Éxodo 29:9 - Li Santil hu

⁹ Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

Q'eqchi Bible

⁹ taab'ak' chi kaw li xk'aamal xsa'eb' laj Aharón ut eb' li ralal, ut taak'e xlanb'al xjolomeb'. Rehaqeb' a'an li k'anjelak cho'q aj tij: a'an xchaq'rab' li Qaawa' chi junelik. Jo'ka'in naq taaxaqab'eb' xwankil laj Aharón ut eb' li ralal xk'ajol.

Éxodo 29:9 ပူးပေါင်းရင်းမြစ်များ

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Deuteronomio 18:5

Teꞌxcꞌul aꞌin xban nak li Ka̱cuaꞌ le̱ Dios quixsicꞌ ruheb rochbeneb li ralal xcꞌajol saꞌ xya̱nkeb chixjunileb laj Israel re nak teꞌcꞌanjelak chiru chi junelic kꞌe cutan.

Números 25:13

Xakabanbileb chi cꞌanjelac chokꞌ aj tij laj Finees joꞌ eb ajcuiꞌ li ralal xcꞌajol chalen anakcuan ut chi junelic xban nak laj Finees incꞌaꞌ quiraj nak teꞌxqꞌue xlokꞌal li yi̱banbil dios. Quiraj ban nak caꞌaj cuiꞌ la̱in tineꞌxlokꞌoni. Riqꞌuin li cꞌaꞌru quixba̱nu quixtoj rix lix ma̱queb li tenamit, chan li Dios.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Números 16:35

Ut li Ka̱cuaꞌ quixtakla li xam ut quixcꞌateb li cuib ciento riqꞌuin laje̱b roxcꞌa̱l (250) chi cui̱nk li queꞌcꞌatoc re li pom.

Números 16:10

Li Dios quixakaban e̱re joꞌ eb ajcuiꞌ chixjunileb le̱ rech aj levita chi cꞌanjelac chiru. Abanan la̱ex toj te̱raj texcꞌanjelak chokꞌ aj tij.

Números 3:10

Ta̱xakabeb laj Aarón ut eb li ralal chi cꞌanjelac chokꞌ aj tij. Ut li jalan teꞌnachꞌok riqꞌuin li tabernáculo teꞌca̱mk.—

Levítico 8:33

Incꞌaꞌ naru tex-e̱lk chiru li oqueba̱l re li tabernáculo. Texcana̱k ban aran chiru cuukub cutan. Nak ac xnumeꞌ cuukub cutan e̱kꞌaxtesinquil chiru li Ka̱cuaꞌ, naru tex-e̱lk.

Éxodo 40:15

Ta̱yul ajcuiꞌ li aceite saꞌ xjolomeb joꞌ xaba̱nu re laj Aarón lix yucuaꞌeb. Aꞌan retalil nak eb aꞌan teꞌcꞌanjelak ajcuiꞌ chicuu chokꞌ aj tij. Ut aꞌan ajcuiꞌ li retalil nak mokon chic eb li ralal xcꞌajol joꞌ eb ajcuiꞌ li ri xmam teꞌcꞌanjelak chicuu chokꞌ aj tij chalen kꞌe cutan, chan li Dios re laj Moisés.

Hebreos 5:10

Li Dios quixxakab li Jesucristo chokꞌ xyucuaꞌil aj tij joꞌ nak quicuan laj Melquisedec.

Éxodo 32:29

Laj Moisés quixye reheb laj Leví: —Saꞌ li cutan aꞌin xakabanbilex chi cꞌanjelac chiru li Ka̱cuaꞌ Dios chokꞌ aj tij. Li Dios texrosobtesi saꞌ li cutan aꞌin xban nak xeba̱nu li cꞌaꞌru quixye. Xecamsi li queꞌkꞌetoc re li ra̱tin li Dios usta e̱ras, usta e̱ri̱tzꞌin, usta le̱ ralal e̱cꞌajol, chan.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

Levítico 8:1

Li Dios quia̱tinac riqꞌuin laj Moisés ut quixye re:

Levítico 8:13

Chirix aꞌan quixcꞌameb li ralal laj Aarón chi ubej. Ut quixqꞌue li rakꞌeb chirixeb li najt rok li nequeꞌxqꞌue toj chi saꞌ. Ut quixqꞌue lix cꞌa̱mal xsaꞌeb. Ut quixbacꞌ ajcuiꞌ li tꞌicr saꞌ xjolomeb, joꞌ quiyeheꞌ re xban li Ka̱cuaꞌ.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Jueces 17:5

Saꞌ li rochoch laj Micaía quicuan jun li naꞌajej re xlokꞌoninquil lix dioseb. Quixyi̱b jun li efod ut quixyi̱beb ajcuiꞌ lix dios. Ut quixxakab jun li ralal chi cꞌanjelac chokꞌ aj tij chiruheb li yi̱banbil dios.