Éxodo 29:3 - Li Santil hu

³ Te̱qꞌue saꞌ jun li chacach ut te̱cꞌam saꞌ li tabernáculo re te̱mayeja chicuu rochben li chꞌina toro ut li cuib chi carner.

Q'eqchi Bible

³ taak'eheb' sa' jun ch'ina chakach ut tulayeechi'iheb' sa' li ch'ina chakach rochb'een li ch'ina wakax ut chi xkab'ichaleb' li karneer.

Éxodo 29:3 ပူးပေါင်းရင်းမြစ်များ

Números 6:17

Ut tixmayeja li carner re nak li cui̱nk tixcꞌam rib saꞌ usilal riqꞌuin li Ka̱cuaꞌ. Tixmayeja li caxlan cua li ma̱cꞌaꞌ xchꞌamal ut tixmayeja ajcuiꞌ li mayej cꞌaj ut li vino.

Levítico 8:31

Ut laj Moisés quixye re laj Aarón ut reheb li ralal: —Te̱chik li tib aꞌin chiru li oqueba̱l re li tabernáculo. Ut aran ajcuiꞌ te̱tzaca rochben li caxlan cua li cuan saꞌ li chacach, li quiqꞌueheꞌ cuiꞌ li mayejanbil caxlan cua re xkꞌaxtesinquileb laj tij chiru li Ka̱cuaꞌ. Te̱ba̱nu chi joꞌcan xban nak li Ka̱cuaꞌ quixye cue: “Laj Aarón ut eb li ralal teꞌxtzaca li tzacae̱mk aꞌin,” chan.

Levítico 8:26

Ut laj Moisés quixchap li caxlan cua saꞌ li chacach li cuan cuiꞌ li caxlan cua li ma̱cꞌaꞌ xchꞌamal li kꞌaxtesinbil re li Ka̱cuaꞌ. Quixchap jun li caxlan cua ma̱cꞌaꞌ xchꞌamal, ut jun li caxlan cua yi̱banbil riqꞌuin aceite ut jun li caxlan cua jay. Quixqꞌueheb aꞌin saꞌ xbe̱n lix xe̱bul li carner ut li rukꞌ li cuan saꞌ xnim.

Levítico 8:2

—Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Éxodo 29:2

Ut te̱yi̱b li caxlan cua li ma̱cꞌaꞌ xchꞌamal riqꞌuin li cha̱bil cꞌaj re li trigo, ut te̱yi̱b li caxlan cua jun chic li cuan aceite chi saꞌ, ut te̱yi̱b ajcuiꞌ li caxlan cua chi jay ut te̱yul li aceite chiru.

Éxodo 29:4

Chirix aꞌan ta̱cꞌameb laj Aarón rochben li ralal saꞌ li oqueba̱l re li tabernáculo ut ta̱qꞌueheb chi ati̱nc.