Éxodo 3:15 - Li Santil hu

¹⁵ Li Dios quixye cuiꞌchic re laj Moisés: —Joꞌcaꞌin ta̱ye reheb laj Israel, “Li nimajcual Dios xtaklan chak cue. Aꞌan li Dios li queꞌxlokꞌoni eb le̱ xeꞌto̱nil yucuaꞌ laj Abraham, laj Isaac ut laj Jacob.” Nimajcual Dios incꞌabaꞌ ut aꞌan tincꞌabaꞌin chi junelic kꞌe cutan.—

Q'eqchi Bible

¹⁵ Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

Éxodo 3:15 ပူးပေါင်းရင်းမြစ်များ

Hebreos 13:8

Li Jesucristo incꞌaꞌ najala chi moco najala lix naꞌleb. Ac aꞌan ajcuiꞌ chak chalen najter kꞌe cutan, aꞌan anakcuan ut aꞌanak chi junelic.

Malaquías 3:6

—La̱in li Ka̱cuaꞌ. Incꞌaꞌ ninjala. Joꞌcan nak toj ma̱jiꞌ ninsach e̱ru, la̱ex li ralal xcꞌajol laj Jacob.

Oseas 12:5

Li Ka̱cuaꞌ lix Dioseb li qꞌuila okꞌob chi ángel, aꞌan li qui-osobtesin re laj Jacob. Ka̱cuaꞌ Dios xcꞌabaꞌ.

Miqueas 4:5

Usta chixjunileb li tenamit yo̱keb chixlokꞌoninquil lix yi̱banbil dios, abanan la̱o takalokꞌoni li Ka̱cuaꞌ li kaDios ut takaba̱nu li cꞌaꞌru naraj aꞌan chi junelic kꞌe cutan.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Salmos 102:12

Abanan la̱at cua̱nkat chi junelic, at Ka̱cuaꞌ, ut ta̱yema̱nk a̱cuesilal yalak bar chi junelic kꞌe cutan.

Salmos 135:13

At nimajcual Dios, junelic ta̱qꞌuehekꞌ a̱lokꞌal xban nak la̱at li tzꞌakal Dios. Chalen anakcuan ut chi junelic kꞌe cutan ta̱julticokꞌ reheb li tenamit nak la̱at li Dios.

Hechos 7:32

“La̱in li Ka̱cuaꞌ Dios li queꞌxlokꞌoni chak la̱ xeꞌto̱nil yucuaꞌ. La̱in li Dios li queꞌxlokꞌoni chak laj Abraham, laj Isaac, ut laj Jacob,” chan. Ut laj Moisés nasicsot xban xxiu ut incꞌaꞌ chic quixcuy rilbal.

Deuteronomio 1:11

Aꞌ taxak li Ka̱cuaꞌ, lix Dioseb li kaxeꞌto̱nil yucuaꞌ, ta̱qꞌuehok e̱re chi ta̱mc chi nabal chiru anakcuan ut texrosobtesi chi nabal joꞌ quixyechiꞌi xba̱nunquil ke.

Éxodo 4:5

Ut li Dios quixye re: —Ba̱nu chi joꞌcan chiruheb laj Israel re nak eb aꞌan teꞌxpa̱b nak la̱in lix Dios lix xeꞌto̱nil yucuaꞌeb laj Abraham, laj Isaac ut laj Jacob. La̱in xincꞌutbesi cuib cha̱cuu.—

Isaías 63:12

¿Ma ma̱cuaꞌ ta biꞌ li Dios quitenkꞌan re laj Moisés chixba̱nunquil li sachba chꞌo̱lej riqꞌuin xnimal xcuanquil? ¿Ma ma̱cuaꞌ ta biꞌ li Dios li quijachoc ru li palau chiruheb li ralal xcꞌajol re nak ta̱qꞌuehekꞌ xlokꞌal chi junelic?

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

2 Crónicas 28:9

Saꞌ li tenamit Samaria cuan jun lix profeta li Dios, aj Obed xcꞌabaꞌ. Qui-el chixcꞌulbaleb li soldado aj Israel nak oqueb re saꞌ li tenamit. Li profeta quixye reheb: —Li Ka̱cuaꞌ lix Dioseb le̱ xeꞌto̱nil yucuaꞌ quijoskꞌoꞌ riqꞌuineb laj Judá. Joꞌcan nak quixkꞌaxtesiheb saꞌ e̱rukꞌ la̱ex. Abanan li Ka̱cuaꞌ toj saꞌ choxa quixqꞌue chak retal nak xecamsiheb chi yo̱ e̱joskꞌil.

San Mateo 22:32

“La̱in lix Dios laj Abraham, lix Dios aj Isaac, ut lix Dios laj Jacob.” Li Dios, aꞌan ma̱cuaꞌ xDioseb li camenakeb; xDioseb ban li yoꞌyo̱queb, chan li Jesús. (Joꞌcan nak li Dios quixcꞌut nak cuan xcuaclijiqueb chi yoꞌyo li camenak.)

Deuteronomio 4:1

Laj Moisés quixye reheb: —Anakcuan ut ex aj Israel, cherabihak li chakꞌrab ut li tijleb li yo̱quin chixyebal e̱re. Cheba̱nuhak li cꞌaꞌru naxye li chakꞌrab re nak ta̱cua̱nk le̱ yuꞌam ut tex-oc saꞌ li naꞌajej li tixqꞌue e̱re li Ka̱cuaꞌ lix Dioseb li kaxeꞌto̱nil yucuaꞌ.

Deuteronomio 1:35

“Ma̱ jun e̱re la̱ex li incꞌaꞌ us le̱ naꞌleb te̱ril li cha̱bil naꞌajej li quinyechiꞌi riqꞌuin juramento reheb le̱ xeꞌto̱nil yucuaꞌ.

Hechos 3:13

Li Dios li queꞌxlokꞌoni chak laj Abraham, laj Isaac ut laj Jacob joꞌqueb ajcuiꞌ li kaxeꞌto̱nil yucuaꞌ, aꞌan quiqꞌuehoc xcuanquil li Jesucristo laj cꞌanjel chiru. Ut la̱ex quekꞌaxtesi aꞌan re laj Pilato. Ut nak laj Pilato quiraj raj rachꞌabanquil, la̱ex incꞌaꞌ queraj.

Hebreos 11:16

Aban queꞌroybeni jun naꞌajej kꞌaxal cha̱bil, aꞌ li santil choxa. Joꞌcan nak li Dios incꞌaꞌ naxuta̱nac chixyebal nak aꞌan lix Dioseb xban nak quixcꞌu̱b jun li naꞌajej chokꞌ reheb.

Génesis 24:12

Li mo̱s quitijoc ut quixye re li Dios: —At Ka̱cuaꞌ, la̱at li Dios li naxlokꞌoni laj Abraham lin patrón. Tintzꞌa̱ma cha̱cuu nak china̱tenkꞌa anakcuan. Chacuuxta̱na taxak ru lin patrón.

Éxodo 3:13

Laj Moisés quixye re li Dios: —Nak tincuulak riqꞌuineb laj Israel, tinye reheb nak lix Dios lix xeꞌto̱nil yucuaꞌeb xtaklan cue. Ut eb aꞌan teꞌxpatzꞌ cue, “¿Ani xcꞌabaꞌ li Dios aꞌan?” Ut, ¿cꞌaꞌru tinye reheb? chan laj Moisés.

Éxodo 4:1

Tojoꞌnak laj Moisés quichakꞌoc ut quixye: —Eb laj Israel incꞌaꞌ tineꞌxpa̱b ut incꞌaꞌ teꞌraj rabinquil li cꞌaꞌru tinye. Eb aꞌan teꞌxye cue, “Li Ka̱cuaꞌ Dios incꞌaꞌ xcꞌutbesi rib cha̱cuu,” chaꞌkeb.—

Éxodo 6:2

Li Dios quixye ajcuiꞌ re laj Moisés, —La̱in li nimajcual Dios.

Éxodo 15:2

Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Éxodo 15:3

Li Dios numtajenak xcuanquil saꞌ xbe̱neb li xicꞌ nequeꞌiloc ke. Ka̱cuaꞌ Dios xcꞌabaꞌ.

Levítico 24:11

Li cui̱nk, lix yum li ixk aj Israel, quixhob ut quixmajecua xcꞌabaꞌ li Ka̱cuaꞌ. Joꞌcan nak quicꞌameꞌ riqꞌuin laj Moisés. Lix naꞌ Selomit xcꞌabaꞌ. Aꞌan lix rabin laj Dibri xcomoneb li ralal xcꞌajol laj Dan.

Salmos 30:4

La̱ex li ti̱c e̱chꞌo̱l, chexbicha̱nk re xlokꞌoninquil li Ka̱cuaꞌ. Chexbantioxi̱nk riqꞌuin li usilal li quixba̱nu.

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Isaías 26:8

At Ka̱cuaꞌ, yo̱co chixba̱nunquil joꞌ nacacuaj la̱at re xqꞌuebal xlokꞌal la̱ cꞌabaꞌ. Li cꞌaꞌru nakaj, aꞌan oybeni̱nc a̱cuiqꞌuin ut li kacꞌaꞌux cua̱nk a̱cuiqꞌuin.

Isaías 42:8

La̱in li Ka̱cuaꞌ. “Nimajcual Dios” incꞌabaꞌ. La̱in incꞌaꞌ nacuaj te̱qꞌue lin lokꞌal re jalan chic, chi moco naru te̱lokꞌoni li yi̱banbil dios xban nak caꞌaj cuiꞌ la̱in li tzꞌakal Dios.

Jeremías 33:2

Li Ka̱cuaꞌ li quiyi̱ban re li ruchichꞌochꞌ ut quixxakab saꞌ xnaꞌaj, li nimajcual Dios xcꞌabaꞌ, quixye re laj Jeremías:

Daniel 2:23

At inDios, la̱at lix Dioseb lin xeꞌto̱nil yucuaꞌ. Ninbantioxin cha̱cuu ut nacatinlokꞌoni xban nak xaqꞌue innaꞌleb ut xaqꞌue incacuilal. Xacꞌutbesi chicuu li xintzꞌa̱ma cha̱cuu. Anakcuan xacꞌutbesi chicuu cꞌaꞌru lix matcꞌ li rey ut cꞌaꞌru lix ya̱lal, chan laj Daniel re li Dios.

1 Crónicas 16:16

Jultic re nak quixba̱nu li contrato riqꞌuin laj Abraham. Ut jultic ajcuiꞌ re nak quixba̱nu li contrato aꞌan riqꞌuin laj Isaac.

1 Crónicas 29:18

At nimajcual Dios, la̱at lix Dioseb laj Abraham, laj Isaac, ut laj Israel li kaxeꞌto̱nil yucuaꞌ. Chatenkꞌaheb la̱ tenamit re nak junelic taxak cua̱nk saꞌ xchꞌo̱leb li naꞌleb aꞌin ut ti̱cakeb xchꞌo̱l cha̱cuu.

Salmos 30:5

At Ka̱cuaꞌ, junpa̱t ajcuiꞌ nacatjoskꞌoꞌ. Abanan la̱ cha̱bilal nacuan chi junelic. Ma̱re tinya̱bak chiru li kꞌojyi̱n xban xrahil saꞌ inchꞌo̱l. Abanan joꞌ cuulajak chic sahak chic saꞌ inchꞌo̱l.

Salmos 68:5

Li Dios, aꞌan nacuan junelic saꞌ lix santil ochoch. Aꞌan xyucuaꞌeb li ma̱cꞌaꞌeb xnaꞌ xyucuaꞌeb ut aꞌan ajcuiꞌ na-iloc reheb li xma̱lcaꞌan.

Salmos 102:13

At Ka̱cuaꞌ, la̱at ta̱cuil xtokꞌoba̱l ku. Ta̱cuosobtesi cuiꞌchic la̱ tenamit Sión. Ac xcuulac xkꞌehil nak ta̱tenkꞌa cuiꞌchic.

Oseas 12:6

Joꞌcan nak la̱ex ralal xcꞌajol laj Jacob, chexsukꞌi̱k riqꞌuin li Ka̱cuaꞌ. Chexcua̱nk saꞌ ti̱quilal ut chex-uxta̱na̱nk u. Ut cauhak taxak e̱chꞌo̱l riqꞌuin li Dios.