Éxodo 28:20 - Li Santil hu

²⁰ Ut saꞌ li xca̱ tzol te̱qꞌue li cha̱bil pec berilo, ónice ut jaspe. Chixjunileb li pec aꞌin te̱letz chiru li oro.

Q'eqchi Bible

²⁰ ut sa' li xka taawanq jun krisólito, jun ónice ut jun jaspe: chixjunileb' li pek a'in letzb'ilaqeb' rik'in oor.

Éxodo 28:20 ပူးပေါင်းရင်းမြစ်များ

Apocalipsis 21:11

Lix lokꞌal li Dios cuan riqꞌuin. Cꞌajoꞌ xchꞌinaꞌusal. Chanchan jun li terto̱quil pec jaspe. Kꞌaxal xchakꞌal ru ut nalemtzꞌun joꞌ li lem.

Apocalipsis 4:3

Ut li ani chunchu saꞌ li cꞌojariba̱l, cꞌajoꞌ lix lokꞌal. Li riloba̱l chanchan li cha̱bil pec jaspe malaj ut chanchan li cha̱bil pec cornalina li nalemtzꞌun. Ut lix cꞌojariba̱l sutsu riqꞌuin jun li xo̱quikꞌab chanchan li cha̱bil pec esmeralda nak quicuil.

Daniel 10:6

Lix tibel nalemtzꞌun joꞌ jun li terto̱quil pec ut li ru chanchan li rakꞌ ca̱k ut li xnakꞌ ru chanchan li xam. Li rok rukꞌ nalemtzꞌun joꞌ li kꞌan chꞌi̱chꞌ bronce ut nak quia̱tinac, kꞌaxal cau lix ya̱b xcux chanchan qꞌuila tenamit nak quicuabi.

Ezequiel 10:9

Ut quicuil ajcuiꞌ ca̱hib li ruedas. Jun cuan chixcꞌatk li junju̱nk chi querubín. Li ruedas cꞌajoꞌ nak nequeꞌlemtzꞌun chanchan li cha̱bil pec crisólito.

Ezequiel 1:16

Li ca̱hib chi rueda juntakꞌe̱teb xyi̱banquileb. Eb li rueda aꞌan nequeꞌlemtzꞌun chanchan li cha̱bil pec crisólito. Ut eb li ruedas aꞌan quicuil chanchan nak cuan chic jun li rueda chi saꞌ li jun chic.

Éxodo 28:19

Ut saꞌ li rox tzol te̱qꞌue li cha̱bil pec jacinto, ágata ut amatista.

Éxodo 28:21

Tento nak te̱qꞌue cablaju li pec xban nak cablaju xte̱paleb li ralal xcꞌajol laj Israel. Chiru li junju̱nk chi pec aꞌan te̱tzꞌi̱ba lix cꞌabaꞌ chixju̱nkaleb li ralal xcꞌajol laj Israel. Juchꞌbil te̱ba̱nu joꞌ nak nequeꞌxyi̱b jun li chꞌi̱chꞌ re xyi̱banquil li sello.

Cantares 5:14

Cꞌajoꞌ xchꞌinaꞌusal li rukꞌ. Chanchan li matkꞌab oro yi̱banbil riqꞌuin li cha̱bil pec topacio. Ut li ru xsaꞌ chanchan li cha̱bil marfil qꞌuebil xsahob ru riqꞌuin li cha̱bil pec zafiro.