Éxodo 3:10 - Li Santil hu

¹⁰ Abi li cꞌaꞌru tinye a̱cue anakcuan. La̱in tatintakla riqꞌuin laj faraón re nak ta̱cuisiheb chak lin tenamit Egipto, chan li Dios.

Q'eqchi Bible

¹⁰ Jo'kan b'i', ayu; laa'in tatintaqla rik'in laj Parahón re naq taawisiheb' chaq Ejiipt lintenamit Israel”.

Éxodo 3:10 ပူးပေါင်းရင်းမြစ်များ

Miqueas 6:4

La̱in quin-isin chak e̱re saꞌ li naꞌajej Egipto ut la̱in quincoloc e̱re nak cuanquex chak chokꞌ rahobtesinbil mo̱s. Ut quintaklaheb chokꞌ aj cꞌamol be che̱ru laj Moisés, laj Aarón, ut lix María.

Salmos 105:26

Li Dios quixtakla aran Egipto laj Moisés aj cꞌanjel chiru. Ut quixtakla ajcuiꞌ laj Aarón li quixsicꞌ ru.

1 Samuel 12:6

Laj Samuel quixye reheb li tenamit: —Li Ka̱cuaꞌ, aꞌan li quixakaban reheb laj Moisés ut laj Aarón chirisinquileb le̱ xeꞌto̱nil yucuaꞌ saꞌ li naꞌajej Egipto.

Hechos 7:34

Relic chi ya̱l la̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Ut yo̱quin ajcuiꞌ chirabinquil nak yo̱queb xkꞌokonquil ribeb xban li raylal. Joꞌcan nak xinchal chixcolbaleb saꞌ rukꞌeb laj Egipto. Abi li tinye a̱cue. Tatintakla Egipto,” chan li Ka̱cuaꞌ re laj Moisés.

Salmos 77:20

La̱at caberesiheb la̱ tenamit joꞌ nak nequeꞌberesi̱c li carner. Ut caqꞌueheb laj Moisés ut laj Aarón chi cꞌamoc be chiruheb.

Hechos 7:36

Laj Moisés, aꞌan li qui-isin reheb Egipto. Nabal li milagro ut li sachba chꞌo̱lej quixba̱nu aran Egipto ut saꞌ li Caki Palau. Chiru caꞌcꞌa̱l chihab quicꞌamoc be chiruheb saꞌ li chaki chꞌochꞌ.

Oseas 12:13

Li Ka̱cuaꞌ riqꞌuin profeta quirisiheb chak laj Israel aran Egipto. Ut riqꞌuin profeta, quixberesiheb.

Hechos 7:6

Aꞌan aꞌin li quixye li Dios re laj Abraham: “Eb la̱ cualal a̱cꞌajol teꞌcua̱nk saꞌ jalan tenamit ma̱cuaꞌ xtenamiteb. Ut saꞌ li tenamit aꞌan teꞌcua̱nk chokꞌ rahobtesinbil mo̱s ut xicꞌ teꞌilekꞌ chiru ca̱hib ciento chihab.

Hechos 7:7

Ut la̱in tinrakok a̱tin saꞌ xbe̱n li tenamit aꞌan li teꞌrahobtesi̱nk reheb la̱ cualal a̱cꞌajol. Ut nak teꞌe̱lk saꞌ li tenamit aꞌan teꞌcꞌanjelak chicuu saꞌ li naꞌajej aꞌin,” chan li Dios.

Génesis 15:13

Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

Génesis 15:14

Li Dios quixye: —La̱in tinrakok a̱tin saꞌ xbe̱neb li yo̱keb chi rahobtesi̱nc re la̱ cualal a̱cꞌajol. Mokon chic nak la̱ cualal a̱cꞌajol teꞌe̱lk chak aran, teꞌxcꞌam chak lix biomaleb chirixeb.

Éxodo 6:26

Aꞌ laj Aarón ut laj Moisés aꞌaneb li queꞌa̱tina̱c xban li Ka̱cuaꞌ Dios ut quixye reheb nak teꞌrisiheb laj Israel saꞌ li tenamit Egipto chi tzoltzo.

Éxodo 12:40

Eb laj Israel ca̱hib ciento riqꞌuin laje̱b xcaꞌcꞌa̱l (430) chihab queꞌcuan saꞌ li tenamit Egipto.

Éxodo 12:41

Tzꞌakal ca̱hib ciento riqꞌuin laje̱b xcaꞌcꞌa̱l (430) chihab nak queꞌel chixjunileb li ralal xcꞌajol li Dios saꞌ li tenamit Egipto.

Éxodo 33:12

Laj Moisés quixye re li Dios: —La̱at xaye cue nak tincꞌamok be chiruheb li cristian, aban incꞌaꞌ xaye cue ani ta̱ochbeni̱nk cue. Ut xaye cue nak sicꞌbil cuu a̱ban. Xaye ajcuiꞌ cue nak xincꞌam cuib saꞌ usilal cha̱cuu.

Éxodo 33:13

Cui la̱in xincꞌam cuib saꞌ usilal cha̱cuu, ba̱nu usilal ye cue chi tzꞌakal li cꞌaꞌru ta̱cuaj la̱at re nak tinnau chi tzꞌakal cꞌaꞌru ta̱cuaj ut tincꞌam cuib saꞌ usilal cha̱cuu. Ba̱nu usilal julticak ajcuiꞌ a̱cue nak a̱cue li tenamit aꞌin, chan.

1 Samuel 12:8

Nak queꞌco̱eb Egipto laj Jacob ut eb li ralal xcꞌajol, queꞌrahobtesi̱c. Eb le̱ xeꞌto̱nil yucuaꞌ queꞌxya̱ba xcꞌabaꞌ li Ka̱cuaꞌ. Ut aꞌan quixtaklaheb laj Moisés ut laj Aarón chixtenkꞌanquileb. Eb aꞌan queꞌcꞌamoc be chiruheb le̱ xeꞌto̱nil yucuaꞌ nak queꞌel chak Egipto ut aꞌaneb li queꞌcꞌamoc chak reheb chi cua̱nc saꞌ li naꞌajej aꞌin.

Jueces 6:14

Ut li Ka̱cuaꞌ quiril laj Gedeón ut quixye re: —Ayu ut ta̱coleb laj Israel riqꞌuin la̱ metzꞌe̱u chiruheb laj Madián. ¿Ma ma̱cuaꞌ ta biꞌ la̱in yo̱quin chi takla̱nc a̱cue? chan.