Éxodo 28:41 - Li Santil hu

⁴¹ Ta̱qꞌue li rakꞌ chirix laj Aarón la̱ cuas joꞌqueb ajcuiꞌ li ralal. Ut ta̱qꞌue li aceite saꞌ xjolomeb re xxakabanquileb chokꞌ aj tij. Ta̱kꞌaxtesiheb chicuu re nak santobresinbilakeb re teꞌcꞌanjelak chicuu.

Q'eqchi Bible

⁴¹ “Jo'ka'in naq laa'at taatiqib' laj Aharón laawas ut eb' li ralal; taayuleb', taaxaqab'eb' cho'q aj tij ut taaq'axtesiheb' we.

Éxodo 28:41 ပူးပေါင်းရင်းမြစ်များ

Éxodo 29:7

Ut ta̱chap li aceite ut ta̱qꞌue saꞌ xjolom laj Aarón retalil nak yo̱cat chixxakabanquil chokꞌ aj tij.

Levítico 10:7

Ut la̱ex texcana̱k arin saꞌ li oqueba̱l re li tabernáculo. Cui tex-e̱lk, texca̱mk xban nak la̱ex sicꞌbil e̱ru xban li Ka̱cuaꞌ Dios nak quiqꞌueheꞌ li aceite saꞌ e̱jolom, chan. Ut queꞌxba̱nu joꞌ queꞌyeheꞌ re xban laj Moisés.

Éxodo 40:15

Ta̱yul ajcuiꞌ li aceite saꞌ xjolomeb joꞌ xaba̱nu re laj Aarón lix yucuaꞌeb. Aꞌan retalil nak eb aꞌan teꞌcꞌanjelak ajcuiꞌ chicuu chokꞌ aj tij. Ut aꞌan ajcuiꞌ li retalil nak mokon chic eb li ralal xcꞌajol joꞌ eb ajcuiꞌ li ri xmam teꞌcꞌanjelak chicuu chokꞌ aj tij chalen kꞌe cutan, chan li Dios re laj Moisés.

Éxodo 29:9

Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

Hebreos 7:28

Joꞌ tzꞌi̱banbil saꞌ li chakꞌrab najter, eb li xakabanbil chokꞌ xyucuaꞌil aj tij, aꞌan yal cui̱nkeb. Abanan mokon, nak quisacheꞌ xcuanquil li chakꞌrab, li Dios quixxakab riqꞌuin juramento li Ralal chokꞌ xyucuaꞌil aj tij. Riqꞌuin ut aꞌan li Jesucristo tzꞌakal re ru chi cꞌanjelac chi junelic.

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

1 Juan 2:20

Ut la̱ex ac santobresinbilex xban li Santil Musikꞌej li qꞌuebil e̱re xban li Jesucristo, ut nequenau chic lix ya̱lal.

Hebreos 5:4

Lix cꞌanjel li xyucuaꞌil aj tij kꞌaxal lokꞌ, aban ma̱ jun naxyoꞌob xcꞌanjel yal xjunes rib. Eb aꞌan sicꞌbil ruheb xban li Dios. Li Dios naxxakabeb chi cꞌanjelac joꞌ nak quixakaba̱c laj Aarón najter.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

Ezequiel 43:26

Eb laj tij teꞌxmayeja li xul aꞌan re xsantobresinquil li artal. Chi joꞌcaꞌin ta̱kꞌaxtesi̱k li artal chi jun aj cua chi cꞌanjelac re inlokꞌoninquil.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Isaías 10:27

Saꞌ eb li cutan aꞌan tex-isi̱k rubel xcuanquil eb laj Asiria. Incꞌaꞌ chic texrahobtesi̱k xbaneb. Chanchan nak ta̱isi̱k li a̱lal i̱k li cuan saꞌ e̱be̱n. Malaj ut chanchan nak ta̱isi̱k junak yugo saꞌ e̱be̱n. Chanchan nak ta̱tokekꞌ li yugo.

Números 3:3

Aꞌaneb aꞌin lix cꞌabaꞌeb li ralal laj Aarón, li sicꞌbil ruheb chi cꞌanjelac chokꞌ aj tij. Quiqꞌueheꞌ li aceite saꞌ xjolomeb nak queꞌxakaba̱c chi cꞌanjelac chokꞌ aj tij.

Éxodo 29:35

Ba̱nu chi tzꞌakal re ru joꞌ xinye a̱cue nak ta̱xakabeb laj Aarón ut eb li ralal chokꞌ aj tij. Chiru cuukub cutan ta̱ba̱nu li cꞌanjel aꞌin re xxakabanquileb chokꞌ aj tij.

Éxodo 29:24

Li caxlan cua aꞌin ta̱qꞌue saꞌ rukꞌ laj Aarón joꞌ ajcuiꞌ saꞌ rukꞌeb li ralal. Teꞌxtaksi li rukꞌeb re xmayejanquil chicuu.

Éxodo 28:4

Joꞌcaꞌin nak te̱yi̱b li rakꞌeb: li rakꞌ li nim rok li nequeꞌxqꞌue toj chi saꞌ (túnica), ut li rakꞌ jun chic li nequeꞌxqꞌue saꞌ xbe̱n (manto), ut li rakꞌ jun chic li kꞌaxal cha̱bil xyi̱banquil li nequeꞌxqꞌue toj saꞌ xbe̱n (efod). Ut teꞌxyi̱b ajcuiꞌ li tꞌicr li nequeꞌxqꞌue chire xchꞌo̱l (pectoral) joꞌ ajcuiꞌ lix cꞌa̱mal xsaꞌ (cinturón) ut li tꞌicr li nequeꞌxbacꞌ saꞌ xjolom (mitra). Joꞌcan nak yi̱bomak chi cha̱bil li rakꞌ la̱ cuas laj Aarón joꞌ eb ajcuiꞌ li ralal re nak eb aꞌan teꞌcꞌanjelak chicuu chokꞌ aj tij.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Éxodo 40:13

Ta̱qꞌue li rakꞌ laj Aarón chirix, li sicꞌbil ru inban. Ta̱yul li aceite saꞌ xjolom ut ta̱kꞌaxtesi saꞌ cuukꞌ re nak naru ta̱cꞌanjelak chicuu chokꞌ aj tij.

Levítico 16:24

Ut saꞌ ajcuiꞌ li naꞌajej aꞌan ta̱ati̱nk ut tixqꞌue li rakꞌ jun chic chirix. Ut ta̱e̱lk chak saꞌ li Santil Naꞌajej re tixqꞌue lix cꞌatbil mayej re xtojbal rix lix ma̱c aꞌan ut re ajcuiꞌ xtojbal rix lix ma̱queb li tenamit.

Éxodo 30:35

Riqꞌuin aꞌan ta̱yi̱b jun li incienso kꞌaxal cha̱bil ut santo. Ta̱junaji ru chi us. Ta̱yi̱b chi cha̱bil joꞌ nequeꞌxyi̱b li cha̱bil sununquil ban.

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.