Éxodo 28:39 - Li Santil hu

³⁹ Li túnica te̱yi̱b riqꞌuin li cha̱bil nokꞌ lino. Joꞌcan ajcuiꞌ li mitra te̱yi̱b riqꞌuin lino. Ut te̱yi̱b ajcuiꞌ lix bacꞌbal xsaꞌ ut te̱qꞌue xsahob ru cha̱bil xyi̱banquil.

Q'eqchi Bible

³⁹ “Rik'in chaab'il liin taakem li jut-aq'. Rik'in ajwi' chaab'il liin taayiib' li punit, ut li xk'aamal xsa' tento naq pik'b'ilaq rik'in oor.

Éxodo 28:39 ပူးပေါင်းရင်းမြစ်များ

Salmos 45:14

Cꞌajoꞌ xchꞌinaꞌusal li rakꞌ nak yo̱ chi xic saꞌ li palacio. Eb li sa̱j ixk yo̱queb chi ochbeni̱nc re nak yo̱ chi xic riqꞌuin li rey.

Éxodo 26:36

Ut te̱yi̱b jun chic li nimla tꞌicr li ta̱cꞌanjelak chokꞌ xpuertil li tabernáculo. Te̱yi̱b li tꞌicr aꞌan riqꞌuin li nokꞌ azul, púrpura ut cak ut riqꞌuin li bakbil nokꞌ lino. Te̱qꞌue xsahob ru chi cha̱bil xyi̱banquil.

Éxodo 28:4

Joꞌcaꞌin nak te̱yi̱b li rakꞌeb: li rakꞌ li nim rok li nequeꞌxqꞌue toj chi saꞌ (túnica), ut li rakꞌ jun chic li nequeꞌxqꞌue saꞌ xbe̱n (manto), ut li rakꞌ jun chic li kꞌaxal cha̱bil xyi̱banquil li nequeꞌxqꞌue toj saꞌ xbe̱n (efod). Ut teꞌxyi̱b ajcuiꞌ li tꞌicr li nequeꞌxqꞌue chire xchꞌo̱l (pectoral) joꞌ ajcuiꞌ lix cꞌa̱mal xsaꞌ (cinturón) ut li tꞌicr li nequeꞌxbacꞌ saꞌ xjolom (mitra). Joꞌcan nak yi̱bomak chi cha̱bil li rakꞌ la̱ cuas laj Aarón joꞌ eb ajcuiꞌ li ralal re nak eb aꞌan teꞌcꞌanjelak chicuu chokꞌ aj tij.

Éxodo 29:5

Nak acak xeꞌrakeꞌ chi ati̱nc, ta̱qꞌue chirixeb li rakꞌeb li quiyi̱ba̱c chokꞌ reheb. Xbe̱n cua ta̱qꞌue li túnica chirix laj Aarón. Saꞌ xbe̱n li túnica, ta̱qꞌue li rakꞌ rax. Ut saꞌ xbe̱n aꞌan, ta̱qꞌue li efod rochben li pectoral. Ut ta̱qꞌue lix bacꞌbal xsaꞌ.

Éxodo 29:6

Ut ta̱qꞌue li mitra saꞌ xjolom ut chiru li mitra ta̱qꞌue li oro retalil nak aꞌan kꞌaxtesinbil re li Ka̱cuaꞌ.

Éxodo 29:8

Ut ta̱bokeb ajcuiꞌ li ralal laj Aarón ut ta̱qꞌue ajcuiꞌ li rakꞌeb chirixeb aꞌan.

Éxodo 39:27

Joꞌcaꞌin nak queꞌxquem li rakꞌ laj Aarón joꞌqueb ajcuiꞌ li ralal riqꞌuin li cha̱bil nokꞌ lino.

Levítico 6:10

Laj tij tixqꞌue li akꞌej lino chirix. Tixqꞌue lix ta lix cue̱x. Nak ac x-osoꞌ xcꞌatic li mayej, ta̱risi li cha li cuan saꞌ xbe̱n li artal ut tixqꞌue chixcꞌatk li artal.

Levítico 16:4

Tento nak tixqꞌue chirix li rakꞌ lino li kꞌaxtesinbil re li Dios, li narocsi laj tij. Tixqꞌue li rakꞌ li nim rok. Tixqꞌue ajcuiꞌ lix ta lix cue̱x. Tixqꞌue lix cꞌa̱mal xsaꞌ ut tixqꞌue ajcuiꞌ lix tꞌicr xbacꞌbal xjolom. Li tꞌicr aꞌin ac kꞌaxtesinbil re li Dios. Joꞌcan nak ta̱ati̱nk xbe̱n cua, tojoꞌnak tixqꞌue li rakꞌ chirix.

Éxodo 27:16

Ut saꞌ li oqueba̱l re li neba̱l te̱qꞌue bele̱b metro li tꞌicr yi̱banbil riqꞌuin li nokꞌ azul, li nokꞌ púrpura ut li nokꞌ cak ut riqꞌuin li bakbil nokꞌ lino. Cha̱bil xyi̱banquil lix sahob ru te̱qꞌue. Ut te̱yi̱b ca̱hib li okech ut ca̱hib lix naꞌaj li te̱qꞌue cuiꞌ.