Éxodo 29:41 - Li Santil hu

⁴¹ Te̱mayeja li xcab carner nak acak oc re li kꞌojyi̱n rochben li cꞌaj ut li vino joꞌ te̱ba̱nu re li mayej ekꞌela. Ut nak yo̱k chi cꞌatc, lix bo̱c aꞌanak jun sununquil mayej ta̱cuulak chicuu.

Q'eqchi Bible

⁴¹ Ut li jun chik ch'ina karneer taamayeja ewu; taamayeja a'an rochb'een xtz'aqob', kama' xab'aanu eq'la, jo'q sununkil b'ook, k'atb'il tzekemq sa' xk'ab'a' li Qaawa',

Éxodo 29:41 ပူးပေါင်းရင်းမြစ်များ

Daniel 9:21

Toj yo̱quin ajcuiꞌ chi tijoc nak quicuil li ángel Gabriel li quixcꞌutbesi rib chicuu junxil saꞌ li visión. Yo̱ chak chi rupupic ut saꞌ a̱nil quicuulac cuiqꞌuin saꞌ x-o̱ril li mayejac li naba̱numan ecuu.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

2 Reyes 16:15

Li rey Acaz quixtakla xyebal re laj Urías laj tij: —Chiru li ekꞌela ta̱cꞌat li mayej saꞌ xbe̱n li nimla artal aꞌin, joꞌ ajcuiꞌ li mayej re ecuu. Ta̱cꞌat lin mayej la̱in joꞌ eb ajcuiꞌ lix mayejeb li cristian ut te̱qꞌue ajcuiꞌ le̱ mayej vino. Ta̱rach saꞌ xbe̱n li artal aꞌin chixjunil lix quiqꞌuel li xul li teꞌmayeja̱k. Abanan li artal yi̱banbil riqꞌuin bronce, ta̱cꞌanjelak chicuu la̱in re tinpatzꞌ cꞌaꞌru us tinba̱nu, chan.

1 Reyes 18:36

Nak quicuulac x-o̱ril xcꞌatbal li mayej, li profeta Elías quixye: —At nimajcual Dios, la̱at lix Dios laj Abraham, laj Isaac ut laj Israel. Chicꞌutu̱nk taxak chiruheb anakcuan nak la̱at li tzꞌakal Dios arin Israel ut nak la̱in laj cꞌanjel cha̱cuu. Ut li cꞌaꞌru yo̱quin chixba̱nunquil anakcuan, la̱at xattaklan cue chixba̱nunquil.

1 Reyes 18:29

Quinumeꞌ li cuaꞌleb ut toj yo̱queb ajcuiꞌ chixjapbal reheb chixya̱banquil lix dioseb toj quicuulac x-o̱ril li mayejac ut ma̱ ani queꞌabin reheb ut ma̱ ani queꞌsumen reheb.

Éxodo 29:40

Te̱mayeja rochben li xbe̱n carner numenak ca̱hib libra li cha̱bil cꞌaj junajinbil riqꞌuin jun litro li aceite oliva. Ut te̱mayeja ajcuiꞌ jun litro li vino.

Éxodo 29:42

Ut chalen anakcuan junelic tatmayejak chicuu la̱at joꞌqueb ajcuiꞌ la̱ cualal a̱cꞌajol. Texmayejak chire li oqueba̱l re li tabernáculo. Ut la̱in tina̱tinak a̱cuiqꞌuin ut tincua̱nk a̱cuiqꞌuin.

Éxodo 12:6

Nak ac xesicꞌ aꞌan, te̱xoc. Saꞌ li ca̱laju xbe li po nak ac namoynac, che̱junilex la̱ex aj Israel te̱camsi li chꞌina carner li sicꞌbil ru e̱ban.

2 Crónicas 2:3

Li rey Salomón quitzꞌi̱bac riqꞌuin laj Hiram lix reyeb laj Tiro ut quixye re: —¿Ma incꞌaꞌ ta̱ru̱k ta̱takla caꞌchꞌinak incheꞌ chacalteꞌ joꞌ caba̱nu riqꞌuin laj David lin yucuaꞌ nak quixyi̱b li rochoch aꞌan?