Éxodo 28:3 - Li Santil hu

³ Tat-a̱tinak riqꞌuineb chixjunileb laj yi̱bom tꞌicr li xinqꞌueheb xnaꞌleb. Ta̱ye reheb nak teꞌxyi̱b li rakꞌ laj Aarón xban nak aꞌan li te̱kꞌaxtesi chi cꞌanjelac chicuu chokꞌ aj tij.

Q'eqchi Bible

³ Taawaatina chixjunileb' laj k'anjel li xink'eheb' xna'leb': a'aneb' te'yiib'anq re li raq'eb' laj Aharón re naq q'axtesinb'ilaq we cho'q aj tij.

Éxodo 28:3 ပူးပေါင်းရင်းမြစ်များ

Efesios 1:17

Nintijoc chiru li nimajcual Dios, lix yucuaꞌ li Ka̱cuaꞌ Jesucristo, ut nintzꞌa̱ma chiru nak tixqꞌue e̱naꞌleb re nak te̱tau ru chi tzꞌakal lix naꞌleb li Dios ut re nak te̱tau ru lix ya̱lal chi us.

Isaías 11:2

Ut lix musikꞌ li Ka̱cuaꞌ ta̱cua̱nk riqꞌuin chi junelic. Aꞌan ta̱qꞌuehok xnaꞌleb ut xse̱bal xchꞌo̱l. Ut aꞌan ta̱tenkꞌa̱nk re chi qꞌuehoc naꞌleb ut chi takla̱nc. Aꞌan ta̱tenkꞌa̱nk re chixnaubal ru lix ya̱lal ut chixxucuanquil ru li Ka̱cuaꞌ.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Deuteronomio 34:9

Ut laj Josué li ralal laj Nun quiqꞌueheꞌ xnaꞌleb xban nak laj Moisés quixqꞌue li rukꞌ saꞌ xbe̱n retalil nak aꞌan chic ta̱cꞌamok be chiruheb laj Israel. Joꞌcan nak eb laj Israel queꞌabin chiru ut queꞌxba̱nu joꞌ quiyeheꞌ re laj Moisés xban li Ka̱cuaꞌ Dios.

Proverbios 2:6

Li Ka̱cuaꞌ naqꞌuehoc kanaꞌleb ut li ra̱tin naxcutanobresi li kacꞌaꞌux ut nocoxtenkꞌa chixtaubal ru lix ya̱lal.

Éxodo 35:35

Quixqꞌue xnaꞌlebeb chixba̱nunquil chixjunil li cꞌanjel chi cha̱bil ut chi chꞌinaꞌus ut quixqꞌue ajcuiꞌ xnaꞌlebeb re xcꞌoxlanquil chanru teꞌxba̱nu. Nequeꞌxnau xyi̱banquil lix sahob ru li tꞌicr riqꞌuin li nokꞌ azul, li nokꞌ púrpura ut li nokꞌ cak joꞌ ajcuiꞌ li cha̱bil nokꞌ lino. Nequeꞌxnau ajcuiꞌ quemoc ut xcꞌoxlanquil chanru xqꞌuebal lix sahob ru.

Éxodo 35:30

Ut laj Moisés quixye reheb laj Israel: —Qꞌuehomak retal. Li Ka̱cuaꞌ xsicꞌ ru laj Bezaleel saꞌ xya̱nkeb li ralal xcꞌajol laj Judá. Laj Bezaleel, aꞌan li ralal laj Uri. Ut laj Uri, aꞌan li ralal laj Hur.

Éxodo 35:25

Ut chixjunileb li ixk li queꞌxnau quemoc, queꞌxquem li tꞌicr riqꞌuin li nokꞌ azul, li nokꞌ púrpura ut li nokꞌ cak ut li cha̱bil nokꞌ lino ut queꞌxqꞌue chokꞌ xmayejeb.

Éxodo 35:31

Ut li Dios quixqꞌue lix musikꞌ re ut quixqꞌue xnaꞌleb laj Bezaleel re xjolominquil li cꞌanjel aꞌin. Cuan xnaꞌleb ut naxnau xcꞌoxlanquil chanru tixyi̱b chixjunil chi cha̱bil.

Éxodo 36:1

Laj Bezaleel ut laj Aholiab ut chixjunileb li cui̱nk li cuanqueb xnaꞌleb sicꞌbileb ru re teꞌxba̱nu li cꞌanjel aꞌin. Ut li Dios quixqꞌue xnaꞌlebeb chixba̱nunquil chi tzꞌakal re ru joꞌ quixye, chan laj Moisés.

1 Reyes 7:14

Laj Hiram aꞌan xyum jun li ixk xma̱lcaꞌan xcomoneb li ralal xcꞌajol laj Neftalí. Lix yucuaꞌ, aꞌan aj Tiro xtenamit ut naxnau chi us xcꞌanjelanquil li chꞌi̱chꞌ bronce. Joꞌcan ajcuiꞌ laj Hiram. Cuan xnaꞌleb chi us ut se̱b xchꞌo̱l chixcꞌanjelanquil li chꞌi̱chꞌ bronce. Joꞌcan nak laj Hiram quichal riqꞌuin li rey Salomón ut quixba̱nu chixjunil li cꞌanjel li quiqꞌueheꞌ chixba̱nu.

Éxodo 35:10

Cha̱lkeb chixjunileb li cuanqueb xnaꞌleb saꞌ e̱ya̱nk ut xyi̱bakeb li cꞌaꞌak re ru chi cha̱bil xyi̱banquil joꞌ quixye li Ka̱cuaꞌ.

Éxodo 36:2

Joꞌcan nak laj Moisés quixbokeb laj Bezaleel ut laj Aholiab ut chixjunileb li cuanqueb xnaꞌleb chixba̱nunquil chi us li cꞌanjel. Queꞌala saꞌ xchꞌo̱leb oque̱nc saꞌ li cꞌanjel aꞌin, ut li Dios quiqꞌuehoc xnaꞌlebeb re xba̱nunquil.