Éxodo 3:18 - Li Santil hu

¹⁸ Eb aꞌan teꞌrabi la̱ cua̱tin. La̱at ut eb li cui̱nk li nequeꞌcꞌamoc be saꞌ xya̱nkeb laj Israel texxic riqꞌuin lix reyeb laj Egipto ut te̱ye re, “Li nimajcual Dios li nequeꞌxlokꞌoni laj hebreo, aꞌan quixcꞌutbesi rib chiku. Choa̱canab chi xic saꞌ li chaki chꞌochꞌ oxib cutan chi be. Aran tomayejak chiru li Ka̱cuaꞌ Dios”, chaꞌkex re.

Q'eqchi Bible

¹⁸ Eb' a'an te'rab'i laawaatin ut laa'at tatxik aawochb'eeneb' li xcheekelaleb' laj Israel rik'in li awab'ej re Ejiipt, toxeeye re: «Li Qaawa', li xYoseb' laj Hebreo, xk'ut rib' chiqu. Naqatz'aama b'i' usilal naq choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos», cha'qex.

Éxodo 3:18 ပူးပေါင်းရင်းမြစ်များ

Éxodo 9:1

Tojoꞌnak li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón ut ta̱ye re, “Joꞌcaꞌin quixye li Ka̱cuaꞌ Dios, lix Dioseb aj hebreo: Xcanabakeb chi xic lin tenamit re nak tineꞌxlokꞌoni.

Éxodo 7:16

Ut ta̱ye re, “Li Ka̱cuaꞌ Dios lix Dioseb laj hebreo, xtaklan chak cue a̱cuiqꞌuin. Joꞌ aꞌin xye a̱cue: Xcanabakeb chi xic lin tenamit re nak eb aꞌan tineꞌxlokꞌoni saꞌ li chaki chꞌochꞌ. Chalen anakcuan incꞌaꞌ nacacuaj xba̱nunquil li cꞌaꞌru nacuaj chan li Dios a̱cue.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Éxodo 9:13

Tojoꞌnak li Ka̱cuaꞌ Dios quixye re laj Moisés: —Cuulaj tatcuacli̱k ekꞌela ut tatxic riqꞌuin laj faraón. Ta̱ye re, “Joꞌcaꞌin xye a̱cue li Ka̱cuaꞌ Dios, lix Dioseb laj hebreo: Canabeb chi xic lin tenamit re nak tineꞌxlokꞌoni.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

2 Crónicas 30:12

Ut li Ka̱cuaꞌ quitenkꞌan reheb li cuanqueb Judá re nak junaj lix chꞌo̱leb chixba̱nunquil li cꞌaꞌru queꞌxye li rey ut eb li nequeꞌtenkꞌan re joꞌ quixye li ra̱tin li Ka̱cuaꞌ.

Josué 1:17

Junelic takaba̱nu li cꞌaꞌru ta̱ye ke joꞌ nak kaba̱nu li cꞌaꞌru coxtakla cuiꞌ laj Moisés. Ut chicua̱nk taxak li Dios a̱cuiqꞌuin joꞌ nak quicuan riqꞌuin laj Moisés.

Números 17:4

Ta̱qꞌueheb li xukꞌ saꞌ li tabernáculo chiru li Lokꞌlaj Ca̱x li cuan cuiꞌ li contrato li ninhilan cuiꞌ la̱in.

Éxodo 30:6

Saꞌ li xbe̱n tasal li tabernáculo saꞌ li Santil Naꞌajej te̱qꞌue li artal chiru li tas yi̱banbil riqꞌuin tꞌicr, li naramoc re li Lokꞌlaj Ca̱x li xocbil cuiꞌ li chakꞌrab. Saꞌ li naꞌajej aꞌan tincua̱nk e̱riqꞌuin.

Éxodo 25:22

Ut aran saꞌ xbe̱n li Lokꞌlaj Ca̱x saꞌ xyi li cuib chi querubines li cuanqueb saꞌ xbe̱n lix tzꞌapbal re, la̱in tincua̱nk saꞌ musikꞌej. Aran tina̱tinak a̱cuiqꞌuin ut tinqꞌue a̱cue li chakꞌrab li ta̱qꞌue reheb li ralal xcꞌajol laj Israel.

Éxodo 19:1

Saꞌ li xbe̱n cutan re li rox po reliqueb saꞌ li tenamit Egipto nak queꞌcuulac laj Israel saꞌ li chaki chꞌochꞌ Sinaí xcꞌabaꞌ.

Éxodo 4:31

Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Éxodo 4:24

Saꞌ li be naxic Egipto yo̱queb chixnumsinquil li kꞌojyi̱n saꞌ jun cab nak coxtauhekꞌ laj Moisés xban li Ka̱cuaꞌ Dios. Quicamsi̱c raj aran xban li Ka̱cuaꞌ Dios.

Éxodo 3:16

Li Dios quixye cuiꞌchic re laj Moisés: —Ayu ut ta̱chꞌutubeb li cui̱nk li nequeꞌcꞌamoc be saꞌ xya̱nkeb laj Israel. Ut ta̱ye reheb, “Li nimajcual Dios li queꞌxlokꞌoni laj Abraham, laj Isaac ut laj Jacob, aꞌan xcꞌutbesi rib chicuu. Joꞌcaꞌin quixye cue: Xexcuil ut ninnau chixjunil li cꞌaꞌru yo̱quex chixcꞌulbal arin Egipto.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

Génesis 48:3

Ut laj Jacob quia̱tinac riqꞌuin laj José ut quixye re: —Li Ka̱cuaꞌ Dios li kꞌaxal nim xcuanquil, quicuulac cuiqꞌuin saꞌ li naꞌajej Luz, li cuan Canaán. Ut aran li Ka̱cuaꞌ Dios quinrosobtesi.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Génesis 12:1

Li Ka̱cuaꞌ Dios quixye re laj Abram: —Tat-e̱lk saꞌ li naꞌajej aꞌin. Ta̱canabeb la̱ cuechꞌalal ut ta̱canab ajcuiꞌ rochoch la̱ yucuaꞌ. Ut tatxic saꞌ li naꞌajej li tincꞌut cha̱cuu la̱in, chan.

Jeremías 26:5

Cui incꞌaꞌ te̱rabi li cꞌaꞌru nequeꞌxye li profetas li nequeꞌcꞌanjelac chicuu, li quintakla e̱riqꞌuin rajlal ut incꞌaꞌ nequex-abin chiruheb,

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Isaías 64:5

La̱at nacattenkꞌan reheb li nequeꞌxba̱nu li us chi anchaleb xchꞌo̱l ut junelic cuan saꞌ xchꞌo̱leb li cꞌaꞌru nacacuaj la̱at. Abanan xban nak junelic yo̱co chi ma̱cobc cha̱cuu, joꞌcan nak xatjoskꞌoꞌ kiqꞌuin. ¿Ma naru ta biꞌ nak tocolekꞌ xban li ma̱c xkaba̱nu?

Éxodo 30:36

Ta̱queꞌ chi kꞌun yijachak ut ta̱qꞌue chiru li Lokꞌlaj Ca̱x, li cuan saꞌ li tabernáculo li tincua̱nk cuiꞌ e̱riqꞌuin. Li incienso aꞌin, aꞌan kꞌaxal lokꞌak che̱ru.

Génesis 14:13

Abanan quie̱lelic jun li cui̱nk chiruheb aꞌan. Li cui̱nk aꞌan quicuulac riqꞌuin laj Abram laj hebreo ut quixye re li cꞌaꞌru quicꞌulman. Laj Abram cuan saꞌ li naꞌajej li ji ru. Eb li cheꞌ ji, aꞌan re laj Mamre. Laj Mamre, aꞌan xcomoneb laj amorreo. Aꞌan ras laj Escol joꞌ ajcuiꞌ laj Aner. Eb aꞌan rami̱gueb rib riqꞌuin laj Abram.

Éxodo 4:1

Tojoꞌnak laj Moisés quichakꞌoc ut quixye: —Eb laj Israel incꞌaꞌ tineꞌxpa̱b ut incꞌaꞌ teꞌraj rabinquil li cꞌaꞌru tinye. Eb aꞌan teꞌxye cue, “Li Ka̱cuaꞌ Dios incꞌaꞌ xcꞌutbesi rib cha̱cuu,” chaꞌkeb.—

Éxodo 5:1

Chirix nak queꞌa̱tinac riqꞌuineb laj Israel, laj Moisés ut laj Aarón queꞌco̱eb riqꞌuin laj faraón ut queꞌxye re: —Li nimajcual Dios, li nequeꞌxlokꞌoni laj Israel, xye chi joꞌcaꞌin, “Canabeb chi xic lin tenamit saꞌ li chaki chꞌochꞌ re nak aran teꞌninkꞌei̱k re xqꞌuebal inlokꞌal,” chan li Ka̱cuaꞌ Dios.—

Éxodo 5:3

Eb aꞌan queꞌxye re: —Li nimajcual Dios, li nakalokꞌoni la̱o aj hebreo, xcꞌutbesi rib chiku. Ba̱nu usilal, toa̱canab chi xic saꞌ li chaki chꞌochꞌ oxib cutan chi be. Ut aran tomayejak chiru li nimajcual Dios li nakalokꞌoni la̱o re nak incꞌaꞌ ta̱cha̱lk li rax ca̱mc saꞌ kabe̱n ut re ajcuiꞌ nak incꞌaꞌ tocamsi̱k riqꞌuin chꞌi̱chꞌ, chanqueb.

Éxodo 8:1

Tojoꞌnak li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón ut ta̱ye re, “Joꞌcaꞌin xye li Ka̱cuaꞌ Dios: Xcanabakeb chi xic lin tenamit re nak tineꞌxlokꞌoni.

Éxodo 8:20

Tojoꞌnak li Ka̱cuaꞌ Dios quixye re laj Moisés: —Ekꞌela tatcuacli̱k cuulaj ut tatxic chire li nimaꞌ. Aran ta̱cuoybeni laj faraón nak ta̱cuulak. Ta̱ye re, “Joꞌcaꞌin xye li Ka̱cuaꞌ Dios a̱cue: Canabeb chi xic lin tenamit re nak tineꞌxlokꞌoni.

Éxodo 17:5

Ut li Ka̱cuaꞌ Dios quixye re laj Moisés: —Ayu. Numen chiruheb li tenamit. Cꞌameb cha̱cuix li cui̱nk li nequeꞌcꞌamoc be saꞌ xya̱nkeb. Ut ta̱cꞌam la̱ xukꞌ saꞌ a̱cuukꞌ li xataksi saꞌ xbe̱n li nimaꞌ Nilo xcꞌabaꞌ.

Éxodo 4:23

Xinye a̱cue nak ta̱canabeb chi xic eb laj Israel re nak teꞌcꞌanjelak chicuu. Cui incꞌaꞌ nacacanabeb chi xic, la̱in tincamsi li xbe̱n a̱cualal, chaꞌkat re laj faraón,” chan li Dios re laj Moisés.

Éxodo 8:23

Sicꞌbil ru inban lin tenamit. Jalan tinba̱nu re lin tenamit la̱in chiru la̱ tenamit la̱at. Cuulaj ta̱ba̱numa̱nk li xinye a̱cue”, chan li Ka̱cuaꞌ Dios.