Éxodo 29:30 - Li Santil hu

³⁰ Ut li ralal laj Aarón, li ta̱oc saꞌ xnaꞌaj aꞌan, tixqꞌue li rakꞌ laj Aarón chirix chiru cuukub cutan nak ta̱oc saꞌ li tabernáculo chi cꞌanjelac saꞌ li Santil Naꞌajej.

Q'eqchi Bible

³⁰ Chiru wuqub' kutan li ralal laj Aharón li taa'ok sa' xna'aj cho'q aj tij, naq taa'ok sa' li xMuheb'aal li ch'utam re k'anjelak sa' li Loq'laj Na'ajej, taaraq'u a'an.

Éxodo 29:30 ပူးပေါင်းရင်းမြစ်များ

Números 20:28

Ut laj Moisés quirisi li rakꞌ laj Aarón ut quixqꞌue chirix laj Eleazar li ralal. Ut laj Aarón quicam aran saꞌ xbe̱n li tzu̱l. Chirix aꞌan, laj Moisés ut laj Eleazar queꞌcube saꞌ li tzu̱l.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

Ezequiel 43:26

Eb laj tij teꞌxmayeja li xul aꞌan re xsantobresinquil li artal. Chi joꞌcaꞌin ta̱kꞌaxtesi̱k li artal chi jun aj cua chi cꞌanjelac re inlokꞌoninquil.

Levítico 13:5

Ut saꞌ li xcuuk li cutan laj tij ta̱ril cuiꞌchic lix ra li yaj. Cui ta̱ril nak incꞌaꞌ yo̱ chi nima̱nc lix ra, li yaj ta̱cana̱k cuukub cutan chic xjunes.

Levítico 9:8

Ut laj Aarón quijiloc riqꞌuin li artal ut quixcamsi li toro toj sa̱j re xtojbal rix lix ma̱c.

Levítico 9:1

Saꞌ lix cuakxak li cutan laj Moisés quixbok laj Aarón ut eb li ralal ut quixbokeb ajcuiꞌ li nequeꞌcꞌamoc be saꞌ xya̱nkeb laj Israel.

Éxodo 29:35

Ba̱nu chi tzꞌakal re ru joꞌ xinye a̱cue nak ta̱xakabeb laj Aarón ut eb li ralal chokꞌ aj tij. Chiru cuukub cutan ta̱ba̱nu li cꞌanjel aꞌin re xxakabanquileb chokꞌ aj tij.

Éxodo 12:15

Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Génesis 8:12

Quiroybeni cuukub cutan chic ut quirachꞌab cuiꞌchic li paloma. Co̱ li paloma ut incꞌaꞌ chic quisukꞌi chak riqꞌuin laj Noé.

Génesis 8:10

Quiroybeni cuukub cutan chic ut quirachꞌab cuiꞌchic li paloma re nak tixnau ma yo̱ chi chakic li haꞌ.

Éxodo 29:29

Li rakꞌ li ta̱qꞌuehekꞌ chirix laj Aarón nak ta̱xakaba̱k chokꞌ aj tij, aꞌan ajcuiꞌ ta̱kꞌaxtesi̱k cuiꞌchic reheb li ralal xcꞌajol re teꞌxqꞌue chirixeb nak teꞌxakaba̱k mokon chokꞌ aj tij chicuu la̱in li Dios.

Éxodo 29:31

Ta̱cꞌam lix tibel li carner li xcꞌanjelac re xkꞌaxtesinquil laj Aarón chokꞌ aj tij ut ta̱chik saꞌ junak ucꞌal ac kꞌaxtesinbil chokꞌ re li mayej.

Levítico 16:32

Laj tij, li xakabanbil chokꞌ xyucuaꞌileb laj tij saꞌ xnaꞌaj lix yucuaꞌ ut qꞌuebil saꞌ xjolom li aceite, aꞌan li ta̱qꞌuehok re li mayej re xtojbal rix lix ma̱queb li tenamit. Aꞌan ta̱rocsi li rakꞌeb laj tij yi̱banbil riqꞌuin lino, li ac kꞌaxtesinbil chiru li Ka̱cuaꞌ Dios.