Éxodo 29:7 - Li Santil hu

⁷ Ut ta̱chap li aceite ut ta̱qꞌue saꞌ xjolom laj Aarón retalil nak yo̱cat chixxakabanquil chokꞌ aj tij.

Q'eqchi Bible

⁷ Toja' naq taachap li aseeyt re osob'tesink, taahoy sa' xb'een xjolom ut taayul.

Éxodo 29:7 ပူးပေါင်းရင်းမြစ်များ

Números 35:25

Tento nak eb li tenamit teꞌxcol rix li xcamsi ras ri̱tzꞌin chiru li rechꞌalal li camenak. Ut teꞌxsukꞌisi cuiꞌchic saꞌ li tenamit li quixcol cuiꞌ rib. Ut aran ta̱cana̱k toj nak ta̱ca̱mk lix yucuaꞌileb laj tij, li quiqꞌueheꞌ aceite saꞌ xjolom.

Levítico 21:10

Lix yucuaꞌil eb laj tij, aꞌan quiqꞌueheꞌ li aceite saꞌ xjolom. Ut aꞌan kꞌaxtesinbil chirocsinquil li rakꞌeb laj tij. Joꞌcan nak incꞌaꞌ ta̱risi li tꞌicr li bacꞌbo saꞌ jolom ut incꞌaꞌ tixpej li rakꞌ xban xrahil xchꞌo̱l.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Salmos 133:2

Chanchan li sununquil aceite li quiqꞌueheꞌ saꞌ xjolom laj Aarón. Nahoyeꞌ chiru lix mach, ut natꞌaneꞌ ajcuiꞌ chiru li rakꞌ.

Salmos 89:20

Xinsicꞌ ru laj David laj cꞌanjel chicuu ut xinqꞌue li aceite saꞌ xjolom retalil nak la̱in xinxakaban re chokꞌ rey.

Levítico 10:7

Ut la̱ex texcana̱k arin saꞌ li oqueba̱l re li tabernáculo. Cui tex-e̱lk, texca̱mk xban nak la̱ex sicꞌbil e̱ru xban li Ka̱cuaꞌ Dios nak quiqꞌueheꞌ li aceite saꞌ e̱jolom, chan. Ut queꞌxba̱nu joꞌ queꞌyeheꞌ re xban laj Moisés.

Éxodo 28:41

Ta̱qꞌue li rakꞌ chirix laj Aarón la̱ cuas joꞌqueb ajcuiꞌ li ralal. Ut ta̱qꞌue li aceite saꞌ xjolomeb re xxakabanquileb chokꞌ aj tij. Ta̱kꞌaxtesiheb chicuu re nak santobresinbilakeb re teꞌcꞌanjelak chicuu.

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

Levítico 21:12

Chi moco ta̱e̱lk saꞌ li tabernáculo, chi moco tixmux ru, xban nak aꞌan sicꞌbil ru chi cꞌanjelac chicuu la̱in li Ka̱cuaꞌ lix Dios ut qꞌuebil li aceite saꞌ xjolom. La̱in li Ka̱cuaꞌ xinyehoc re aꞌin.

Zacarías 4:14

Ut li ángel quichakꞌoc ut quixye cue: —Li cuib chi rukꞌ cheꞌ olivo, aꞌaneb retalil li cuib li sicꞌbileb ru chi cꞌanjelac chiru li Ka̱cuaꞌ, laj e̱chal re li ruchichꞌochꞌ, chan.

Éxodo 40:13

Ta̱qꞌue li rakꞌ laj Aarón chirix, li sicꞌbil ru inban. Ta̱yul li aceite saꞌ xjolom ut ta̱kꞌaxtesi saꞌ cuukꞌ re nak naru ta̱cꞌanjelak chicuu chokꞌ aj tij.

Levítico 7:35

Chalen saꞌ li cutan nak queꞌxakaba̱c laj Aarón ut eb li ralal chi cꞌanjelac chokꞌ aj tij, li Ka̱cuaꞌ quixye nak eb aꞌan teꞌtzꞌak li tib nak nequeꞌxcꞌat li mayej chiru li Ka̱cuaꞌ.