꞌat li pom saꞌ xbe̱n li artal li nacꞌatman cuiꞌ li pom.

1 Reyes 6:20

Li Lokꞌlaj Santil Naꞌajej queꞌxyi̱b chak toj chi saꞌ li templo. Bele̱b metro xnajtil xteram, bele̱b metro xnajtil rok ut bele̱b metro xnajtil ru. Ut chi saꞌ queꞌxletz li tzꞌakal oro ut queꞌxletz ajcuiꞌ li tzꞌakal oro chiru li artal li yi̱banbil riqꞌuin li cheꞌ chacalteꞌ.

Levítico 4:18

Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li cuan chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal li nacꞌatman cuiꞌ li mayej li cuan saꞌ li oqueba̱l re li tabernáculo.

Éxodo 30:10

Li artal aꞌin kꞌaxtesinbilak chi junaj cua chicuu nak laj Aarón tixqꞌue caꞌchꞌinak lix quiqꞌuel li xul li ta̱mayeja̱k re xtzꞌa̱manquil xcuybal xma̱queb laj Israel chiru li xucub li cuan saꞌ xca̱ xucu̱til li artal. Aꞌan tixba̱nu jun sut chiru li chihab. Joꞌcan ajcuiꞌ teꞌxba̱nu rajlal chihab li ralal xcꞌajol li teꞌcua̱nk mokon re xsantobresinquil li artal.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Éxodo 30:2

Te̱yi̱b chi ca̱ xucu̱t. O̱b roxcꞌa̱l (45) centímetro li ru ut o̱b roxcꞌa̱l (45) centímetro li rok ut laje̱b roꞌcꞌa̱l (90) centímetro li xteram. Junaj ru li artal rochben li xucub nak te̱yi̱b.

Éxodo 35:15

Teꞌxyi̱b li artal li teꞌxcꞌat cuiꞌ li incienso joꞌ ajcuiꞌ li cheꞌ re xpakonquil. Teꞌxyi̱b li aceite li teꞌxqꞌue saꞌ xbe̱neb li teꞌkꞌaxtesi̱k chi cꞌanjelac chicuu ut teꞌxyi̱b ajcuiꞌ li sununquil incienso ut li tꞌicr li ta̱qꞌuehekꞌ chiru li oqueba̱l re li tabernáculo.

Números 3:31

Saꞌ xcue̱nteb aꞌan kꞌaxtesinbil li Lokꞌlaj Ca̱x, li me̱x, lix naꞌaj li candil, eb li artal, ut li cꞌaꞌak re ru li nacꞌanjelac saꞌ li tabernáculo, joꞌ ajcuiꞌ li nimla tꞌicr li naramoc re li Lokꞌlaj Santil Naꞌajej, ut chixjunil li nacꞌanjelac saꞌ li Santil Naꞌajej.

1 Reyes 6:22

Laj Salomón quixtakla xletzbal li tzꞌakal oro saꞌ chixjunil li templo. Naticla takꞌa ut nacuulac toj takecꞌ. Joꞌcan ajcuiꞌ li artal li cuan chi saꞌ li Lokꞌlaj Santil Naꞌajej. Queꞌxletz li tzꞌakal oro chiru.

1 Reyes 7:48

Li rey Salomón quixtakla xyi̱banquileb riqꞌuin oro chixjunil li quicꞌanjelac saꞌ lix templo li Ka̱cuaꞌ. Quixyi̱b jun li artal riqꞌuin oro, ut jun li me̱x yi̱banbil riqꞌuin oro li nequeꞌxqꞌue cuiꞌ li mayejanbil caxlan cua.

1 Crónicas 6:49

Laj Aarón ut eb li ralal xcꞌajol queꞌxcꞌat li incienso ut queꞌxcꞌat ajcuiꞌ li mayej saꞌ xbe̱n li artal li quicꞌateꞌ cuiꞌ li cꞌatbil mayej. Aꞌaneb li queꞌcꞌanjelac saꞌ li Lokꞌlaj Santil Naꞌajej. Queꞌxqꞌue li mayej re xtzꞌa̱manquil xcuybal xma̱queb laj Israel chiru li Ka̱cuaꞌ. Queꞌxba̱nu chixjunil joꞌ chanru quiyeheꞌ re laj Moisés xban li Ka̱cuaꞌ.

1 Crónicas 28:18

Quixqꞌue ajcuiꞌ re li cha̱bil oro li ta̱cꞌanjelak re xyi̱banquil li artal li ta̱cꞌanjelak re xcꞌatbal li incienso, ut quixqꞌue ajcuiꞌ re li oro li ta̱cꞌanjelak re xyi̱banquil lix carre̱t li querubines li teꞌxjel xxiqꞌueb saꞌ xbe̱n li Lokꞌlaj Ca̱x, li xocxo̱k cuiꞌ lix contrato li Dios.

Ezequiel 41:22

Li artal aꞌan yi̱banbil riqꞌuin tzꞌalam cheꞌ. Jun metro riqꞌuin media xteram. Li ru ut li rok, aꞌan jun metro. Lix xuc, li rok ut li ru yi̱banbil riqꞌuin cheꞌ. Ut li cui̱nk quixye cue: —Li artal aꞌin, aꞌan li me̱x li cuan chiru li Ka̱cuaꞌ, chan.

Éxodo 31:8

Teꞌxyi̱b li me̱x joꞌ ajcuiꞌ li secꞌ li ta̱cꞌanjelak saꞌ li me̱x. Teꞌxyi̱b li candelero riqꞌuin tzꞌakal oro joꞌ ajcuiꞌ li ta̱cꞌanjelak re xyi̱banquil lix mechil. Ut teꞌxyi̱b li artal li teꞌxcꞌat cuiꞌ li incienso.

Éxodo 39:38

Queꞌxkꞌaxtesi li artal li yi̱banbil riqꞌuin oro, joꞌ ajcuiꞌ li aceite li naqꞌueman saꞌ xbe̱n li teꞌkꞌaxtesi̱k chi cꞌanjelac chiru li Ka̱cuaꞌ, joꞌ ajcuiꞌ li sununquil incienso, joꞌ ajcuiꞌ li tꞌicr li teꞌxqꞌue saꞌ li oqueba̱l.

Números 4:11

Teꞌxqꞌue jun li raxi tꞌicr saꞌ xbe̱n li artal li yi̱banbil riqꞌuin oro ut teꞌxlan saꞌ rix li tzꞌiꞌ haꞌ. Ut teꞌxqꞌue li cheꞌ saꞌ xnaꞌaj li nequeꞌxpako cuiꞌ.