Éxodo 3:2 - Li Santil hu

² Aran quixcꞌutbesi rib lix ángel li Ka̱cuaꞌ Dios chiru laj Moisés saꞌ rakꞌ li xam saꞌ li jun to̱n chi qꞌuix. Laj Moisés quiril nak yo̱ xxamlel ut incꞌaꞌ na-osoꞌ li qꞌuix.

Q'eqchi Bible

² Aran li x'ánjel li Qaawa' kixk'ut rib' chiru kama' raq'xam, sa' xyi jun toon chi k'ix: laj Moisés ki'ilok ut kixk'e reetal naq li k'ix yo xxamlel, ab'anan ink'a' na'oso'k.

Éxodo 3:2 ပူးပေါင်းရင်းမြစ်များ

Isaías 43:2

Nak texnumekꞌ saꞌ li palau, la̱in cua̱nkin e̱riqꞌuin re e̱colbal. Nak texnumekꞌ saꞌ li nimaꞌ, incꞌaꞌ texcꞌam li rok li haꞌ. Cui texnumekꞌ saꞌ li xam incꞌaꞌ texcꞌatk, chi moco li rakꞌ xam ta̱cꞌatok e̱re.

San Marcos 12:26

Ut chirix lix cuaclijiqueb li camenak chi yoꞌyo, ¿ma incꞌaꞌ e̱rilom saꞌ lix hu laj Moisés li cꞌaꞌru quiyeheꞌ re xban li Dios nak quia̱tinac chak saꞌ li qꞌuix li yo̱ chi cꞌatc? Quixye chi joꞌcaꞌin, “La̱in lix Dios laj Abraham, lix Dios laj Isaac ut lix Dios laj Jacob”, chan li Dios.

Deuteronomio 33:16

Nujenak taxak lix naꞌajeb riqꞌuin li cha̱bil echej. Osobtesinbilak taxak lix chꞌochꞌeb xban li Ka̱cuaꞌ, li quia̱tinac chak saꞌ li qꞌuix li yo̱ xxamlel. Cheꞌxcꞌul taxak chixjunil li usilal aꞌin eb li ralal xcꞌajol laj José xban nak laj José, aꞌan li nim xcuanquil saꞌ xbe̱neb li ras.

San Lucas 20:37

La̱ex nequeye nak incꞌaꞌ teꞌcuacli̱k cuiꞌchic chi yoꞌyo li camenak. Abanan laj Moisés quixcꞌutbesi ajcuiꞌ chak junxil nak eb li camenak teꞌcuacli̱k cuiꞌchic chi yoꞌyo. Tzꞌi̱banbil retalil saꞌ li Santil Hu li quixye nak yo̱ chi cꞌatc li qꞌuix. Quixye nak li Dios, aꞌan lix Dios laj Abraham, lix Dios laj Isaac, ut lix Dios laj Jacob.

Salmos 66:12

Xaqꞌueheb chi numta̱c saꞌ kabe̱n li xicꞌ nequeꞌiloc ke. Chanchan xonumeꞌ saꞌ xam ut chanchan xonumeꞌ saꞌ li butꞌi haꞌ. Abanan xoa̱col ut xoa̱qꞌue chi oc saꞌ li cha̱bil naꞌajej.

Malaquías 3:1

Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Éxodo 3:16

Li Dios quixye cuiꞌchic re laj Moisés: —Ayu ut ta̱chꞌutubeb li cui̱nk li nequeꞌcꞌamoc be saꞌ xya̱nkeb laj Israel. Ut ta̱ye reheb, “Li nimajcual Dios li queꞌxlokꞌoni laj Abraham, laj Isaac ut laj Jacob, aꞌan xcꞌutbesi rib chicuu. Joꞌcaꞌin quixye cue: Xexcuil ut ninnau chixjunil li cꞌaꞌru yo̱quex chixcꞌulbal arin Egipto.

Daniel 3:27

Ut chixjunileb li cuanqueb xcuanquil, li gobernador, ut chixjunileb li nequeꞌcꞌanjelac chiru li rey, queꞌxchꞌutub ribeb chirilbal li oxib chi cui̱nk li incꞌaꞌ queꞌcꞌat saꞌ li xam. Incꞌaꞌ quicꞌat li rismaleb, chi moco quicꞌat li rakꞌeb, chi moco cuan xbo̱c li sib chirixeb.

Génesis 48:16

Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

Génesis 21:17

Li Dios quirabi nak yo̱ chi ya̱bac li al. Lix ángel li Dios quia̱tinac chak toj saꞌ choxa riqꞌuin lix Agar ut quixye re: —¿Cꞌaꞌut nak ra saꞌ a̱chꞌo̱l? Matxucuac. Li Dios ac xrabi xya̱b xcux la̱ yum li bar cuan cuiꞌ.

Génesis 22:11

Tojoꞌnak jun lix ángel li Ka̱cuaꞌ Dios quia̱tinac chak saꞌ choxa ut quixye re laj Abraham: —¡Abraham! ¡Abraham!— Ut laj Abraham quichakꞌoc ut quixye re: —Arin cuanquin, chan.

Éxodo 19:18

Ut quikꞌojyi̱noꞌ saꞌ li tzu̱l Sinaí xban li sib xban nak li Ka̱cuaꞌ Dios quicuulac aran riqꞌuin xam. Li sib nakꞌujujnac joꞌ xsibel junak nimla horno. Ut li tzu̱l yo̱ chi ecꞌa̱nc saꞌ xnaꞌaj.

Éxodo 23:20

Li Dios quixye: —La̱in tintakla lin ángel chi cꞌamoc be che̱ru. Aꞌan ta̱ilok e̱re toj retal texcuulak saꞌ li naꞌajej li ac xincꞌu̱b chokꞌ e̱re.

Éxodo 24:17

Chiruheb laj Israel quicꞌutun li xlokꞌal li Dios saꞌ xbe̱n li tzu̱l. Chanchan jun nimla xam yo̱ xcꞌatbal chixjunil nak queꞌril.

Jueces 13:13

Lix ángel li Dios quixye re: —Tento nak la̱ cuixakil tixba̱nu chi tzꞌakal re ru chixjunil li xinye re.