Éxodo 28:29 - Li Santil hu

²⁹ Chi joꞌcaꞌin tixcꞌam chire xchꞌo̱l laj Aarón li pectoral retalil li ti̱quilal, li tzꞌi̱banbil cuiꞌ lix cꞌabaꞌeb li cablaju xte̱paleb li ralal xcꞌajol laj Israel. Tixcꞌam chire xchꞌo̱l li pectoral rajlal nak ta̱oc saꞌ li Santil Naꞌajej ut laj Aarón junelic tixjultica chiru li Ka̱cuaꞌ eb li ralal xcꞌajol laj Israel.

Q'eqchi Bible

²⁹ Chi jo'kan laj Aharón tixk'am chire xch'ool li xk'ab'a'eb' li ralal xk'ajol laj Israel, chiru li pektoral re li q'ehink, rajlal naq taa'ok sa' li Loq'laj Na'ajej, re xpatz'b'aleb' junelik chiru li Qaawa'.

Éxodo 28:29 ပူးပေါင်းရင်းမြစ်များ

Éxodo 28:12

Te̱letz li pec aꞌan, saꞌ xbe̱n xtel li rakꞌ efod li naxcꞌul cuiꞌ rib li cuib pere̱l retalil li ralal xcꞌajol laj Israel. Chi joꞌcan li pec aꞌan junelic ta̱cua̱nk saꞌ xbe̱n xtel laj Aarón re xjulticanquil chiru li Ka̱cuaꞌ li ralal xcꞌajoleb laj Israel.

Éxodo 28:30

Ut te̱qꞌue li Urim ut li Tumim saꞌ li pectoral re nak cua̱nk chire xchꞌo̱l laj Aarón nak ta̱oc saꞌ li tabernáculo chiru li Ka̱cuaꞌ. Joꞌcan nak laj Aarón junelic tixcꞌam chire xchꞌo̱l li Urim ut li Tumim nak ta̱oc chiru li Ka̱cuaꞌ re nak ta̱ru̱k ta̱tzꞌilok a̱tin chirixeb laj Israel.

Romanos 10:1

Ex inherma̱n, relic chi ya̱l nacuaj nak eb laj Israel teꞌcolekꞌ. Aꞌan li nintzꞌa̱ma junelic chiru li Dios.

Jeremías 30:21

Saꞌ xya̱nkeb ajcuiꞌ aꞌan ta̱e̱lk chak li ta̱cꞌamok be chiruheb. Li ani ta̱takla̱nk saꞌ xbe̱neb la̱in tinsicꞌ ru saꞌ xya̱nkeb. Aꞌan ta̱a̱tinak cuiqꞌuin ut la̱in tincuabi. ¿Ma cuan ta biꞌ junak ta̱ru̱k ta̱a̱tinak cuiqꞌuin cui la̱in incꞌaꞌ tinbok?

Cantares 8:6

Junelic taxak cua̱nkin saꞌ a̱chꞌo̱l. Chanchan taxak tzꞌi̱banbilak lin cꞌabaꞌ chiru la̱ tel. La̱ rahom xnumta saꞌ inbe̱n. Incꞌaꞌ naru nincol cuib chiru. Chanchan li ca̱mc. Li rahoc chanchan jun li nimla xam.

Éxodo 28:15

Ut te̱yi̱b ajcuiꞌ li pectoral li nequeꞌxqꞌue chire xchꞌo̱l retalil li ti̱quilal. Te̱yi̱b chi cha̱bil xyi̱banquil joꞌ nak te̱yi̱b li efod. Yi̱banbilak riqꞌuin oro, ut riqꞌuin li nokꞌ azul, li nokꞌ púrpura ut li nokꞌ cak ut li bakbil nokꞌ lino.

Éxodo 28:28

Ut te̱bacꞌ riqꞌuin jun cꞌa̱m azul saꞌ li argollas re xchapbal li pectoral riqꞌuin li efod re nak li pectoral tixchap rib chi us riqꞌuin li efod ut incꞌaꞌ ta̱ecꞌa̱nk saꞌ xnaꞌaj.